Lukàrzɛ̀ 11:20 - Mokpwe: Bakwery (New Testament)

²⁰ Ndi nà òmà na gbeyàna ndi è ŋginyà yà ama Lohwɛ̀ ò lì hvayànà hwèlìŋgɛ̀ hwe wòhwe, e uŋmɛ̀lɛ̀ ema Lìkànèyà là ama Lohwɛ̀ lì ma è jèeyà.

Lukàrzɛ̀ 11:20 Mawu Ofanana

Matiyò 12:28

Ndi na òma na gbeyàna e ŋginyà ya èlìŋgɛ̀ ya ama Lohwɛ̀, ò lì hvaya hwèlìŋgɛ̀ hwe wòhwe ene ŋgàna e uŋmɛ̀lɛ̀ ndi nanù ema lìkànèyà là ama Lohwɛ̀ lì mà jà ò ìtììtènì ja anyu.

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Lukàrzɛ̀ 10:11

‘Tɔ̀ irzɔ̀hwɛ̀ ja anyu ema jò ò hwèlì ò rze yà màtàŋgà ma arzu, ì ma è hvùhvùhweyà è jɔ. Ndi e hwiyè ema lìkànèyà là ama Lohwɛ̀ lì ma è kòmbɛ̀nɛ̀.’

Lukàrzɛ̀ 10:9

È wɔ̀wìrzɛ̀ hwà-òkèlì. È hwa òhweyà hvɛ nanù ema, ‘Lìkànèyà là ama Lohwɛ̀ lì ma è kòmbɛ̀nɛ̀.’

Lukàrzɛ̀ 11:21

Mòtò ema à imbami a àkpatɛ tɛ, ò lì ɔ̀ŋgeyà èwòka ya eni, tɔ̀ erzàŋgò yà eni, à rza ɛ̀ndɛ tɔ̀ èki.

Hwègbèèlì 20:25

“Nà ma hwɛ na inyɔ, rzìi na a e òhweyà lì hvòmɛ̀nɛ̀ lìkànèyà la ama Lohwɛ̀. O naŋgɛ na hwi nanù ema tɔ mɔ̀kɔ wa anyu a rza ò nò ɛnɛ hvɛ.

2 Tɛ̀rzàlonìyà 1:5

Hwene hweyà hwe uŋmɛ̀lɛ̀ nanù ema hwèkàyìrzèlì hwe ama Lohwɛ̀ hwe tɛmi ehve-ehve. Ò eŋgànɛ̀lɛ nàa è mbàko rzɔ, Lohwɛ̀ à è wòwa nàa hwatò ema hwa hvomɛ̀nɛ̀yi ò lì hwɛ ò lìkànèyà là eni. Èhwànja ò nyòla lìkànèyà là eni ɔndèŋgàtɛ̀ inyɔ è hwèlì è akeyà ò tenì yà màkekirzɛnɛ.