Lukàrzɛ̀ 11:34 - Mokpwe: Bakwery (New Testament)

³⁴ Mììrzɔ̀ ma aŋgɔ̀ ma hwèlì ndi nàa ètùlù ya è nyò yà aŋgɔ̀. Mììrzɔ̀ ma aŋgɔ̀ ma hwèlì tɛ gbamù, è nyò yà aŋgɔ̀ ya àrzɛ è òndà na ŋmàye. Mììrzɔ̀ ma aŋgɔ ma rzà ɛnɛ tɛ, è nyò yà aŋgɔ̀ ya àrzɛ è òndà jìtìtì.

Lukàrzɛ̀ 11:34 Mawu Ofanana

Makòrzì 4:12

À mà gbeyà ndi nanù ema, tɔ̀ hwa ɛnɛ̀ hwa rzà èmbàneyà, tɔ̀ hwa hweyà hwa rzà rzɔ̀ŋgìtɛ̀nɛ̀, èhwanja hwa rzɔ̀ŋgìtɛ̀nɛ̀yi tɛ hwa tìmba ò mà Lohwɛ̀ òma à mà hwa làkìrzɛ̀.”

Makòrzì 7:22

Mòrzònje mò ndawò ya lìhwa, lì hwɛ wɔ̀, na lì gbeyà la hwehvɛhvɛ hweyà hwe wòhwe nàa ìilɔ̀ki, ìndɔ̀ki ja hweyà, merzàmbelì, ò lì òhwìrzɛ̀nɛ̀ mòtò wòhwe, e kumbà na lì gbeyà hwèètì hwe hweyà.

Makòrzì 8:18

È òhvi mirzɔ̀, è rza ɛnɛ e? È òhvi matò, è rza hvɔ̀ŋgɛ̀ e? Nàtɛ̀ɛ na nàŋgɛ è rza tanɛ lì ɔ̀ŋgɛ̀lɛ̀ e?

Lukàrzɛ̀ 11:35

O aŋgòhweyà rzɔ nanù ema ŋmàye mò aŋgɔ mò nyò mò rzì tìmba jìtìtì.

Hwègbèèlì 13:11

Nàŋgɛ rzɔ, Rzàŋgò Lohwɛ̀ a ò kɔ̀kìrzɛ̀. O kpa ndima, ò rza ò ɛnɛ hvɛ ò ŋmanà hvòka hvònda.” O lìwòkimɛnɛ, Èlìmàrzì a hweyà ndi ò a ɛnɛ òma lìmbaki lì ma mò hwanda mìirzɔ̀, rzìi mɔ̀ a à ŋmàrzɛ̀lɛ ò lì luwa mòtò ema a lɛmbɛ lìya la eni ò lì mò timba.

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

Ɛ̀hvìrzìyà 1:17

Ndèŋgànɛ̀lɛ̀ nà kanɛ̀ ndi nanù ema Lòohwà là ama Rzàŋgo yà arzu Yerzù Krirztò, Tatɛ̀ yà èluhwe, à è ŋgbe Èlìŋgɛ̀ yà Wòtani nà ò lì rzɔ̀ŋgìtɛ̀nɛ̀ iŋgi wùndɛ̀ jà hweyà ema hwe utamì aŋga nanù è hwe hwiya gbamù.

Ɛ̀hvìrzìyà 6:5

Inyɔ hvɛ hwàkòmì e hweyàne irzaŋgo ja anyu ja èwòlò. Ndeŋgànɛ̀lɛ̀ e hwa ŋgbe èluhwe, ndeŋga e hwa hweyàne na ŋmèma mɔ̀kɔ molemilemi na oma e hweyàna Krirztò.

Kòlòrzìyà 3:22

Inyɔ hwàkòmì, è hweyàne è wɔ̀ ema hwa è hwɛni ò ihvonda jà arzɛ. È rzi hwa gbèeyà ndi lìrzakò mɛnɛ ema hwa ɛnɛ̀ ò lì arza nanù ema hwa yè èke. Ndi è hwa gbèeyà èwòlò nà ŋmèma mɔ̀kɔ ehwànja è Rzàŋgo ndi inyɔ è ŋgba èluhwe.