Lukàrzɛ̀ 10:18 - Mokpwe: Bakwery (New Testament)

¹⁸ Yerzù rzìi a hwa òhweyà nanù ema, “Nà mà ɛ̀nɛ nà òmà Mòkarzɛ̀ a mà unde nàa lìŋmɛ̀tì-ŋmɛ̀tì ò ŋmanyu yà Lohwà.

Lukàrzɛ̀ 10:18 Mawu Ofanana

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Yòwanìrzɛ̀ 12:31

O nàŋgɛ nanù e hvònda ene ema Lohwɛ̀ a kàyìrzɛ ene rze. Nàŋgɛ nanù e mòkànèlì wà ene rze a hweni lì kàyìrzɛ̀hwɛ.

Yòwanìrzɛ̀ 16:11

Ndèŋgànɛ̀lɛ̀ hwa tòni hvɛ o lì o hwàanà hwèkàyìrzèlèlì, hwe ama Lohwɛ̀ èhwanja mɔ̀ à mà màa lì kàyìrzɛ̀ e mòkànèlì wà ene rze.”

Hibrù 2:14

Nà oma e hwèlì ema hwanu hwànà hwa ama Lohwɛ̀ hwa ohvi e nyàmà ya nyo na màyija, ɔ̀ndeŋgàtɛ̀ Yerzù mɔ̀hvɛ à mà wòwa e nyo ya e mòtò wa hwènàmà nàa wɔ̀. À ma gbeyà ndi nanù, aŋga nanù e kpelì ema mɔ̀ à mà ŋwe e tìtòwà màyimbì ma ama Mòkarzɛ̀, ema a gbèyi ndeŋgàtɛ hwatò hwa ŋwa.

1 Yòwanìrzɛ̀ 3:8

Tɔ̀ njɛnɛ ema a lìmelì o lì gbeyà wòhwe a hwèlì ndi e wa ama Mòkarzɛ̀, ehwànja Mòkarzɛ̀ à mà gbeyà wòhwe lì wòteyà o hwewotelì. Lìtiŋga ema è Ŋmanà wà ama Lohwɛ̀ à mà jèe o e rze ya mɔ̀nyɛ̀ lì hwèlì ndi o lì hvàŋga èwòlò ya ama Mòkarzɛ̀.

Hwèwulùwèlì 20:2

Èŋge aŋgèlì è hvùma è dragɔ̀ni, wòŋgo gbahwà wò è hvonda yà kòwàà, ema wò hwèlì è Dɛhvùlì nà Mòkarzɛ̀. È aŋgèlì è mà mò kàka ò tenì yà ikolì jà meya.

Hwèwulùwèlì 9:1

È aŋgèlì ema e ma ùkirzɛ̀ ita e ma tòŋga lìyɔ̀mi la eni. Rzìi na ɛnɛ rzombe ema e ma akakowɛ o lìwòhwɛ la ŋmanyu rzìi e unda o rze ya mɔ̀nyɛ̀. Ène rzombe e ma ŋgbààhwà ilìhvowàni ja ehvɔ̀ndi ema e rza ohvɛ lìrzùkù.