Lukàrzɛ̀ 12:21 - Mokpwe: Bakwery (New Testament)

²¹ Nànù ndi e hwɛnì lì hwɛ nà tɔ̀ njɛnɛ ema àwutɛ̀lɛ̀ mònàmɛ̀ ndi à rza nàmɛ̀ ò wòrzò wò ama Lohwɛ̀.”

Lukàrzɛ̀ 12:21 Mawu Ofanana

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 16:11

Ò wà ò rza tanɛ̀yi tɛ ò lì ɔ̀ŋgeyà mònàmɛ̀ mò ène rze gbamù, njɛnɛ rzɔ naŋgɛ à ò ŋgbà mònàmɛ̀ mò jɔ̀kɛ̀ e?

Lukàrzɛ̀ 6:24

Mòjèmà nà inyɔ hwèwàŋgì hwe hwatò ema e ma màà lì lùwa hvɛ mòrzawèlì mò anyu.

Ròmànì 2:5

Ndi ò wa ò òhvi ŋmèma ema mò eti ndèŋgàna ò rza arza lì timbeya Lohwɛ̀, ò eŋgànɛ̀lɛ̀ ò a òmbɛlɛlɛ ndi ò wà witi ò è kɔ̀kìrzɛ̀ ya ama Lohwɛ̀. À è kɔ̀kìrzɛ̀ ò Wùnyà wò hwèkàyìrzèlì. O wòŋgò Wùnyà, Lohwɛ̀ a ò uŋmɛ̀lɛ̀ hwetàtò wa eni, ndèŋgànɛ̀lɛ̀ mɔ̀ à uŋmɛ̀lɛ̀ nanù ema hwèkàyìrzèlì hwe eni hwe hvòmɛ̀nɛ̀yi.

2 Kɔ̀rintìyà 6:10

I hwèlì o tenì ya ndùtù ndi o i hvonda ja arzɛ i hwèlì o mɔ̀nyɛ̀ŋgì. Tɔ̀ nɛ i rza ohvɛ hwema rzayi-rzayi ndi èwòlò ema i gbeyà e gbeyà hwatò rzayi-rzayi o lì lòkɛ̀ Lohwɛ̀. O èŋgànɛ̀lɛ̀ rzɔ eŋge e hwa gbèyi ema wɔ̀ hwa ohvi hwema rzayi-rzayi. Tɔ̀ nɛ i rza ohvɛ tɔ̀ yoma, mònàmɛ̀ mò ama Lohwɛ̀ mo hwèlì ndi e mo arzu.

1 Tìmotì 6:9

Ndi hwatò ema hwa arza lì tuwa hwèwàŋgì hwa unda o tenì ya màkèkìrzɛ̀nɛ̀ ndèŋgàna hwa hwɛ ndi nàa hwatò ema hwa undi o ŋgùndèli. Wɔ̀ hwa arza ndi lì gbeyà hweyà rzayi-rzayi ema hwe rza lɔ̀wu na hweyà rzayi-rzayi ema hwe rza hwa lɔɔnɛ. Hwene hweyà hwe hwa gbeyà hwa taka rzayi-rzayi.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

Hwèwulùwèlì 2:9

Imba nà hwi mètàkà mè anyu, ndèŋgànɛ̀lɛ̀ nà hwi nanù ema è hwèlì ndi mèlìrzà mè hwatò, ndi tɔ̀ nanù è hwèlì ndi hwèwàŋgì. Nà hwi hweyà hwe wòhwe ema hwatò ema hwa ohwa nanù ema hwa hwèlì ndi wònyà Yudà tɔ̀ nɛ hwa rza enje wònyà Yudà, hwa ohwa ò lì è teŋgɛ̀nɛ̀. Wɔ̀ hwa hwèlì ndi hwatò hwa ama Mòkarzɛ̀ tɔ̀ hwatò ema hwa hwèlì ò mòndèŋge mò eni.