Lukàrzɛ̀ 10:29 - Mokpwe: Bakwery (New Testament)

²⁹ Ndi òŋgò mòòkòlèlì wà mbenda à mà àrza lì arzùŋgɛ̀, rzìi a ijòwa nanù ema, “Njɛnɛ à hwèlì ŋmanyàŋgò wa ami e?”

Lukàrzɛ̀ 10:29 Mawu Ofanana

Makòrzì 8:34

Yerzù rzìi a hwɛlɛ èŋge ŋgìndì na hwà-òkòwèlì hwa eni, a hwa òhweyà nanù ema, “Tɔ̀ ima mɔ̀ ema a hwɛnì lì nò nɔ̀ŋgɔ a hwɛnì lì rzɔ̀rzɔ̀ hweyà hwe arzɛ rzìi a anjilɛ e mbarzà ya eni rzìi à nò nɔ̀ŋgɔ.

Lukàrzɛ̀ 10:36

Yerzù rzìi a ijòwa è mòòkòlèlì wà mbenda nanù ema, “O hwanù hwatò hwaayɛ̀, njɛnɛ à ma ùŋmanɛlɛ òŋgò mòtò ema hwekɛ̀nɛ̀ŋgɛ̀ hwe mà ànane, njɛnɛ ò lutelì ema à hwèlì nàa mbunda yà ama ònò mòtò e?”

Lukàrzɛ̀ 16:15

Yerzù rzìi a hwa òhweyà nanù ema, “Inyɔ è a uŋmɛ̀lɛ̀ ò màrzò ma hwatò ema è rzàŋgi, ndi Lohwɛ̀ à hwi mamɛ ema e hwèlì ò mèèmà me anyu. Èŋge eyà ema hwatò hwa wò wòlìtò rzayì-rzayì, e hwèlì ndi nàa lòwa lì uŋgbàa ò wòrzò wò ama Lohwɛ̀.”

Ròmànì 10:3

Hwa rza rzɔ̀ŋgìtɛ̀nɛ̀ nɛ Lohwɛ̀ a tɛ̀yìrzɛ̀ hwatò ehve-ehve na mɔ̀. Wɔ̀ hwa arza ndi e ya awu njiya aŋga nanù ò ma hwà mà tɛ̀mɛ̀ ehve-ehve ò wòrzò wò ama Lohwɛ̀. O èŋgànɛ̀lɛ̀ rzɔ hwa rzi arzìirzɛ̀ wɔ hwiti ò lì òŋgama e njiya ema Lohwɛ̀ à mà rzekeya aŋga nanù hwatò hwa hwɛ ehve-ehve.

Ròmànì 4:2

A ma ikahwa tɛ ehve-ehve na Lohwɛ̀ ò hweyà ema à mà gbeye, ò ma a òhvi yòma ema ayèkirzɛ ndi rzeketɛ ò wòrzò wò ama Lohwɛ̀.

Gàletìyà 3:11

Nàŋgɛ rzɔ è uŋmɛ̀lɛ̀ tèlèlè nanù ema, tɔ̀ mòtò à rza ikàhwa ehve-ehve nà Lohwɛ̀ èhwanja à gbeyà mamɛ ema è mbenda è ohwi. Nà ohwa ndi nanù èhwanja Eyà yà Lohwà è ohwi nanù ema, “Hwatò ema hwa tɛ̀mì ehve-ehve ò worzo wò ama Lohwɛ̀ èhwanja hwa lòkɛ̀, hwa ò lùwa lòŋgɛ là gbìndèyà.”

Jèmìrzì 2:24

Inyɔ è mà ɛnɛ nanù ema, hweyà ema hwatò hwa gbeyà hweyɔ̀ ndi hwe gbèeyà rzìi hwa emàhwɛ̀lɛ ò worzo wò ama Lohwɛ̀. Ndèŋgàna rzeketɛ lì lòkɛ̀ mɛnɛ.