Lukàrzɛ̀ 12:28 - Mokpwe: Bakwery (New Testament)

²⁸ Lohwɛ̀ à wɔ̀tìrzɛ̀ tɛ hwèwùle hwe lìkòmbà la wàŋgà ema hwe hwèlì anù yàwònò rzìi ŋmɛ̀lɛ̀ hwe àŋgbahwa ò mùnya. Mɔ̀ a rza tànɛyi lì è wɔ̀tìrzɛ̀ lì akà hwèwùle e? Mamɛ ndeŋgàtɛ màlòkɛ̀ ma anyù ma utu e?

Lukàrzɛ̀ 12:28 Mawu Ofanana

Matiyò 14:31

Yerzù a òma lìya la eni lìwòkimɛnɛ rzìi a mò nyàŋgà, rzìi a mò òhweyà nanù ema, “Ìi ò wa mòtò ema òhvi lìlòkɛ̀ lì rzàlì! Mamɛ ndèŋgàtɛ̀ ŋmèemà mò aŋgɔ̀ mò tumeya nanù e?”

Matiyò 16:8

Yerzù à ma hwiyà mamɛ ema hwà mà hwɛ lì òhwa, rzìi a hwa ijòwa nanù ema, “Mamɛ ndeŋgatɛ e à òhwànɛ̀lɛ̀ nanù ema i rza jàni hwèhvòòtò e? Mamɛ ndeŋgatɛ lìlòkɛ̀ la anyu lì tùù nanù e?

Matiyò 17:17

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀ lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà ònò.”

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Matiyò 6:30

Lohwɛ̀ à wɔ̀tìrzɛ̀ tɛ hwèwùle hwe lìkòmbà là wàŋgà ema hwe hwèlì anù yàwònò rzìi ŋmɛ̀lɛ̀ hwe àŋgbahwa ò mùnya. Mɔ̀ à rza tànɛyi lì è wɔ̀tìrzɛ̀ lì akà hwèwùle e? Mamɛ ndeŋgàtɛ màlòkɛ̀ mà anyù mà utu e?”

Matiyò 8:26

Yerzù rzìi a hwa alàhwɛ̀ nanù ema, “Mamɛ ndèŋgatɛ̀ è òka wɔ̀ŋgɔ̀ nanù e? Mamɛ ndeŋgatɛ lìlòkɛ̀ la anyu lì tùù nanù e?” Rzìi à tɛ̀mɛ̀ ò ŋmanyu, à lòmeyà è mbɛ̀hvɛ̀nì ema e ma hwɛ lì hvɛhvɛ na hwèmùnɛ̀. O wòtɛmɛ̀tɛmɛ̀ e mbɛ̀hvɛ̀nì e ma kɛ̀ɛ̀yà rzìi hwèmùnɛ̀ hvɛ hwe lɔ̀kɔ̀meyà.

Lukàrzɛ̀ 8:25

Yerzù rzìi a ijòwa hwà-òkòwèlì hwa eni nanù ema, “O èŋgànɛ̀lɛ̀ e rza nò lòkɛ̀ e?” Hwa mà ònda nà wɔ̀ŋgɔ̀ nà hwètàmìrzèlì, rzìi hwa wòteya ò lì àyìjòwànɛ̀ mɔ̀kɔ nà ɔ̀nɛ̀yi nanù ema, “Ima nyayi yà mòtò ònò e? Èma à kànèyà è mbɛ̀hvɛ̀nì nà hwèmùnɛ̀ hwe malìhwa, rzìi hwe mò hweyànà e?”

Hibrù 6:7

Lohwɛ̀ a nàmìrzɛ̀ mɔ̀nyɛ̀ ema mo yɔ̀yèyà e mbuwà tɔ̀ ima lìrzako rzìi màlìhwà mà kpèeyà o mɔ̀nyɛ̀. Moŋgo mɔ̀nyɛ̀ mo gbeyà hwèèmà hwe oŋga gbamù. Hweŋge hwèèmà hwe oŋgowàna hwatò ema hwa hwe oni.

1 Pètrò 1:24

Nà oma e tìlahwì o e kààtì ya ama Lohwà nanù ema, “Hwàto hwa arzɛ hwa hwèlì ndi nàa hwèwùle, ndèŋgànɛ̀lɛ̀ mòlòŋgà mo awu ma arzɛ mo gbèyi ndi nàa imbonji ja wàŋga. Hwèwùle hwe ŋwa ndèŋganɛlɛ imbonji i unda o rze.