Lukàrzɛ̀ 11:9 - Mokpwe: Bakwery (New Testament)

⁹ Nà è òhweyà nanù ema, “Ijòwa Lohwɛ̀, a ò ŋgbà. O arze, Lohwɛ̀ a gbeyà ò e ɛnɛ, ò kumbe lìyòhva, Lohwɛ̀ ò e lìhvòweya e lɔ.

Lukàrzɛ̀ 11:9 Mawu Ofanana

Matiyò 21:22

È òhvi tɛ lì lòkɛ̀ nanù ema, tɔ̀ mamɛ ema e ijòwani Lohwɛ̀ ò màkanɛ̀ ye e lùwa. Nànù òma e ijòwi tɛ ye e luwa.”

Matiyò 21:31

Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Matiyò 6:29

Ndi nà è òhweyà nà è jɔ̀kɛ̀ nanù ema, tɔ̀ Kìŋgɛ Rzòlòmɔ̀nì ò tenì yà mònàmɛ̀ mò eni, à rzi wɔ̀tè tɔ̀ lìwɔtì tɔ̀ lɔ̀kɔ ema lì mà lɔ̀ɔwu, lì uka tɔ̀ lìnyèŋge tɔ̀ lɔ̀kɔ là mbònji.

Makòrzì 11:24

Nà è òhweyà ema tɔ̀ mamɛ ema è ìjòwahwi Lohwɛ̀ ò màkanɛ̀, è lòkɛ̀ tɛ nanù ema è e lùwà, e ò gbèyɛ̀nɛ̀.

Makòrzì 13:37

O èŋgànɛ̀lɛ̀ rzeketɛ inyɔ mɛnɛ ndi nà òhweyà hwenè hweyà ndi nà òhweyà tɔ̀ ima mòtò nanù ema, ‘È aŋgòwè.’”

Lukàrzɛ̀ 11:10

Èhwanja tɔ̀ njɛnɛ ema a ijòwi Lohwɛ̀, à è lùwà. Òŋgò hvɛ ema à àrza yòma, à è ɛnɛ̀. È mɔ̀ hvɛ ema à kùmbi lìyòhva, Lohwɛ̀ à mò lìhvòweyà è lɔ.

Yòwanìrzɛ̀ 14:13

Ndèŋgànɛ̀lɛ̀ hvɛ, imba na ò gbeyà tɔ̀ mamɛ ema ò ijò ò lìna lì ami, aŋga nanù Tatɛ̀ a ò luwa èluhwe lì akeyà è Ŋmanà wà Munyanà wa eni.

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 15:7

È kakùmɛ̀nɛ̀ tɛ nanù mɛnɛ na imba rzìi hwèyòkòlèlì hwe ami hwèyɔ̀hvɛ hwe hwɛ ò tenì e anyu, e ijòwe tɔ̀ mamɛ ema e arza, ye e èlùwà.

Yòwanìrzɛ̀ 4:10

Yerzù rzìi a mò alàhwɛ̀ nanù ema, “O hwìiyàyì tɛ jàhwèyà ja ama Lohwɛ̀, rzìi ò hwiya hvɛ njɛnɛ ema a òhweyà à mà ò nò ŋgbe malìhwà mà lì nyɔ, ò ma ò wa ò nò ijò malìhwa. Ndèŋgàna ò ma imba na ò ŋgbèelì malìhwa ema mà ŋgba lòŋgɛ.”

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

2 Kɔ̀rintìyà 6:2

Lohwɛ̀ a ohwi na oma e tìlahwì nanù ema, “Nà oma e hvonda ya jɔ̀kɛ̀ e ma uke, nà mà hweyà eyà ema e mo òhwe. Wùùnyà wo lìrzùŋgàhwa wo ma uke, nà mà e òŋgòwàna.” È ɔ̀ŋgɔ tɛ nàŋgɛ ndi e hwèlì e hvonda ya jɔ̀kɛ̀ ema e hwɛni o lì luwa e ndèli ya ama Lohwɛ̀. È ɔ̀ŋgɔ tɛ wùnyà wo ma uka ema e hwɛni lì kɔtɔ̀wɔ.

Hibrù 11:6

Mòtò a rza ohvi tɛ lìlòkɛ̀ a rza tànɛyi a òkìrzɛ̀ Lohwɛ̀ mɔ̀nyɛ̀ŋgì. Èhwanja tɔ̀ njɛnɛ ema a arza o lì jà o lì kombɛnɛ Lohwɛ̀ a àŋgàmɛ̀nɛ̀yi lìlòkɛ̀ nanù ema Lohwɛ̀ a hwèlì. Ndèŋgana a lòkɛ̀ nanù ema Lohwɛ̀ a taŋgeya hwatò ema hwa arza lì mo nɔ̀ŋgɔ o mburza.

Hibrù 4:16

Ò eŋgànɛ̀lɛ̀ rzɔ̀, inyɛ ì hwɛnɛ lìhvìtà, inyɛ je ɛndɛ o e konda ya lìkànèyà la ama Lohwɛ̀, ema e ŋgbàà e ndelì. Inyɛ̀ je ɛndɛ aŋga e rzi hwɛ tɔ̀ wɔ̀ŋgɔ̀. Inyɛ̀ i gbeye nanù aŋga nanù Lohwɛ̀ a jo uŋmɛ̀lɛ̀ ììlì, rzìi a jo ŋgbà e ndèli ya eni ema e jo oŋgowàna tɔ̀ ima hvonda ema ja arza lì oŋgowanɛ.

Jèmìrzì 1:5

Ndi tɔ̀ ima mɔ̀ wa anyu ema a rza hwɛnɛ lìhwiyè, a kànɛ Lohwɛ̀, a mo ŋgbàà e lɔ̀. Lohwɛ̀ ndi à gbeyàna ŋmèma mo eni mo awɔ̀kɛ o lì ŋgba tɔ̀ ima mòtò lìhwiyè. Mɔ̀ Lohwɛ̀ a rza timbana tɔ̀ mòtò mburzà ndèŋgànɛ̀lɛ̀ a mo ŋgba e lɔ.

Jèmìrzì 5:15

Hwa mo kànɛlɛlɛ tɛ na ŋmèma mɔ̀kɔ, Lohwɛ̀ a hwa hweyàna màkanɛ̀ ma awu, ndeŋgànɛlɛ eŋge e gbeyà e mòokelì a wɔ̀wɔ. È Rzàŋgo e gbeyà ema oŋgo mòtò a anjiye o lìnɔ̀ŋgɔ la eni la nyàmbɛ a hwɛ gbamù, ndèŋgànɛ̀lɛ̀ tɔ̀ wòhwe ema mɔ̀ à gbèyi Lohwɛ̀ a mo làkìrzɛ e lɔ̀ɔ.

1 Yòwanìrzɛ̀ 3:22

I luwàna Lohwɛ̀ tɔ̀ mamɛ ema i mo arzanì, ehwànja irzɔ jo òŋgama imbenda ja eni, na lì gbeyà hvɛ mamɛ ema e mo lìŋgìrzɛ.

Hwèwulùwèlì 2:24

“Ndi na e ohweyà inyɔ hwatò ema e lìyelì o Tìyatìrà, inyɔ ema e rzi ika hwenè hwèokòlelì, inyɔ i rzi okowi hwèokòlelì hwe hweyà ema hwe hwɛ̀lɛ̀hwɛ̀ nanù ema, ìwùndɛ̀ ja ama Mòkarzɛ̀. Nà e ohweyà nanù ema, na rza arza lì e tàkìrzɛ̀ hvɛ.