Lukàrzɛ̀ 10:16 - Mokpwe: Bakwery (New Testament)

¹⁶ Yerzù rzìi a òhweyà Hwà-òkòwèlì hwa eni nanù ema, “Tɔ̀ ì ma mòtò ema à è hweyàni, ò ma ìmba ndi à hweyànì. Tɔ̀ njɛnɛ hvɛ ema à è rzɔ̀rzì, ò ma ìmba ndi à rzɔ̀rzi. Tɔ̀ ima mɔ̀ hvɛ ema à nò rzɔ̀rzi, ò ma à rzɔ̀rzi ndi òŋgò ema à nò òmi.”

Lukàrzɛ̀ 10:16 Mawu Ofanana

Matiyò 10:40

“Tɔ̀ ima mòtò ema à è kàrzɛ̀ nàa hwààyɛ̀nì òma imba ndi à kàrzɛ̀yi. Tɔ̀ ima mòtò hvɛ ema à nò kàrzɛ̀yi nanù òma à kàrzɛ̀yi ndi Tatɛ̀ wà ami ema à mà nò òma.

Matiyò 18:5

Tɔ̀ njɛnɛ hvɛ ema à kàrzɛ̀yi ene nyàyi yà ŋmanà ò lìnà là ami, nanù òma imba ndi à kàrzɛ̀yi.”

Makòrzì 9:37

“Tɔ̀ njɛnɛ ema à kàrzɛ̀yi ene nyayi ya ŋmanà ò lìnà la amì ò ma imba ndi à kàrzɛ̀yi ndèŋgana tɔ̀ njɛnɛ ema a nò kàrzɛ̀yi à rza nò kàrzɛ̀yi ndi ìmba mɛnɛ, a kàrzɛ̀yi hvɛ è mɔ̀ ema à nò òmì.”

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Yòwanìrzɛ̀ 12:44

Yerzù à mà òhwa ò lìlò lì kàrzami nanù ema, “Tɔ̀ ima mɔ̀ ema à nò lòkɛ̀yì, à rza nò lòkɛ̀yì ndi imba mɛnɛ, ndi à lòkɛ̀yì hvɛ nà e mɔ̀ ema a nò òmi.

Yòwanìrzɛ̀ 12:48

È mòtò ema a nò rzɔ̀rzi rzìi a rzi imanɛlɛ hvɛ ŋmɛ̀ndì mò ami, mɔ̀ à òhvi e mɔ̀ ema a mò kàyìrzɛ̀. È mbɔrzi ema na òhwi yɔ ndi e mò kàyìrzɛ̀ ò wùnyà wò hwèkàyìrzèlèlì.

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

Hwègbèèlì 5:4

Ndeŋgana ò e àhwirzɛ̀ èŋge erzàŋgò rzeke e mà hwɛ ndi e ya aŋgɔ e? O mburzà hvònda ema ò ma àhwirzɛ̀ eŋge etò, wòŋgò wòlì wò rzi hwɛ ndi ò wa aŋgɔ e? Mamɛ rzɔ e ma gbeyà ema ò lùtèyà ene nyayi eyà e? Rzeketɛ mòtò wa hwènàmà mɛnɛ ndi ò kɔ̀yelì hweyà ò kɔ̀yelì ndi Lohwɛ̀ hweyà!”

Gàletìyà 4:14

Ndi tɔ̀ nɛ e nyàmbɛ̀ ya ami e ma hwɛ ndi ema e ma hwɛnɛ lì no rzɔ̀rzɔ̀, ndi inyɔ e rzi no rzɔ̀rzɔ̀ ndeŋgànɛ̀lɛ̀ e rzi no hvaye. È ma no karzɛ ndi o a ɛnɛ ema na hwèlì ndi aŋgèlì yà ama Lohwɛ̀ tɔ̀ nàa nà mà hwɛ ndi Yerzù Krirztò.

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.