Lukàrzɛ̀ 10:3 - Mokpwe: Bakwery (New Testament)

³ È ɛ̀ndɛ̀ ndì, e hwiyè nanù ema, nà e òmà ndi nàa mɛ̀lɛ̀ŋgù ò ìtììtènì ja njùhwɛ̀.

Lukàrzɛ̀ 10:3 Mawu Ofanana

Matiyò 10:16

Yerzù à mà timba hvɛ lì òhwa nanù ema, “È ɔ̀ŋgɔ tɛ, na e òma ndi nàa mɛ̀lɛ̀ŋgù ò ìtììtènì ja i njùhwɛ̀. O èŋgànɛ̀lɛ̀ rzɔ e aŋgòwe ndi nàa mààhwà, ndèŋgànà e hwɛ ŋmɛ̀ɛ̀ nàa imbeŋga.

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 7:15

“È aŋgòhweya hwà-òhwèlì hwa hwèlìŋgɛ̀ hwa mòlàŋgà. Wɔ̀ hwa ɛnɛ ndi ŋmɛɛ nàa mɛ̀lɛ̀ŋgù, ndi ò tenì yà mèèmà mè awu hwa hwèlì wòhwe nàa njuwɛ.

Lukàrzɛ̀ 10:4

Nà òmà e ɛ̀ndɛ, è rzì ɛ̀ndɛnɛ tɔ̀ ekpa ya wòlì, tɔ̀ lì hvɛhvɛ lìkpà nà hwètàmbì. È rzì tɛ̀mɛ̀ ò njìya ò lì kɔ̀mɔ̀ mòtò.

Yòwanìrzɛ̀ 10:12

È mògbèèlì ema a akàhwì ò lì ɔŋgeya mɛ̀lɛ̀ŋgù ema tɔ̀ mɔ̀ ŋmìti a rza enje ndi e mɔ̀ɔŋgèlì wa mɛ̀lɛ̀ŋgù, ndèŋgàna rzeketɛ mɔ̀ ndi à hwɛnì mɛ̀lɛ̀ŋgù. O èŋgànɛ̀lɛ̀ rzɔ mɔ̀ à ɛni tɛ na òma e njuwɛ e ja, mɔ̀ à kìnyɛ̀lɛ̀ mèŋge mɛ̀lɛ̀ŋgù rzi a hwaŋga e ya eni. Àŋga ndi e njuwɛ rzɔ e hvùma mɔ̀lɛ̀ŋgù mɔ̀kɔ ò ma menɛyi me ma wuhweyà.

Yòwanìrzɛ̀ 15:20

È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Hwègbèèlì 20:29

Nà hwi nanù ema, imba nà mà ɛndɛ tɛ, hwatò hwa ò e jà ò ìtììtènì ja anyu ŋgànà hvɔ̀kɔ na òma mòkanyi mò njuwɛ mò kpèeyà ò lìhwemba la mbòlì. Ndeŋgànɛ̀lɛ̀ hwa rza o tànɛ lì ɛndɛ ema hwa rza e hvàŋgelɛ̀ ŋmèmba mò anyu.

Hwègbèèlì 9:16

Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

Hwègbèèlì 9:2

Rzìi à mò ijòwa ama à mò ŋgbe itita, ò lì ŋgba hwàtìmbèlì hwa è ndawò yà màkànɛ̀ ema è hwèlì ò mbòwa yà Dàmàrzkɔ̀rzì. Aŋga nanù, à hwɛnɛ è wònja nanù ema à ɛni tɛ tɔ̀ ima mòtò ema à nɔ̀ŋgɔ è njiya yà ama Yerzù aŋga mɔ̀ à hwa ŋgbaŋgɛ, tɔ̀ hwa hwɛ ndi wunyanà tɔ̀ hwalanà, à hwa ɛ̀ndɛ̀nɛ̀ ò mbòwa yà Jèrurzalɛ̀mù.