Lukàrzɛ̀ 10:33 - Mokpwe: Bakwery (New Testament)

³³ Mòtò mɔ̀kɔ wà Rzàmarìyà mɔ̀ hvɛ rzìi a akeyà èŋge njìya (Hwatò hwa Rzàmarìyà nà hwatò hwa Irzàyɛ̀lì hwa rza ahweyànɛlɛ). À mà ùkè aŋga, rzi a ɛ̀nɛ òŋgò mòtò, à mà jeja, rzìi a mò òkeya ììlì.

Lukàrzɛ̀ 10:33 Mawu Ofanana

Matiyò 10:5

Yerzù à mà òma lìyòme la hwatò na hwahwakɛ. Rzìi à hwa òhweyà nanù ema, “È rzi ɛ̀ndɛ ò mambòwà ema mà rza enje mambòwà mà wònyà Yudà. Ndèŋgànà e rzi ɛndɛ ò tɔ̀ mbòwa ema e hwèlì ò èkòmè ya Rzàmàrìyà.

Matiyò 18:33

Oma ò rzi òhvanɛ ŋmanyàŋgò wa aŋgɔ̀ wa mògbèèlì ììlì na òma imba hvɛ nà mà ò òhvane ììlì e?’

Lukàrzɛ̀ 10:32

Mòtò mɔ̀kɔ wà lìtumba la ama Lɛ̀hvì è mògbèèlì wà è Ndawò yà Lohwà, mɔ̀ hvɛ à mà jà rzì a ɛnɛ ònò mòtò, mɔ̀ hvɛ à mà akeyà ehvɛhvɛ èhvàrzù ya njiya, a ɛ̀ndɛ è ya eni.

Lukàrzɛ̀ 10:34

À mà ɛ̀ndɛ lì ùŋmanɛlɛ òŋgò mòtò. Rzìi à mò ika màyi ò hwèhwènà hwe eni, à hwe kaka. À mà mò àgbɛlɛ ò jàkarzì ja eni, rzìi à mò ɛ̀ndɛnɛ ò ndawò yà hwàyɛ̀ni. Rzìi à mò àŋgòhweyà aŋgà.

Lukàrzɛ̀ 7:13

Nà òmà Yerzù a mà ɛ̀nɛ mòŋgò mòkurze mò mòlanà, à mà mò òkeyà ììlì, rzìi a mò òhweyà nanù ema, “Ò rza eyà hvɛ!”

Yòwanìrzɛ̀ 4:9

Oŋgò mòlanà wa Rzàmàrìyà rzìi a mò alàhwɛ̀ nanù ema, “O hwèlì ndi mòtò wà Yudà, imba hvɛ mòlanà wa Rzàmàrìyà. Nɛ rzɔ ò wa ò tànɛyi lì nò ijòwa ema na ò ŋgbee malìhwà mà lì nyɔ e?” (Èhwanja hwatò hwa Yudà hwa rzi lɛ̀ŋgɛ na hwatò hwa Rzàmàrìyà).

Yòwanìrzɛ̀ 8:48

Hwatò hwa Yudà hwa mò alàhwɛ̀ nanù ema, “O èŋgànɛ̀lɛ̀ irzɔ i rza hvòmɛ̀nɛ̀ lì òhwa nanù ema ò wa ò hwèlì ndi mòtò wa Rzàmàrìyà, ndèŋgànɛ̀lɛ̀ ò òhvi èlìŋgɛ̀ ya wòhwe ò nyò ya aŋgɔ e?”