Lukàrzɛ̀ 10:11 - Mokpwe: Bakwery (New Testament)

¹¹ ‘Tɔ̀ irzɔ̀hwɛ̀ ja anyu ema jò ò hwèlì ò rze yà màtàŋgà ma arzu, ì ma è hvùhvùhweyà è jɔ. Ndi e hwiyè ema lìkànèyà là ama Lohwɛ̀ lì ma è kòmbɛ̀nɛ̀.’

Lukàrzɛ̀ 10:11 Mawu Ofanana

Matiyò 10:14

Ndi è uki tɛ ò tɔ̀ ima ndawò tɔ̀ mbòwa rzìi hwa rza e kàrzɛ̀ tɔ̀ ò lì e òkànèyà, e hvùhvùhwè irzɔ̀hwɛ̀ ema i hwèlì ò màtàŋgà ma anyu e anjiiya tɛ aŋga ò lì uŋmɛ̀lɛ̀ nanù ema Lohwɛ̀ a rza hwa emelì.

Matiyò 10:7

È ɛ̀ndɛ, na òma e ɛndɛ, e òhwe ŋmɛ̀ndì nanù ema, ‘Lìkànèyà la e ŋmanyu yà lohwà lì ma kòmbɛ̀nɛ̀.’

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Makòrzì 6:11

È ɛndì tɛ mbòwà ema e rza e kàrzɛ̀ na lì e òkànèyà è ànjiye aŋga, e hvùhvùhwè irzɔ̀hwɛ̀ ja anyu ja màtàŋgà nàa mbòŋgi lì uŋmɛ̀lɛ̀ nanù ema wòhwe wò awu wò hwa ɔ̀ŋgɔ ndi wɔ̀ ò hwètìmbèlì hwe anyu.”

Lukàrzɛ̀ 10:10

Ndi è mbòwà è rza è kàrzɛ̀ tɛ, ya ɛ̀ndɛ ò màhvani ma njìyà mà arzɛ e òhwe nanù ema,

Lukàrzɛ̀ 10:9

È wɔ̀wìrzɛ̀ hwà-òkèlì. È hwa òhweyà hvɛ nanù ema, ‘Lìkànèyà là ama Lohwɛ̀ lì ma è kòmbɛ̀nɛ̀.’

Lukàrzɛ̀ 9:5

È hwèlì hvɛ tɛ ema hwa rzà è kàrzɛ̀ tɛ, tɔ̀ ima mbòwà è uki e anjìyè aŋga e hvùhvùhwè irzɔ̀hwɛ̀ ema jè hwèlì ò màtàŋgà ma anyu, ò lì uŋmɛ̀lɛ̀ nanù ema, wòhwe wò awu wò hwèlì nà wɔ̀.”

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 13:40

È àŋgòhweyà ema eyà ya wòhwe ema hwà-òhwèlì hwa hwèlìŋgɛ̀ hwà mà òhwe e rza e gbèyɛ̀nɛ inyɔ. Wɔ̀ hwà mà òhwa nanù ema,

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 13:51

I àpɔ̀rzìtòlò i ma hvàkùmɛ̀lɛ̀ irzɔ̀hwɛ̀ ema i ma hwɛ ò màtàŋgà ma awu, nàa embànèlì nanù ema wɔ̀ hwa òhvi e kɔ̀kìrzɛ̀. Nà òma hwà mà kùlɛ̀ lì gbeyà nanù, rzìi hwa ɛ̀ndɛ ò mbòwà ya Ikɔ̀nìyùmì.

Ròmànì 10:21

Ndi Àyìrzayà à mà òhwa lì hvòmɛ̀nɛ̀ hwatò hwa Irzàyɛ̀lì nanù ema Lohwɛ̀ à mà òhwa nanù ema, “Nà ma òma màà mà ami wùnyà wò arzɛ aŋga nanù hwatò hwa ami hwa nò timbeya. Ndi hwa hwèlì maniya ndèŋgànà hwa rza nò hweyàna.”

Ròmànì 10:8

Mamɛ ema e kààtì ya Lohwà e òhwi, e hwèlì ndi nanù ema, “Ŋmɛ̀ndì mò ama Lohwɛ̀ mò ò kòmbɛnɛyi. O wa ò hwèlì ò mò òhwa ndèŋgànà mò hwèlì ndi ò ŋmèma mò aŋgɔ̀.” Mòŋgò ŋmɛ̀ndì mòŋgò ema irzɔ jò òhwa nanù ema e hwɛni lì hwɛnɛ lì lòkɛ̀.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.