Lukàrzɛ̀ 11:22 - Mokpwe: Bakwery (New Testament)

²² Ndi è mɔ̀ ema à imbami lì mò akà, à mò urzuhwèlì tɛ, rzìi a mò lùwa rzìhwɛ, à mò wòwànà hwɛ̀ɛ̀kɛ̀ hweni hwe njùma. À ɛ̀ndɛ̀ lì hwàà hwèŋge hwemà ema a mò wòwanì.”

Lukàrzɛ̀ 11:22 Mawu Ofanana

Lukàrzɛ̀ 11:21

Mòtò ema à imbami a àkpatɛ tɛ, ò lì ɔ̀ŋgeyà èwòka ya eni, tɔ̀ erzàŋgò yà eni, à rza ɛ̀ndɛ tɔ̀ èki.

Lukàrzɛ̀ 11:23

“Tɔ̀ ima mɔ̀ ema a rza enje na imba òma a nò teŋgɛ̀nɛ̀yi, tɔ̀ è mɔ̀ hvɛ ema a rza nò òŋgòwànà ò lì rzàŋga, òma a hwèlì ndi ò lì bùulɛ.

Ɛ̀hvìrzìyà 6:11

È akpatɛ rzɔ nà hwèèmà hwe arzɛ hwe njuma è mà Lohwɛ̀ à è ŋgbèlì, aŋga nanù è tànɛyi lì teŋgɛ̀nɛ̀yi Mòkarzɛ̀ meyànò mè eni.

Ɛ̀hvìrzìyà 6:13

O èŋgànɛ̀lɛ̀ rzɔ e akpatɛ na hwèèmà hwe arzɛ hwe njuma ema Lohwɛ̀ a e ŋgbelì aŋga nanù o wùnyà wo wòhwe hwa jèelì tɛ, e o tànɛyi lì teŋgɛ̀nɛ̀ hwàkɔ̀yèlì. È o ana natɛ̀ɛ na o lìrzùkù ndeŋgànɛ̀lɛ̀ e o tɛ̀mɛ̀ na ŋginyà.

Kòlòrzìyà 2:15

Lohwɛ̀ à mà aka iŋginyà nà hwàkànèlì hwa ene rze. Nà oma à mà wà aka ò tenì è mà ɛnɛhwɛ nà tɔ̀ ima mòtò nà oma Krirztò à mà ŋwe ò mbàrza.

1 Yòwanìrzɛ̀ 3:8

Tɔ̀ njɛnɛ ema a lìmelì o lì gbeyà wòhwe a hwèlì ndi e wa ama Mòkarzɛ̀, ehwànja Mòkarzɛ̀ à mà gbeyà wòhwe lì wòteyà o hwewotelì. Lìtiŋga ema è Ŋmanà wà ama Lohwɛ̀ à mà jèe o e rze ya mɔ̀nyɛ̀ lì hwèlì ndi o lì hvàŋga èwòlò ya ama Mòkarzɛ̀.

1 Yòwanìrzɛ̀ 4:4

Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.