Lukàrzɛ̀ 12:14 - Mokpwe: Bakwery (New Testament)

¹⁴ Yerzù rzìi a mò alàhwɛ̀ nanù ema, “Ìi ŋmàyi, njɛnɛ à nò ŋgbèlì èŋgè wònjà ò lì kàyìrzɛ̀ nà lì è kàhweyà erzàŋgò ya anyu na ŋmanyàŋgò wà aŋgɔ̀ e?”

Lukàrzɛ̀ 12:14 Mawu Ofanana

Lukàrzɛ̀ 12:13

Munyànà mɔ̀kɔ ema à ma hwɛ ò ìtììtènì yà èŋge ŋgìndì rzìi a òhweyà Yerzù nanù ema, “Mòòkòlèlì kòkò, òhweyà ŋmanyàŋgò wà amì, ema a kàhwè erzàŋgò ema e rzàŋgò hwà arzu a mà jò lìiya.”

Lukàrzɛ̀ 22:58

Ò rza ayikòlɛ̀nɛ̀, rzìi òhvɛhvɛ mòtò à ɛnɛ Pètrò. À mò òhwàna nanù ema, “Ò wà hvɛ ò hwèlì ndi mɔ̀kɔ wà awu.” Pètrò rzìi à alàhwɛ̀ nanù ema, “Jàyɛ̀ ŋmàyi rzeketɛ ìmba.”

Lukàrzɛ̀ 5:20

Nà òmà Yerzù a mà ɛ̀nɛ lìlòkɛ̀ là hwaŋga hwatò, rzìi a òhweyà òŋgò mòtò wà njɛmbu nanù ema, “Ŋmàyi e, nà ò làkìrzɛ̀ wòhwe wa aŋgɔ̀.”

Yòwanìrzɛ̀ 6:15

Yerzù a mà hwiya nanù ema hwà mà arza lì mò lɛmbɛ ò lì mò gbeyà ema a hwɛ̀ e kiŋgɛ̀. O èŋgànɛ̀lɛ̀ à mà timba lì agba hvɛ ò mòòlì.

Yòwanìrzɛ̀ 8:11

Oŋgò mòlanà à mà mò alàhwɛ̀ nanù ema, “Wa èluhwe kòkò, tɔ̀ mɔ̀kɔ.” Yerzù rzìi a mò òhweyà nanù ema, “Tɔ̀ imba hvɛ na rza ò tùulɛ̀. Ɛ̀ndɛ nàŋgɛ ò hwɛmɛ lòŋgɛ lì aŋgɔ̀ la wòhwe.”

Ròmànì 2:1

O èŋgànɛ̀lɛ̀ rzɔ, tɔ̀ ima mɔ̀ hwa anyu ema a kàyìrzɛ̀ɛ hwahvɛhvɛ hwatò, tɔ̀ ò hwɛ ndi njɛnɛ, ò rza òhvì tɔ̀ lìtìŋga ema ò rza lùhwànà lì làkìrzɛ̀. Èhwanja ò kàyìrzɛ̀ tɛ hwahvɛhvɛ hwatò, rzìi ò wà witi ò hwɛ ndi ò lì gbèeyà hwèŋge hweyà ema ò hwa kàyìrzɛ̀, nanù òma ò wa hvɛ ò a tùulɛ̀ ŋmàŋgò.

Ròmànì 2:3

Ndi ò wa mbunda ami, ò gbeyà tɛ ndi hwèŋge hweyà mɛnɛ ema hwe gbeyà ò kàyìrzɛ̀ hwahvɛhvɛ hwatò ò ɔ̀ŋgɛ̀lɛ̀yi nanù ema ò tànɛyi ò wàŋga lì anjiya ò hwèkàyìrzèlèlì hwe ama Lohwɛ̀ e?

Ròmànì 9:20

Ndi ò wa mòtò wa hwènàmà ò wa ò hwèlì ndi njɛnɛ ò lì ijòwa Lohwɛ̀ eyà e? Njɔ̀ŋgɔ̀ ja lìhwànya i rza tanɛyi ji ijòwa e mòtò ema e mò weki nanù ema, “Mamɛ ndèŋgàtɛ̀ ò nò weki na òma ò nò weki nanù e?”