Lukàrzɛ̀ 11:29 - Mokpwe: Bakwery (New Testament)

²⁹ Èŋge hvònda ema è ŋgìndì e mà kòke, aŋga ndi Yerzù, à hwa òhweyà nanù ema, “Ène nyɔ̀ŋgɔ̀nì yà hwatò è hwèlì ndi nyɔ̀ŋgɔ̀nì yà wòhwe. È àrza ndi lì ɛnɛ̀ mànyàkà mà amà Lohwɛ̀. Ndi hwa rza ò ma lùwa, lì akà tɛ èmɛ̀nɛ̀nì ya mànyakà mà ama Jona.

Lukàrzɛ̀ 11:29 Mawu Ofanana

Matiyò 3:7

Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Lukàrzɛ̀ 11:16

Hwahvɛhvɛ hwatò wɔ̀ hvɛ hwa mà àrza lì mò kèkìrzɛ ema, a hwa uŋmɛ̀lɛ̀ eèmbànèlì ò ŋmanyu yà Lohwà.

Lukàrzɛ̀ 11:50

Ène ŋgàna è gbèyi ema, ène nyɔ̀ŋgɔ̀nì yò ò kɔ̀kìrzɛ̀hwɛ̀ ò nyòla màyija ma hwà-òhwèlì hwa hwèlìŋgɛ̀ hwa àrzɛ ema màyija ma awu ma mà rzòweyà ò hwèwòtelì hwe ène rze.

Lukàrzɛ̀ 12:1

O mburzà hvònda ŋgìndì yà hwatò è mà arzàŋgànɛ natɛ̀ɛ, ò rzi hwɛ tɔ̀ ehvòlò. Aŋgà ndi Yerzù à wòteyà lì hwa òhwànà lì wòtàneyà hwà-òkòwèlì hwe eni nanù ema, “È aŋgòhweyà mehvìlì me Ihvalìrzàyì ema me hwèlì ndi nàa èhwindi ema e hvùhvà.

Lukàrzɛ̀ 9:41

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneya òŋgò ŋmanà anù.”

Yòwanìrzɛ̀ 2:18

Hwàkànèlì hwa wònyà Yudà rzìi hwa timba lì mò ijòwa nanù ema, “Ima ŋgàna ya embànelì ema ò tànɛyi lì jò uŋmɛ̀lɛ̀ aŋga nanù i hwiya nanù ema ò hwɛni wònja ò lì gbeyà ene nyayi eyà e?”

Yòwanìrzɛ̀ 6:30

Hwa mà alàhwɛ̀ Yerzù nanù ema, “Ima eyà ya mànyakà ema ò gbeyà i ɛnɛ rzi i ò lòkɛ̀ e? Mamɛ ò tànɛyi lì gbeyà ò tɛ̀ɛ̀tɛ̀ɛ e?

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

1 Kɔ̀rintìyà 1:22

Wonyà Yudà hwa arza ndi lì ɛnɛ embànèlì yà mànyakà, ò lì lòkɛ̀. Ndi hwatò hwa Grìki, wɔ̀ hwa arza ndi lìhwiyè lì ndɛnɛ.