Lukàrzɛ̀ 1:76 - Mokpwe: Bakwery (New Testament)

⁷⁶ Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Lukàrzɛ̀ 1:76 Mawu Ofanana

Matiyò 14:5

Hɛ̀rɔ̀dì à mà arza lì mò òŋwa ndi à mà òka wònyà Yudà wɔ̀ŋgɔ̀, èhwanja hwa ma lòkɛ̀ nanù ema Yòwanìrzɛ̀ a hwèlì ndi mòòhwèlì wa èlìŋgɛ̀.

Matiyò 21:26

Ndi i òhwi tɛ nanù ema, ‘È wònja ya eni e uwɛ̀lɛ̀lɛ̀yi ndi ò hwatò hwa hwènàmà,’ nanù òma ene ŋgindi ya hwatò e jò gbeyàna wòhwe, èhwanja wɔ̀ hwa arzɛ hwa hwi ema Yòwanìrzɛ̀ à mà hwɛ ndi Mòòhwèlì wà èlìŋgɛ̀.”

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Matiyò 3:3

Yòwanìrzɛ̀ ndi à hwèlì è mòtò ema è mòòhwèlì wà èlìŋgɛ̀ Àyìrzayà à mà hwɛ lì òhwa è hvònda ema à mà òhwe nanù ema, “Njàmbɛ̀ è mà uhwɛ̀lɛ̀lɛ ò mòrzanjɛ̀ ema è mà hwɛ lì òhwa nanù ema, ‘È tɛ̀nɛ̀nɛ̀ ìnjìya jà hwèyàkèlì hwe eni.’”

Makòrzì 11:32

Ndì jò òhwì tɛ nanù ema, ‘È wònjà yà eni è uwɛ̀lɛ̀lɛ̀yi ndi ò hwatò.’” (Hwà mà òkà hwatò wɔŋgɔ̀ èhwanjà tɔ̀ imà mòtò à mà lòkɛ̀ nanù ema Yòwanìrzɛ̀ à hwèlì ndì Mòòhwèlì wà Èlìŋgɛ̀ nà è jɔ̀kɛ̀).

Lukàrzɛ̀ 1:32

Oŋgò Ŋmanà a ò hwɛ ndi yumɛ̀ ya mùnyanà. A ò hwɛ̀lɛ̀hwɛ̀ ndi è Ŋmanà wà ama Lohwɛ̀ lì Kàrzami. Tatà Lohwɛ̀ à ò mò ŋgbà è kònda yà Lìkànèyà la ama è mbamba yà eni Dàhwitì.

Lukàrzɛ̀ 1:35

È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.

Lukàrzɛ̀ 6:35

Ndi e lìŋgàne hwàkɔ̀yèlì hwa anyu. È hwa gbèeyà gbamù. È hwàlɛ̀ hwatò è rzì hwɛ lì ikà lìhvìtà ema è hwa àrzànà lìyɛmɛ ò lì è tìmbirzɛlɛlɛ. Aŋgà ndi Lohwɛ̀ a e ŋgba jàhwèyà ema ì karzami, ndèŋgànɛ̀lɛ̀ e ò hwɛ̀lɛ̀hwɛ̀ ndi hwàànà hwa eni, hwàànà hwa ama Lohwɛ̀ lì Kàrzami, e hwɛnì hvɛ lì hwiya nanù ema Lohwɛ̀ à òhvi ììlì jà èni ò hwaŋga hwatò ema hwa rza eka Lohwɛ̀ nà hwaŋga hwa ekɔnì.

Yòwanìrzɛ̀ 1:23

Yòwanìrzɛ̀ rzìi à hwa tìmbìrzɛ̀lɛ̀lɛ̀ nà è mbɔrzi ema è mòòhwèlì wà èlìŋgɛ̀ Àyìrzayà à mà òhwe nanù ema, “Imba ndi nà hwèlì lìlò là ama è mòtò ema akɛ̀lɛ̀ njàmbɛ̀ ò mòrzanjɛ̀ nanù ema, ‘È tɛ̀nɛ̀nɛ̀ ì njìya jà hweyàkèlì hwe eni.’”

Yòwanìrzɛ̀ 1:27

Mɔ̀ ndi à hwèlì è mɔ̀ ema à ò jɛ̀ɛ̀ ò mburza yà ami. Ndi nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni.”

Yòwanìrzɛ̀ 3:28

Inyɔ hwiti e tànɛyi e tɛ̀mɛ̀ mbòŋgi e ma na òhwi ema rzeketɛ imba ndi na hwèlì è Mɔ̀ ema à Ɔ̀kirzɛ̀hwɛ̀yi. Nà òmàhwi ndi na Lohwɛ̀ ò wòrzò lì jà lì mò rzɛ̀ŋgɛ̀neyà e njiya.

Hwègbèèlì 16:17

Oŋgò ŋmanà ŋgɔ̀ndɔ̀ à mà wòteyà lì òŋgama Pàwolò na irzɔ rzi a tɛ ò ŋmanyu nanù ema, “Hwanù wunyanà hwa hwèlì ndi hwàgbèèlì hwa ama Lohwɛ̀ ema lì karzami. Wɔ̀ hwa jèelì ndi ò lì e òhweyà nɛ inyɔ e tànɛyi lì rzùŋgàhwà.”