Lukàrzɛ̀ 10:40 - Mokpwe: Bakwery (New Testament)

⁴⁰ Màta à mà arzarzòwɛ èhwanja mɔ̀ ŋmìti ndi à mà hwɛ lì gbeyà èwòlò ya ndawò. Màta rzìi a ɛ̀ndɛ lì ùŋmanɛlɛ Yerzù, rzi a mò òhweyà nanù ema, “Ìi Rzàŋgò, ɔ̀ŋgɔ tɛ nà òmà ŋmanyàŋgò wà amì à nò kìnyɛlɛlɛ èwòlò ya ndawò ya àrzɛ̀? O mò òhweyà ema a jè a nò òŋgòwane.”

Lukàrzɛ̀ 10:40 Mawu Ofanana

Matiyò 14:15

Nà òmà e ŋgòmbe ya Lohwà e ma ùke, rzìi hwà-òkòwèlì hwa eni hwa mò jèeyà, hwà mà òhweyà nanù ema, “Wùùnyà wò mà ahva, ene èki yɔ̀hvɛ e awutɛyi, òhweyà hwanù hwatò hwa ɛ̀ndɛ ò manù màmbòwà marzàlì ò lì arzelɛ yòòmà yà lì làa.”

Matiyò 16:22

Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja nanù ema, “Ìi Rzàŋgò Lohwà a rza tànɛyi lì emeyà ema e ò gbèyɛ̀nɛ!”

Makòrzì 3:21

Nà òmà lìtumba lì eni lì ma hweye nanù, lì mà ɛ̀ndɛ lì mò aŋgòhweyà èhwanja hwa mà hwèya hwatò hwa òhwà nanù ema, “Mɔ̀ à rza ènje gbamù.”

Lukàrzɛ̀ 10:38

Yerzù nà hwà-òkòwèlì hwa eni hwa mà hwɛ ò yɔ̀ndɔ̀, rzìi hwa uka mbòwà hvɔ̀kɔ. Mòlanà mɔ̀kɔ ema à ma hwɛ̀lɛ̀hwɛ̀ Màta, à mà mò kpɛɛlɛ nàa ŋmɛ̀ni ò ndawò yà èni.

Lukàrzɛ̀ 10:41

Yerzù rzìi a mò alàhwɛ̀ nanù ema, “Ìì Màta, ìi Màta, mamɛ ò akayìrzɛ̀lɛ̀lɛ nà lì atàkìrzɛ̀ lì teŋgɛ̀nɛ̀ hweyà rzayì-rzayì e?

Lukàrzɛ̀ 12:29

“O èŋgànɛ̀lɛ̀, è rzì òka lì ikà mèèmà me anyu ò mamɛ ema e làa, tɔ̀ lì nyɔ. Hwenè hweyà hwe rzìi e tàkìrzɛ̀.

Lukàrzɛ̀ 9:55

Yerzù à mà ayèŋgòwɛ̀ rzìi a hwa kànjà.

Yòwanìrzɛ̀ 11:1

O ma hwɛ mòòkelì hwa mùnyanà mɔ̀kɔ à mà ɔ̀kirzɛ̀ à mà hwɛ̀lɛ̀hwɛ̀ Làrzàrɔ̀rzì. À ma lìya ò mbòwa ya Bɛ̀tanì nà indòmɛ ja ani Màlìyɛ̀ na Mata.

Yòwanìrzɛ̀ 11:5

Yerzù à mà lìŋgàna Mata, Màlìyɛ̀ na Làrzàrɔ̀rzì.

Yòwanìrzɛ̀ 12:2

Hwà mà mò wòŋgìrzɛ̀nɛ̀ jùùmɛ̀ ja lì làa, ema iyɛ Mata à mà òŋgòwànè lì hwa hvùrzùhweyà. Làrzàrɔ̀rzì mɔ̀hvɛ à mà hwɛ mɔ̀kɔ wà awu ema à mà hwɛ èki ya hwèlèelì na Yerzù.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”