Lukàrzɛ̀ 10:42 - Mokpwe: Bakwery (New Testament)

⁴² Nà ò òhweyà ema eyà yɔ̀kɔ mɛnɛ yɔ ndi ya arzàhwa. Màlìyɛ̀ ndi à e hvɔ̀rzì, ema tɔ̀ mòtò à rza tanɛ lì mò wòwànà.”

Lukàrzɛ̀ 10:42 Mawu Ofanana

Makòrzì 8:36

Ima mɔ̀rzɛ̀ŋgì ema mòtò à lùwà à yàlɛ̀ tɛ è rze yà arzɛ, rzìi à wɔ̀lɛ̀nɛ̀ lòŋgɛ là eni e?

Lukàrzɛ̀ 10:39

Màta à mà hwɛnɛ ŋmanyàŋgò wà èni mɔ̀kɔ ema à ma hwɛ̀lɛ̀hwɛ̀ Màlìyɛ̀. Màlìyɛ̀ rzìi a lìiya Yerzù ò tòŋgòŋgò yà èni lì òkànèyà hwèyòkòlèlì hwe eni.

Lukàrzɛ̀ 11:1

Wùnyà wɔ̀kɔ, Yerzù à mà hwɛ èki ò lì kanɛ̀. Nà òmà a mà kulɛ lìŋgi lì kanɛ̀, rzìi mòòkòwèlì wà èni mɔ̀kɔ a mò òhweyà nanù ema, “Rzàŋgò e, ò jò òkòlɛ̀ nɛ ì hwɛnì lì kanɛ̀, nà òmà Yòwanìrzɛ̀ mɔ̀ hvɛ a mà òkòlɛ̀ hwà-òkòwèlì wa eni.”

Lukàrzɛ̀ 12:20

Lohwɛ̀ rzìi a mò òhwàna nanù ema, ‘Yòma, yòma ndɔ̀ki yà mòtò! O wònò wuu mɛnɛ, nà hwɛnì lì ò kɛɛ̀nɛ̀ muulù mò aŋgɔ. Njɛnɛ rzɔ a ò hwɛnɛ̀ ene èrzàŋgò ya àrzɛ ema wa àwutɛ̀lɛ̀ e?’

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 16:2

Rzàŋgɛ wà èni wà èwòlò, rzìi a mò hwɛlɛ, rzìi a mò ijòwa nanù ema, ‘Mamɛ enè ema na ò hweyànà nanù e? O nò kɔ̀keyà kɔ̀yi-kɔ̀yi nɛ ò gbeyànà lìrzàŋgò la amì. Ò rza tanɛ̀ lì kànèyà erzàŋgò ya amì hvɛ.’

Lukàrzɛ̀ 16:25

Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

Lukàrzɛ̀ 18:22

Yerzù à mà hweye nanù, rzìi a mò òhweyà nanù ema, “O lìyelì eyà yɔ̀kɔ ema ò àŋgàmɛ̀nɛ̀ lì gbeyà. Ahwirzɛ erzàŋgò ya aŋgɔ̀ ya arzɛ, ò kahweyà mèlìrza me hwatò wòŋgò wòlì. O gbèyi tɛ nanù ò lùwà mònàmɛ̀ ò ŋmanyu ya Lohwà. O mburzà nanù, ò jèe ò nò òŋgame”

Lukàrzɛ̀ 8:18

È aŋgòwà rzɔ nɛ e òkànèyà. Tɔ̀ njɛnɛ hvɛ ema a òhvi lì rzɔ̀ŋgìtɛ̀nɛ̀ lì hvòmɛ̀nɛ̀ ìwùndɛ̀ ja Lìkànèyà là ama Lohwɛ̀, Lohwɛ̀ à mò hwàteyà hvɛ lìhwiyè. Òŋgò hvɛ ema à rza òhvɛ̀ lìhwiyè, à wɔ̀lɛ̀nɛ̀ tɔ̀ èŋge tenyi ema a ɔŋgɛ̀lɛ̀yi nanù ema à òhvì.”

Yòwanìrzɛ̀ 11:1

O ma hwɛ mòòkelì hwa mùnyanà mɔ̀kɔ à mà ɔ̀kirzɛ̀ à mà hwɛ̀lɛ̀hwɛ̀ Làrzàrɔ̀rzì. À ma lìya ò mbòwa ya Bɛ̀tanì nà indòmɛ ja ani Màlìyɛ̀ na Mata.

Yòwanìrzɛ̀ 11:19

Rzayi-rzayi ja hwatò hwa wònyà Yudà hwà mà jà lì ɛhwɛnɛ Mata na Màlìyɛ̀ ò kpelì ya ama ŋmanyàŋgò wa awu.

Yòwanìrzɛ̀ 12:3

Rzìi Màlìyɛ̀ à wòwa ilùka rzùrzu jà lìyɔ̀kì là hvɛ̀ɛ̀hvɛ̀ lì andahwɛnɛyi nà wòlì ema wò kòki. Liŋgi lìyɔ̀kì lì mà gbeyàhwɛlɛ ndi nà nàdì. À mà lì nyàlɛ̀ là arzɛ ò matàŋga mà ama Yerzù, rzìi à tìtòwa mataŋgà mà ama Yerzù nà lìhvumbu là eni là mòhvò. Èŋge èrzunju yà hvɛ̀ɛ̀hvɛ̀ è mà nyàlà ò è ndawò yà arzɛ.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 4:14

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

1 Kɔ̀rintìyà 13:3

Nà tànɛyi tɛ lì ŋgbà hwatò hwema hwe ami hwe arzɛ ema na hwɛnì rzìi na hwɛ̀meyà hvɛ hwatò e nyo ya ami ema hwa è rzɛ̀lɛ̀ rzi na rzi uŋmɛ̀lɛ̀ hwatò e ndìŋgɛ. Ima gbamù ene eyà e no gbèeyà e?

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.