Lukàrzɛ̀ 1:67 - Mokpwe: Bakwery (New Testament)

⁶⁷ Rzìi Yòwanìrzɛ̀, rzàŋgò wà èni, Rzàkàriyà à mà ònda nà Èlìŋgɛ̀ yà Wòtani, rzìi a wòteya lì òhwà hweyà nanù ema,

Lukàrzɛ̀ 1:67 Mawu Ofanana

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Lukàrzɛ̀ 1:41

Nà òmà Èlìrzabɛ̀tì a mà hweye ìikɔ̀mi ja ama Màlìyɛ̀, ŋmɛ̀ɛŋgɛ mò ŋmanà ema mò mà hwɛ ò èwònì ya lùùŋgà la ama Èlìrzabɛ̀tì mò mà anyìŋgìrzɛ̀nɛ̀. Èlìrzabɛ̀tì à mà ònda nà Èlìŋgɛ̀ yà Wòtani.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 2:8

Nɛ rzɔ irzɔ i hwa hweyàna na òma wɔ̀ hwa òhwa ò imbɔrzi ja awu ja mbòwa e?

Hwègbèèlì 9:17

O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.