Lukàrzɛ̀ 11:31 - Mokpwe: Bakwery (New Testament)

³¹ O wùnyà wò hwèkàyìrzèlì è mòkànèlì wa mòlanà ema à ma hwɛ lìkànèyà èkòmè ya Rzebà mɔ̀ hvɛ à ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò ò wùnyà wò hwèkàyìrzèlì. A ò tɛ̀mɛ̀ mbòŋgi ema e ò gbeyà ema hwa tuwe ŋmàŋgò. Hwa ò tuwa ŋmàŋgò èhwanja a uwɛ̀lɛ̀lɛ̀yi èki hvòòhvò ò lì òkànèyà hweyà hwe lìhwiyè ema Rzòlòmɔ̀nì à mà hwɛ lì òkòlɛ̀. Ndi yàwònò, ò hwèlì mòtò mɔ̀kɔ ema à akàyì Rzòlòmɔ̀nì.

Lukàrzɛ̀ 11:31 Mawu Ofanana

Matiyò 12:42

O wùnyà wò hwèkàyìrzèlì è mòkànèlì wa mòlanà ema à mà hwɛ lìkànèyà èkòmè ya Rzebà mɔ̀ hvɛ à ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò ò wùnyà wò hwèkàyìrzèlì. À ò tɛ̀mɛ̀ mbòŋgi ema è ò gbèyɛ ema hwa tuwe ŋmàŋgò. Hwa ò tuwa ŋmàŋgò èhwanja a uwɛ̀lɛ̀lɛ̀yi èki hvòòhvò ò lì òkànèyà hweyà hwe lìhwiyè ema Rzòlòmɔ̀nì à mà hwɛ lì òkòlɛ̀. Ndi yàwònò, ò hwèlì mòtò mɔ̀kɔ ema à akàyì Rzòlòmɔ̀nì.”

Lukàrzɛ̀ 3:22

Èlìŋgɛ̀ yà Wòtani rzìi e uhweyà ò ŋmanyu lì ayèkɛnɛ̀ nàa mbèŋgà rzì e rzìhwà, e mò tɛ̀mɛ̀ ò mòhvò. Rzìi lìlò lì uwɛ̀lɛ̀lɛ̀ ò ŋmanyu yà lohwà lì òhwa nanù ema, “O wà ndì ò hwèlì è Ŋmanà wa amì wà ndìŋgɛ ya màlìŋgò, nà òki mɔ̀nyɛ̀ŋgì nà ò wa rzayì-rzayì.”

Lukàrzɛ̀ 9:35

Hwa mà hwèya lìlò ema lì ma wurza ò lìŋgi lìmbàkì lì mà òhwa nanù ema, “È Ŋmanà wa amì ònò. Mɔ̀ ndì na hvɔ̀rzì. È mò òkànèyà ndi mɔ̀.”

Ròmànì 2:27

O èŋgànɛ̀lɛ̀ hwaŋga hwatò ema hwa ika e mbenda tɔ̀ nɛ hwa rza endàhwɛ̀, hwa e uŋmɛ̀lɛ̀ inyɔ wònyà Yudà nanù ema hweyà ema e gbeyà hwe rza hvòmɛ̀nɛ̀. È ma endàhwa ndèŋgàna e òhvi mbenda ema e tìlahwì ò kaàtì ndi e rza e òŋgama.

Hibrù 11:7

Lìlòkɛ̀ ndi lì ma gbeyà ema Nowà a hweyàne Lohwɛ̀ na oma Lohwɛ̀ à mà mo òhweyà hweyà ema hwe o gbèyɛ̀nɛ o hvonda ema e o jɛ̀ɛ̀. Tɔ̀ nɛ o eŋge hvonda mɔ̀ à rza ɛnɛ hweŋge hweyà na mìirzɔ̀ ma eni, ndi mɔ̀ à mà gbeyà hweŋge hweyà ema Lohwɛ̀ à mà mo òhweyà ema a gbeye. A ma oŋga wɔ̀lɔ wo ndɛnɛ. O tenì ɔ̀ndi mɔ̀ à mà kpeyaneya lìtumba la eni la arzɛ ndèŋgàna wɔ̀ hwà mà rzùŋgàhwa e hvonda ema màlìhwà ma mà onde e rze ya arzɛ rzìi hwèèmà hwe arzɛ hwe inda. Nà oma Nowà à mà gbèyi nanù e ma awuŋmɛ̀lɛ̀ nanù ema hwatò hwa arzɛ hwa e rze ya mɔ̀nyɛ̀ hwà mà hwɛ wòhwe. Ndi lìlòkɛ̀ ema Nowà à mà hwɛnɛ lì ma gbeyà ema Lohwɛ̀ a mo wowa nàa mòtò ema a tɛmi ehve-ehve.