Lukàrzɛ̀ 1:66 - Mokpwe: Bakwery (New Testament)

⁶⁶ Hwatò hwa àrzɛ ema hwà mà hwèya hwenè hweyà ema hwe ma gbèyɛnɛ, hwa mà hwe uta ò mèèmà me awu. Rzìi hwa a àyijòwànɛ̀ nanù ema, “Ima nyayi mòtò ò nò ŋmanà a ò hwɛ̀ɛ e?” Hwa mà hwɛ lì ijòwa nanù, èhwanja hwa mà hwiya nanù ema Lohwɛ̀ à hwèlì nà è ŋmanà.

Lukàrzɛ̀ 1:66 Mawu Ofanana

Lukàrzɛ̀ 1:80

Yòwanìrzɛ̀ à mà òŋgà, Èlìŋgɛ̀ ya ama Lohwɛ̀ e mà mò ŋgba màyìmbì. À mà lìya ò mòrzànjɛ̀, natɛ̀ɛ nà è hvònda ema a mà wòteya lì òhweyà hwatò hwa Irzàyɛ̀lì Eyà ya Lohwà ò mòte.

Lukàrzɛ̀ 2:19

Ndi Màlìyɛ̀ à mà ùta hwenè hweyà hwe àrzɛ ò ŋmèma mò eni, rzìi a à hwe lùteyà.

Lukàrzɛ̀ 2:40

Ò èŋge hvònda, è ŋmanà hvɛ̀ à mà hwɛ lì òŋgà. À mà òŋgà nà màyìmbì. Lìhwiye la eni hvɛ lì mà hwɛ lì òŋgà. Ììlì ja ama Lohwɛ̀ ì mà hwɛ nà mɔ̀.

Lukàrzɛ̀ 2:51

Aŋgà ndi Yerzù a ɛ̀ndɛ nà rzàŋgɛ nà nyàŋgɛ, rzìi hwa tìmba ò Nàrzàrɛ̀tì. À mà hwa hweyàna. Nyàŋgɛ à mà ùta hwenè hweyà hwe àrzɛ ò ŋmèma mò eni.

Lukàrzɛ̀ 9:44

“È nò òkànèyà, è rzi hvòŋgà hvɛ mamɛ na àrza lì è òhweyà. È Ŋmanà wà è Mòtò wà Hwènàmà à hwɛnì lì ŋgbààhwà ò màà mà hwatò hwa hwènàma.”

Hwègbèèlì 11:21

È ŋginyà ya ama e Rzàŋgò e ma hwɛ na wɔ̀. Ndèŋgànà ŋgìndì ndɛnɛ ya hwatò e ma lòkɛ̀ rzi e timbeya Rzàŋgò.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.