Lukàrzɛ̀ 12:22 - Mokpwe: Bakwery (New Testament)

²² Yerzù à mà òhweyà hwà-òkòwèlì hwa eni nanù ema, “O èŋgànɛ̀lɛ̀ rzɔ, nà è òhweyà nanù ema è rza atàkìrzɛ̀ mòŋgɛ ma anyu. O lì àrza mamɛ e hwɛnì lì làa, tɔ̀ mamɛ ema e hwɛnì lì wɔ̀tɔ̀.”

Lukàrzɛ̀ 12:22 Mawu Ofanana

Lukàrzɛ̀ 12:11

È rzɔ̀mɔ̀nɛ̀hwɛ tɛ ò ndawò ja màkanɛ̀, ò màrzò ma hwàtìmbèlì hwa mbòwà, nà hwàkànèlì hwa kàrzàmi, ò lì è kàyìrzɛ̀, è rzì àtàkirzɛ nɛ e kaya tɔ̀ mamɛ ema e hwɛnì lì òhwà.

Lukàrzɛ̀ 12:23

Lòŋgɛ lì akayi mòlelì. È nyò yɔ hvɛ ya akayi mààtù.

Lukàrzɛ̀ 12:29

“O èŋgànɛ̀lɛ̀, è rzì òka lì ikà mèèmà me anyu ò mamɛ ema e làa, tɔ̀ lì nyɔ. Hwenè hweyà hwe rzìi e tàkìrzɛ̀.

1 Kɔ̀rintìyà 7:32

Nà o lìŋgànà ema tɔ̀ eyà tɔ̀ yɔ̀kɔ e rzi e tàkirzɛ̀ mèèmà me anyu. È mùnyanà ema a rzi hwàayi molànà, a ika ndi mèèmà mo eni mo arzɛ na èwòlò yà ama e Rzàŋgo, aŋga nanù a òkìrzɛ̀ Rzàŋgo mɔ̀nyɛ̀ŋgì.

Hvìlipìyà 4:6

È rzi ahvàhvɛ lì hvomɛ̀nɛ̀ tɔ̀ eyà. Ndi tɔ nanù o tɔ ima eyà ema ye e ùŋmànɛ̀lɛ̀, e kànɛ Lohwɛ̀ nanù ema a e ŋgbe mamɛ ema e arza. Ndeŋgànɛlɛ e kànɛ tɛ e mo eke.

Hibrù 13:5

È rzì keka lì ika mèèmà me anyu o lì lìŋgàna wolì ndeŋgànɛ̀lɛ̀ e ohve mɔ̀nyɛ̀ŋgì na mamɛ ema e ohvi èhwanja Lohwɛ̀ à ma ohwa nanù ema, “Nà rza e hwɛmɛ, ndeŋgànɛ̀lɛ̀ hvɛ na rza e rzɔ̀rzɔ̀.”