Lukàrzɛ̀ 10:37 - Mokpwe: Bakwery (New Testament)

³⁷ Òŋgò mòòkòlèlì wà mbenda rzìi a mò alàhwɛ̀ nanù ema, “Òŋgò ema à mà mò òkeya ììlì.” Yerzù rzìi a mò kòkòwɛ̀lɛ̀ nanù ema, “Ò wà hvɛ ɛ̀ndɛ, ò gbèyè nanù mɛnɛ.”

Lukàrzɛ̀ 10:37 Mawu Ofanana

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Matiyò 23:23

“Mòjèmà na inyɔ, Hwà-òkòlèlì hwa mbenda, na inyɔ Hvàlìrzàyì. Inyɔ hwatò hwa mèhvìlì! Inyɔ e ŋgbà Lohwɛ̀ lìyòmɛ̀ lɔ̀kɔ la hwema hwe lìyambò hwe hvɛ̀ɛ̀hvɛ̀ nàa mìinitì, dilì, na kòmini. Ndi e rza òhvi nyìrzɛ̀ ya lì gbeyà hweyà ema e mbenda e òhwa nanù ema e gbèèye. È rza enje jɔ̀kɛ̀ na Lohwà, e rza òhvi mèèmà me ììlì ndèŋgànɛ̀lɛ̀ e rza lòkɛ̀ Lohwɛ̀. È kanɛ̀ ò lì gbeyà hwene hweyà hwe arzɛ e rzi hwɛ lì lìya hwenɛyi.

Lukàrzɛ̀ 10:36

Yerzù rzìi a ijòwa è mòòkòlèlì wà mbenda nanù ema, “O hwanù hwatò hwaayɛ̀, njɛnɛ à ma ùŋmanɛlɛ òŋgò mòtò ema hwekɛ̀nɛ̀ŋgɛ̀ hwe mà ànane, njɛnɛ ò lutelì ema à hwèlì nàa mbunda yà ama ònò mòtò e?”

Lukàrzɛ̀ 10:38

Yerzù nà hwà-òkòwèlì hwa eni hwa mà hwɛ ò yɔ̀ndɔ̀, rzìi hwa uka mbòwà hvɔ̀kɔ. Mòlanà mɔ̀kɔ ema à ma hwɛ̀lɛ̀hwɛ̀ Màta, à mà mò kpɛɛlɛ nàa ŋmɛ̀ni ò ndawò yà èni.

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

1 Pètrò 2:21

Lìni lìtake lì e lɔ̀ɔ̀nì inyɔ ema Lohwɛ̀ à mà hvɔ̀rzɛ̀, ehwànja tɔ̀ Krirztò mɔ̀ ŋmìti à mà e tàkeya. Ndeŋgànɛ̀lɛ̀ mɔ̀ à mà hwɛ à mà e ŋgba embànelì ya lì oŋgama imbɔwu ja eni ja màtàŋga.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.