Lukàrzɛ̀ 11:51 - Mokpwe: Bakwery (New Testament)

⁵¹ Lìwòteya nà màyija mà amà Abɛ̀lì natɛ̀ɛ nà è màa ama Rzàkàriyà ema à mà òŋwahwa ò ìtììtènì ja lììyɔ̀ là màkanɛ̀ nà ò èki yà Wòtani. Nà è òhweyà è jɔ̀kɛ̀ ema ène nyɔ̀ŋgɔ̀nì ndi è kɔ̀kìrzɛ̀hwɛ̀ ò nyòla hwenè hweyà hwe àrzɛ.

Lukàrzɛ̀ 11:51 Mawu Ofanana

Matiyò 23:35

Ò èŋgànɛ̀lɛ̀ rzɔ, inyɔ è ò hwanɛ̀ màyija mà hwatò hwa arzɛ ema hwa mà hwɛ ehve-ehve ema mà kòmèlì e rze ya arzɛ. Lìwòteyà ò e kpelì ya ama Abɛ̀lì ema à mà òŋwahwa ò ŋgundu natɛ̀ɛ nà ò è kpelì yà ama Rzàkàriyà, è ŋmanà wa mùnyanà wa ama Bɛ̀lɛ̀kàyìyà. Ema inyɔ e ma òŋwe ò ìtììtènì ja e Ndawò ya Lohwà na ètàwò yà màkanɛ̀.

Hibrù 11:4

O lìlòkɛ̀ ndi Abɛ̀lì à mà ŋgbe Lohwɛ̀ làhweyà la gbamù, ema lì ma aka lìŋgi ema Kèyini à mà ŋgbe Lohwɛ̀. Liŋgi lìlòkɛ̀ lɔ ndi lì ma gbeyà ema Lohwɛ̀ à mà mo òkane mɔ̀nyɛ̀ŋgì nàa mòtò ema a gbèeyà hweyà ema hwe hvomɛ̀nɛ̀yi. Ène eyà e ma awuŋmɛ̀lɛ̀ na oma Lohwɛ̀ à mà emeyà làhweyà la ama Abɛ̀lì. Lìlòkɛ̀ ndi lì ma gbèya ema tɔ̀ nɛ Abɛ̀lì mɔ̀ à mà ŋwɛɛ, ndi à hwèlì lì ohweyà hwatò hweyà.

Hibrù 12:24

Inyɔ e ma jà oma Yerzù mɔ̀ ema a tɛmi o ìtììtènì ja hwatò na Lohwɛ̀ na yòombò e hvènya. Inyɔ e ma jà nàŋgɛ o ma Yerzù a hwèlì lì e hvahva màyija ma eni. Maŋga màyija ma mà jo ŋgba ndèli lì aka màyija ma ama Abɛ̀lì.

1 Yòwanìrzɛ̀ 3:12

È rzi hwɛ ndi nàa Keni. Keni à mà hwɛ ndì mòtò wà ama Mòkarzɛ̀ ndèŋgànɛ̀lɛ̀ à mà oŋwa ŋmanyàŋgò wà eni. Mamɛ ndèŋgatɛ à mà mò òŋwa e? À mà mò òŋwa ndi ehwànja mɔ̀ Keni hwègbèèlì hwe eni hwe mà onda ndi wòhwe ndi hwègbèèlì hwe ama ŋmanyàŋgò wà eni hwe mà hwɛ ehve-ehve.