Lukàrzɛ̀ 11:2 - Mokpwe: Bakwery (New Testament)

² Yerzù à mà hwa òhweyà nanù ema, “È àrzà tɛ lì kanɛ̀ e òhwe nanù èma, ‘Ìi Tatɛ̀, inyɛ lìinà la aŋgɔ̀ lì lòkɛ̀hwɛ̀. Inyɛ̀ lìkànèyà la aŋgɔ̀ lì jèe.

Lukàrzɛ̀ 11:2 Mawu Ofanana

Matiyò 10:32

Tɔ̀ njɛnɛ ema a nò tɛ̀mèlì mbòŋgi ò màrzò ma hwatò hwa hwènàmà, imba hvɛ na mò tɛ̀meyà mbòŋgi ò wòrzò wa ama Tatɛ̀ wa ami ema a hwèlì ò ŋmanyu yà lohwà.

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Lukàrzɛ̀ 11:1

Wùnyà wɔ̀kɔ, Yerzù à mà hwɛ èki ò lì kanɛ̀. Nà òmà a mà kulɛ lìŋgi lì kanɛ̀, rzìi mòòkòwèlì wà èni mɔ̀kɔ a mò òhweyà nanù ema, “Rzàŋgò e, ò jò òkòlɛ̀ nɛ ì hwɛnì lì kanɛ̀, nà òmà Yòwanìrzɛ̀ mɔ̀ hvɛ a mà òkòlɛ̀ hwà-òkòwèlì wa eni.”

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

1 Kɔ̀rintìyà 1:3

Inyɛ̀ è ndèli nà ɛ̀yɔ̀lɛ̀ yà ama Lohwɛ̀ Tatɛ̀ wà arzu nà Rzàŋgo Yerzù Krirztò, è hwɛ nà inyɔ.

2 Kɔ̀rintìyà 1:2

Inyɛ̀ è ndèli nà ɛ̀yɔ̀lɛ̀ yà ama Lohwɛ̀ Tatɛ̀ wà arzu nà Rzàŋgo Yerzù Krirztò, è hwɛ nà inyɔ.

Gàletìyà 1:4

Ò lì arza nanù ema i rzolowahwa ò lì gbeyà wòhwe ò ene rze yà yawono, Yerzù Krirztò à mà aŋgbɛ mɔ̀ ŋmìti ò lì jò ŋwèeyà ò wòhwe wò arzu. À mà gbeyà ndi nanù èhwanja nanù ndi Lohwɛ̀ è Tatɛ̀ yà arzu è mà tɛ̀yirzɛ.

Ɛ̀hvìrzìyà 1:2

Inyɛ̀ è ndèli nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Rzàŋgo Yerzù Krirztò è hwɛ nà inyɔ.

Hvìlipìyà 1:2

Inyɛ̀ è ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ wà arzu, nà Yerzù Krirztò è Rzàŋgo yà arzu è hwɛ nà inyɔ.

Hvìlipìyà 4:20

Èluhwe è hwɛ nà Lòohwà là arzu, Tatɛ̀ hwa arzu natɛ̀ɛ nà ò gbìndèyà. Inyɛ̀ wò lìya nanù.

Kòlòrzìyà 1:2

Nà è tìleyà ndi inyɔ hwatò hwa ama Lohwɛ̀ ema è hwèlì o mbowà ndɛnɛ yà Kòlòrzìyà ini ìtìtà. Inyɔ è hwèlì ndi nà Krirztò ndeŋgànɛlɛ è mò òŋgamana ndi nà ŋmèma mɔ̀kɔ. È ndèli nà ɛ̀yɔ̀lɛ̀ yà ama Lohwɛ̀ Tatɛ̀ wà arzu è hwɛ nà inyɔ.

1 Tɛ̀rzàlonìyà 1:1

Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 15:4

Ìi Rzàŋgo, njɛnɛ a rza o oka wɔ̀ŋgɔ̀ e? Njɛnɛ a rza o ŋgba èluhwe e? O wà witi mɛnɛ ndi o hwèlì wòtani. Hwàto hwa hwèkòmè hwe arzɛ hwe e rze ya mɔ̀nyɛ̀ hwa o jà o lì o kànɛ. Èhwànja hwègbèèlì hwe aŋgɔ hwe ehve-ehve hwe ma wulùwahwà.”

Hwèwulùwèlì 19:6

Rzìi na hweyà yoma nàa lìlo lì ndɛnɛ ya e ŋgindi ya hwatò, lì ma hwɛ̀ɛnɛ̀ ndi nàa malìhwà mà lìyowa ndi mo ɔndɔ̀ɔ̀, ndèŋgànɛ̀lɛ̀ nàa mɔ̀tɔ̀wu mo e ŋgala lohwà. Liŋgi lìlo lì ma ohwa nanù ema, “Jèka i hwɛ na Lohwɛ̀. Èhwànja e Rzàŋgo Lòohwà là arzu ema lì kàrzàmi a hwèlì a kànèyà.

Hwèwulùwèlì 20:4

Rzìi na ɛnɛ ikonda ja màkànèyà ema hwatò ema hwà mà ji lìya wɔ̀ ndi Lohwɛ̀ à mà ŋgbe e wònja o lì kànèyà hwatò. Rzìi na ɛnɛ e mòtò wa tenì wa hwatò ema hwà mà ŋwɛɛ. Hwà mà hwa oŋwa ehwànja hwà mà hwɛ lì ohwa e jɔ̀kɛ̀ ema Yerzù à mà jàne ehwànja hwà mà hwɛ lì ohwa ŋmɛ̀ndì ema mo uwɛ̀lɛ̀lɛ̀yi o ma Lohwɛ̀. Wɔ̀ hwà mà hwa oŋwa ehwànja wɔ̀ hwa rzi kanɛ̀ eŋge nyàmà yà wòhwe tɔ̀ èlìŋgɛ̀ ya eni ehwànja wɔ̀ hwa rzì emeyà lì luwa èèmbanelì ya eni o imbɔ̀mbɔ tɔ̀ o màà mà awu. Wɔ̀ hwà mà tìmba o lòŋgɛ rzìi hwa hwɛ na Krirztò o lìkànèyà o tenì ya ikolì ja meya.