Lukàrzɛ̀ 10:21 - Mokpwe: Bakwery (New Testament)

²¹ O èŋge hvònda, Èlìŋgɛ̀ yà Wòtani e mà lìŋgìrzɛ Yerzù rzayì-rzayì, rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze yà mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò mà wunane hwàŋgà ema hwa òhvi mahwiye nà hwaŋga hwatò ema hwa rzɔ̀ŋgìtɛ̀nɛ̀. Ɛ̀ɛ Ìi Tatɛ̀, nanù ndi ò mà àrze òma è gbeyɛ̀nɛ̀.”

Lukàrzɛ̀ 10:21 Mawu Ofanana

Matiyò 16:17

Yerzù rzìi a mò alàhwɛ̀ nanù ema, “Mònàmɛ̀ nà ò wa Rzìmɔ̀nì è ŋmanà wà ama Jona. Rzeketɛ è mòtò wa hwènàmà ndi à òhwèlì ene eyà, ndi Tatɛ̀ wa ami ema a hwèlì ò ŋmanyu yà lohwà mɔ̀ ndi à gbèyi ema òhwe nanù.

Matiyò 21:16

Hwanù hwàkànèlì rzi hwa ijòwa Yerzù nanù ema, “Rzeke ò hwèya mamɛ ema hwanù hwàna hwa òhwa e?” Yerzù rzi a hwa alàhwɛ̀ nanù ema, “Ɛ̀ɛ na hweyi. Inyɔ e rzi laŋgi na òma e tìlahwì ò kààtì ya Lohwà nanù ema, ‘A ma wòmba hwàna na ŋmɛ̀ɛŋgɛ ò lì mò ŋgba jeka ja gbamù e?’”

Matiyò 3:7

Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Makòrzì 10:15

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Lukàrzɛ̀ 15:5

À mò lu tɛ à òkà mɔ̀nyɛ̀ŋgì natɛ̀ɛ, à mò hwanɛ̀ rzìi a mò agbɛlɛ ò mààtà ma eni.

Lukàrzɛ̀ 15:9

Òŋgò mòlanà à lu tɛ, èŋge kahvà ya ahvɔ̀kɛ, à hwɛnì lì hwɛlɛ ìmbunda, nà hwaŋga hwatò ema hwa lìyà lì mò kòmbɛ̀nɛ̀. À hwa òhweyà nanù ema, ‘È nò òkane mɔ̀nyɛ̀ŋgì ehwànja nà lu èŋge kahvà ya amì ema e ma wɔ̀.’

Yòwanìrzɛ̀ 11:41

O èŋgànɛ̀lɛ̀ hwaŋga hwatò hwà mà iŋgòlɛ lìŋgi lìŋyàyi ò lì ulɛhwɛ ò hwèkpèèlì hwe eŋge rzɔ̀ŋgɔ. Yerzù rzìi a ɔ̀ŋgɔ ò ŋmanyu yà lohwà rzìi a òhwa nanù ema, “Tatà na èki na òma ò nò alahwànɛ̀yi màkanɛ̀ mà ami.

2 Kɔ̀rintìyà 4:3

È hwèlì tɛ ema ŋmɛ̀ndì mo Lohwà mo gbamù ema jo òhwa mo rza kpèelì o mèèmà me lòŋgo la hwatò, e hwɛ rzɔ ndi nanù èhwanja hwaŋga hwatò hwa rza e lòkɛ̀yi. Nà oma hwa rza lòkɛ̀yi Lohwɛ̀, hwa rza o hwɛ na mɔ̀.

Ɛ̀hvìrzìyà 1:11

Nà oma ì hwèlì mɔ̀kɔ nà Krirztò ɔ̀ndeŋgàtɛ̀ Lohwɛ̀ à mà jò hvɔ̀rzɔ̀ ò lì hwɛ̀ɛ̀ è hwa eni hwatò. À mà gbeyà ndi nanù èhwanja nanù ndi mɔ̀ à mà tɛ̀yirzɛ̀ nà è kòòhwà. À gbèyi hweyà hwe arzɛ ò lì gbèyɛ̀nɛ nà oma à mà hwe tɛ̀yirzɛ̀.

Ɛ̀hvìrzìyà 1:5

mɔ̀ à mà lòma lì ika nà è kòòhwà, à mà irzɔ jò ò hwɛ ndi hwàànà hwa eni, lì akeyà nà èwòlò ema Yerzù Krirztò à mà jò gbèeyà. Lohwɛ̀ à mà gbeyà ndi ene eyà nanù, èhwanja nanù ndi à mà tɛ̀yirzɛ̀ nà oma è mò lɔ̀ɔ̀nì.