Lukàrzɛ̀ 10:34 - Mokpwe: Bakwery (New Testament)

³⁴ À mà ɛ̀ndɛ lì ùŋmanɛlɛ òŋgò mòtò. Rzìi à mò ika màyi ò hwèhwènà hwe eni, à hwe kaka. À mà mò àgbɛlɛ ò jàkarzì ja eni, rzìi à mò ɛ̀ndɛnɛ ò ndawò yà hwàyɛ̀ni. Rzìi à mò àŋgòhweyà aŋgà.

Lukàrzɛ̀ 10:34 Mawu Ofanana

Makòrzì 14:8

À gbèyi è yɔ yà eni ema à tànɛ̀yi. À nò kòmi lìni lìyɔ̀ki là hvɛ̀ɛ̀hvɛ̀ ò nyò yà ami ò lì wòŋgìrzɛ̀nɛ̀ lì imàhwɛlɛ là ami ndèŋgàna è hvònda.

Lukàrzɛ̀ 10:33

Mòtò mɔ̀kɔ wà Rzàmarìyà mɔ̀ hvɛ rzìi a akeyà èŋge njìya (Hwatò hwa Rzàmarìyà nà hwatò hwa Irzàyɛ̀lì hwa rza ahweyànɛlɛ). À mà ùkè aŋga, rzi a ɛ̀nɛ òŋgò mòtò, à mà jeja, rzìi a mò òkeya ììlì.

Lukàrzɛ̀ 10:35

O ekà ya elele à mà wòwa hwekòlì hweta rzìi a hwe ŋgba è mòhwɛnɛ wà ndawò rzi a mò òhweyà nanù ema, ‘Wòwa nanù, ò nò ɔŋgeya ò nò mòtò. Tɔ̀ mamɛ ya arzɛ e ma ò hvaŋgà, ò nò òhweyà nà ò taŋgeyà è yɔ, ò hwètìmbelì hwe amì.’”

Lukàrzɛ̀ 2:7

Màlìyɛ̀ rzìi a ŋya è ŋmanà wà mùnyanà. Mɔ̀ ndì à ma mò lìhvòhwa ewònì. À mà mò lìŋgɛ̀lɛ̀ ndi nà hwèhvàhve hwe mààtù. Rzìi à mò nàŋgɛlɛ ò èwòki ema hwèembè hwe mà leeyà. À mà gbeyà ndi nanù èhwanja, ò rzi hwɛ èhvòlò ò ndawò yà hwàyɛ̀ni.

Ròmànì 12:20

È tìlahwì ò ehvɛhvɛ èki ò e kààtì yà Lohwà nanù ema, “È hwèlì tɛ ema hwàkɔ̀yèlì hwa aŋgɔ̀ hwa hweyà tɛ e njàwò, ò hwa lìrzɛ. Hwa hweyà tɛ e nyìrzɛ̀, ò hwa ŋgbe yòma ya lì nyɔ. Èhwanja ò gbèyi tɛ nanù, òma hwà mà enya.”

1 Tɛ̀rzàlonìyà 5:15

È ɛnɛ hvɛ nanù ema tɔ̀ mɔ̀kɔ wa anyu a rzi timbirzɛ wòhwe e hwèlì tɛ nanù ema mòtò a mo gbeyànì wòhwe. Ndi e keke o ihvonda ja arzɛ o lì ahwɛnɛnɛ ŋmèma mo gbamù mɔ̀kɔ na ɔ̀nɛyi na o hwahvɛhvɛ hwatò.