Lukàrzɛ̀ 10:2 - Mokpwe: Bakwery (New Testament)

² Yerzù à mà hwa òhweyà nanù ema, “È hvaya è ŋyàayì jɔ̀ɔ̀-jɔ̀ɔ̀, ndi hwarzàŋgà mbòtà hwa rzà kòkì. È kanɛ̀ nanù ema è mòhwɛ̀nèlì wà hvaya, à òme hwàrzàŋgèlì hwa mbòtà ò hvaya.

Lukàrzɛ̀ 10:2 Mawu Ofanana

Matiyò 20:1

Yerzù à mà kpɛ ŋmàna nanù ema, “Likànèyà la ama Lohwɛ̀ lì hwèlì ndi nàa mòtò ema a òhvi e wàŋga ya eni, ema à mà akɛlɛ lì wurza ò ndawò ekpa ya arzɛ lì ɛ̀ndɛ lì arza hwatò a aka ò lì mò gbèeyà èwòlò ò hvaya ya eni.

Makòrzì 13:34

Wò ò hwɛ ndi nàa mòhwɛnɛ wà ndawò a ɛ̀ndɛ tɛ yɔ̀ndɔ̀ a lìya hwàgbèèlì hwa eni. À ŋgbà mòtò tɛ è yà eni èwòlò, rzìi a òhweyà e mɔ̀ɔ̀ŋgèlì wà hwèkpeyànèlì hwe èwòka ema a gbè èwòlò ya eni gbamù.

Makòrzì 16:15

À mà hwa òhweyà nanù ema, “È ɛ̀ndɛ̀, e àyinɛ̀lɛ̀ ò e rze ya arzɛ, e hwa òhweyà Ŋmɛ̀ndì mò Gbamù.

Makòrzì 16:20

Hwà-òkòwèlì rzìi hwa wùrza, hwa ɛ̀ndɛ lì òhwa Ŋmɛ̀ndì mò Gbamù ò èki ya arzɛ. È Rzàŋgò è mà hwɛ nà wɔ̀ rzìi à hwa ŋgba è ŋginyà ò lì gbeyà hweyà hwe mànyakà ò lì uŋmɛ̀lɛ̀ nanù ema màmɛ ema hwa òhwa e hwèlì ndì e jɔ̀kɛ̀. [

Lukàrzɛ̀ 9:1

Yerzù a mà hwɛlɛ lìyòmɛ̀ la hwà-òkòwèlì la eni nà hwàhwàkɛ̀ èki yɔ̀kɔ. Rzìi à hwa ŋgba è ŋginyà nà wònjà ò lì hvayà hwèlìŋgɛ̀ hwe wòhwe, nà ò lì wɔ̀wìrzɛ̀ hvɛ ì nyàmbɛ ja arzɛ.

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Hwègbèèlì 13:2

Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 13:4

Nà òma Èlìŋgɛ̀ ya wòtani ema hwa òme wɔ̀ hwahwàkɛ, hwà mà ɔ̀ndɔ̀ ò mbòwa ya Rzɛ̀lùrzìyà. Aŋga ndi hwa a anjiyana wɔ̀ɔlɔ̀ ò lì ɛndɛ ò yòndi ya Rzàyìprɔ̀rzì.

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Hwègbèèlì 22:21

Rzàŋgò Yerzù rzìi à nò òhweyà nanù ema, ‘Ɛ̀ndɛ, ehwànja nà hwɛni lì ò òma hvòò ò hwaŋga hwatò ema hwa rza enje wònyà Yudà.’”

Hwègbèèlì 8:4

Hwàŋga hwàlòkèlì ema hwa mà wuhweyà hwa mà òhwa Ŋmɛ̀ndì mò Gbamù ò hwèki hwe arzɛ ema hwa mà ɛ̀ndɛ̀.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Hvìlipìyà 2:21

Nà ohwa ndi ene eyà nanù ehwànja tɔ̀ ima mòtò a lùteyà ndi lì hvomɛ̀nɛ̀ mamɛ ema mɔ̀ à arza, hwa rza gbeyà na oma Yerzù Krirztò mɔ̀ à arza nanù ema hwa gbeye.

Hvìlipìyà 2:25

Ndi nà mà kulɛ nanù ema o lɔ̀wu nanù ema imba na e omeya ŋmanyàŋgò wa arzu Èpàhvrɔ̀dìtùrzì. A mà gbeyà èwòlò ya ama Krirztò na imba, ndèŋgànɛ̀lɛ̀ à mà oŋgowàna o lì teŋgɛ̀nɛ̀ hwatò ema hwa anana ŋmɛ̀ndì mò gbamù. Ndeŋgànɛ̀lɛ̀ mɔ̀ ndi à hwèlì nàa e rzùwɛlɛ̀ ema inyɔ e ma òme o lì no oŋgowàna.

Hvìlipìyà 2:30

È mo ŋgbe èluhwe ehwànja mɔ̀ à mà arza lì ŋwa, ndèŋgànɛ̀lɛ̀ a hvànji e kpelì, ehwànja a gbèeyà Krirztò. A ma gbeyà ndi nanù aŋga nanù a o no oŋgòhwànà o lì gbeyà èwòlò ema inyɔ hwiti e rzi tanɛ lì gbeyà.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

1 Tɛ̀rzàlonìyà 5:12

Ìmbunda ja arzu kòkò, je e rzorzomeya o lì ŋgba hwaŋga hwatò ema hwa e oŋgowàna èluhwe rzayi-rzayi. Wɔ̀ ndi hwa e timbaa, na o lì e okòlɛ nɛ mòŋgɛ ma anyu ma aŋgàmɛnɛ lì hwɛ nàa hwatò hwa ama Krirztò.

2 Tɛ̀rzàlonìyà 3:1

Ìi wònyàmòwe o lì hvomɛ̀nɛ̀ hwehvɛhvɛ hweyà, imba na e ohweyà nanù ema e hwɛ ndi o lì jo kànɛlɛlɛ nanù mɛnɛ ema, ŋmɛ̀ndì mò gbamù mò ama Rzàŋgo mò hwɛ ndi o lì nyàleya hwahvɛhvɛ hwatò, ndèŋgànɛ̀lɛ̀ inyɛ hwatò hwa mo emeyà na èluhwe nyayi hvɔ̀kɔ na oma mo ma hwɛ na inyɔ.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.

Hvìlɛ̀mɔ̀nì 1:1

Imba Pàwolò, mòtò ema nà hwèlì ò hwèwòwà o nyòla lìinà là ama Yerzù Krirztò imba ndi na tilì ini itita. Ŋmànyàŋgo wa arzu wa Krirztò Tìmòtì na imba je e omelì ikɔ̀mi. Hvìlɛ̀mɔ̀nì irzɔ jo ò kɔ̀mi e mbunda ya arzu wa ndìŋgɛ màlìŋgo ema wàhvɛ o gbeyà nyàyi hvɔ̀kɔ ya èwòlò ema irzɔ̀hvɛ i gbeyà.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Hwèwulùwèlì 2:1

Oŋgo ema à mà àyɛ̀kɛ̀nɛ̀ è mòtò wà hwènàmà rzìi à nò òhweyà nanù ema, “Tìleyà è aŋgèlì ema è hwèlì ò ŋmèmba mò Ɛ̀hvɛ̀rzɔ̀rzì nanù ema, è mòtò ema à tɛ̀tì lìrzàmba là rzòmbe ò lìya là enì là momɛ̀, ema à ɛ̀ndeyà ò ìtììtènì jà lìrzamba là mboko jà gòòlù ema jò ohvi hwètùlù, mɔ̀ ndi à omi mono ŋmɛ̀ndì.