Lukàrzɛ̀ 12:1 - Mokpwe: Bakwery (New Testament)

¹ O mburzà hvònda ŋgìndì yà hwatò è mà arzàŋgànɛ natɛ̀ɛ, ò rzi hwɛ tɔ̀ ehvòlò. Aŋgà ndi Yerzù à wòteyà lì hwa òhwànà lì wòtàneyà hwà-òkòwèlì hwe eni nanù ema, “È aŋgòhweyà mehvìlì me Ihvalìrzàyì ema me hwèlì ndi nàa èhwindi ema e hvùhvà.

Lukàrzɛ̀ 12:1 Mawu Ofanana

Lukàrzɛ̀ 11:44

Èwòma na inyɔ! È gbèe ndi nàa ì rzɔ̀ŋgɔ̀, ema ì rza òhvɛ màyembelì ema hwatò hwa akeyà, hwa rzà ja emba.”

Lukàrzɛ̀ 12:56

Yòma-yòma hwatò hwa mèhvìlì, è tànɛyi tɛ lì laŋgà wùùnya nanù, rzìi mamɛ ndeŋgàtɛ e rza tanɛ lì èmba hweyà ema hwe ò gbèyɛ̀nɛ ò wòrzò yàwònò e?

Lukàrzɛ̀ 5:1

Wùnyà wɔ̀kɔ, nà òmà Yerzù a mà tɛ̀mɛ̀ ò mòkòkò mò yùlu ya Gɛ̀narzalɛ̀tì, ŋgìndì ndɛnɛ è mà mò tòŋgà ò lì òkànèyà eyà ya ama Lohwɛ̀.

Lukàrzɛ̀ 5:15

Ndi tɔ̀ nanù, ŋmɛ̀ndì mò ma Yerzù mò mà eyalɛnɛ èki ya arzɛ. O èŋgànɛ̀lɛ̀ ŋgìndì ja hwatò ì mà jà ò lì mò òkànèyà, nà lì wɔ̀wìrzɛ̀hwɛ ò mèrziyò me awu.

Lukàrzɛ̀ 6:17

Yerzù à mà rzìhwa nà Hwà-òkòwèlì wà eni ò mòòlì rzìi hwa uka ò ètamba. Hwa mà ùŋmanɛlɛ rzayì-rzayì ja hwahvɛhvɛ Hwà-òkòwèlì hwà eni nà ŋgìndì ndɛnɛ ya hwatò. Èŋge ŋgìndì e ma uhwɛlɛlɛ ndi ò erzòòkà ya àrzɛ ya Jùdeyà, nà Jèrurzalɛ̀mù nà è mbòwà yà Tàyi nà Rzidònì. Manù màmbòwà ma mà hwɛ ò rzààwà yà ŋmanjà.

Hwègbèèlì 21:20

O mburza hvònda ema wɔ hwà mà hweyɛ mamɛ Pàwolò à mà òhwe, rzìi hwa eka Lohwɛ̀. Rzìi hwa òhweyà Pàwolò nanù ema, “Ŋmànyàŋgò wa arzu kòkò, ò wa ò tanɛyi lì ɛnɛ na òma ò hwèlì hwekòlì, na hwekòlì hwe hwatò hwa wònyà Yudà, ema hwe ma jɛ̀ɛ̀ hwàlòkèlì ndèŋgànɛ̀lɛ̀ wɔ hwa arzɛ hwa ikayi e mbenda ya ama Mòrzè na nyɔ̀ŋgi ndɛnɛ.

1 Kɔ̀rintìyà 15:3

Nà ma e ohweyà Ŋmɛ̀ndì mò Gbamù ema nà mà luwe ndèŋgàna mo hwèlì wòlìtò. Mòŋgo ŋmɛ̀ndì mò hwèlì ndi ema, Krirztò à mà jo ŋwèeyà o wòhwe wò arzu, na oma e tìlahwì o kààtì ya ama Lohwà.

Hibrù 12:22

Ndi inyɔ e ma jà ndi o lì kombɛnɛ e hvàko ya Rzayɔ̀nì. È ma jà o e mbowà ndɛ̀nɛ ya ama Lohwà ema lì hwèlì lòŋgɛ. Èŋge mbowà e hwèlì ndi Jèrurzalɛ̀mù ema e hwèlì o ŋmanyu. Rzayi-rzayi ja aŋgèlì i ma arzàŋgànɛ̀ o tenì na mɔ̀nyɛ̀ŋgì.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

1 Pètrò 2:1

O eŋgànɛ̀lɛ̀ rzɔ, e hwɛmɛ hwɛ̀ɛ̀mɛ̀ hwe anyu hwe wòhwe hwe arzɛ. È rza kɔ hweyà, e rza ohva mèhvìlì, mòtò a rzi nòneyà ŋmanyàŋgò wa eni, ndèŋgànɛ̀lɛ̀ inyɛ e mbɔrzi ya wòhwe e rzi wurza mòtò o hwàna.