Lukàrzɛ̀ 12:24 - Mokpwe: Bakwery (New Testament)

²⁴ È ɔŋgɔ̀ tɛ̀ ìkàkà ja wòmbe ì rzà gbeyà mbòta tɔ̀ rzàà, ì rzà òhvi hvɛ tɔ̀ èki ema ja ùta lì gbeyà la awu. Ndi Lohwɛ̀ à ji lìrzɛ̀. È rza hwi nanù ema è òhvì wòlìtò lì akà hwènɔ̀nì e?

Lukàrzɛ̀ 12:24 Mawu Ofanana

Matiyò 10:31

O èŋgànɛ̀lɛ̀ rzɔ e rza òka tɔ̀ wɔ̀ŋgɔ̀ èhwanja inyɔ e hwɛni wòlìtò rzayi-rzayi ò ma Lohwɛ̀ lì akayi mèndiyɛ̀ndiyɛ.”

Matiyò 3:12

Ɛ̀rzɛ̀ŋgbɛ̀nì ema è hwèlì ò lìya là eni, ò lì rzɛ̀ŋgbɛnɛ hwèyàrzà ò hvɔ̀ŋgɔ̀ ema ì hwèlì ò kɛ̀lɛ. À kulɛ tɛ lì rzɛ̀ŋgbɛ, à rzàŋgà ì hvɔ̀ŋgɔ̀ jà gbamù, à ji ùtà. Rzìi à rzàŋgà hvɛ hwèyàrzà, à hwe rzòwà ò mùnya ema mò rza lìma.”

Matiyò 6:26

È ɔŋgɔ̀ tɛ̀ hwènɔ̀nì, hweyɔ hwe rza ònà tɔ̀ hwema, hwe rza hvata tɔ̀ mbòtà, ndèŋgànɛ̀lɛ̀ hvɛ hwe rza òhvi tɔ̀ èki ya lì uta è mbòtà. Ndi Lohwɛ̀, Tatɛ̀ wà anyu wà ŋmanyu à hwe lìrzɛ̀! Rzeke inyɔ è hwɛnì wòlìtò nà mɔ̀ lì aka hwènɔ̀nì e?

Makòrzì 6:26

Kiŋgɛ Hɛ̀rɔ̀dì a mà wukumeya ò ŋmèma mò eni, ndi nà òmà mɔ̀ à mà lòme lì àtɛ̀ɛ̀ yòmbò, ò ìtììtènì yà hwàyɛ̀nì hwa eni, a rzi tanɛ̀ lì mò rzɔ̀rzɔ̀nɔ̀ mamɛ à ma arze.

Lukàrzɛ̀ 12:18

À mà àwòhwànɛ̀lɛ̀ ŋmìti nanù ema, ‘Nànù ndi na gbeyà nàŋgɛ. Nà hwɛnì lì bùulɛ mayɛ̀ɛhvɛ ma amì ma arzɛ. Nà òŋgà mahvɛhvɛ ema mà òlò. Aŋgà ndi na ùta ìmbòtà ja amì ja arzɛ nà lìnɛ̀yi lìrzàŋgò.

Lukàrzɛ̀ 12:23

Lòŋgɛ lì akayi mòlelì. È nyò yɔ hvɛ ya akayi mààtù.

Lukàrzɛ̀ 12:7

Lohwɛ̀ a hwi mɔ̀rzɔ̀ŋgi mò mahvumbu ma mèyòhvò me anyu. O èŋgànɛ̀lɛ̀ rzɔ e rza òka tɔ̀ wɔ̀ŋgɔ̀ èhwanja inyɔ e hwɛni wòlìtò rzayi-rzayi ò ma Lohwɛ̀ lì akayi mèndiyɛ̀ndiyɛ.