Lukàrzɛ̀ 11:48 - Mokpwe: Bakwery (New Testament)

⁴⁸ È hwɛ mbòŋgi nà lì imanɛ̀lɛ nanù ema irzàŋgo jà anyu ima gbeyà gbamù ò lì òŋwa hwà-òhwèlì hwa hwèlìŋgɛ̀. Inyɔ hvɛ ndi e hwa òŋgelì irzɔ̀ŋgɔ̀ ja awu.

Lukàrzɛ̀ 11:48 Mawu Ofanana

Matiyò 23:27

“Mòjèmà na inyɔ, Hwà-òkòlèlì hwa è mbenda nà Ihvàlìrzàyì, inyɔ hwatò hwa mèhvìlì! È hwèlì ndi nàa melìma me rzɔ̀ŋgɔ̀ ema me nyàlirzɛ̀hwɛ̀yi lìyɔ̀kì ema lì tana. Meŋge melìma me rzɔ̀ŋgɔ̀ me ɛneya melòŋga ò èwòka, ndi meŋge melìma, me òndi ndi na hwèerze na hwèembè ema hwà mà rzɔ̀mbɛ ò tenì.

Matiyò 23:31

O èŋgànɛ̀lɛ̀ rzɔ inyɔ e àwùlùhwɛ̀ inyɔ hwiti ema, inyɔ e hwèlì ndi e nyɔ̀ŋgɔ̀nì ya hwaŋga hwatò ema hwà mà òŋwa hwà-òhwèlì hwa hwèlìŋgɛ̀.

Lukàrzɛ̀ 11:47

Èwòma nà inyɔ! Èhwanja hwà-òhwèlì hwa hwèlìŋgɛ̀ ema irzàŋgo ja anyu ì ma òŋwe, è hwèlì e hwa òŋgeyà ìrzɔ̀ŋgɔ̀ ja awu.

Lukàrzɛ̀ 11:49

Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’

Ròmànì 1:32

Wɔ̀ hwa hwi nanù ema Lohwɛ̀ à mà òhwa nanù ema, hwatò ema hwa gbeyà iŋgi nyayi jà hweyà hwa àŋgàmɛ̀nɛ̀yi lì ŋwa, ndi tɔ̀ nanù hwa lìmelì ndi ò lì gbeyà hweŋge hweyà. Ndèŋgàna rzeketɛ hvɛ tɔ̀ nanù wɔ̀ hwa eka hwatò ema hwa gbeyà iŋgi nyayi ja hweyà.

Jèmìrzì 5:10

Ìi wònyànyàŋgo wa ami kòkò, e wowe hwe embànelì hwe hwà-òhwèlì hwa hwèlìŋgɛ̀. Hwà mà hwɛ lì ohwa ŋmɛ̀ndì o lìna la ama e Rzàŋgo, hwà mà hwɛ lì taka, ndèŋgànɛ̀lɛ̀ hwà mà àjùlɛ̀nɛ̀ meŋge mètàkà.