Lukàrzɛ̀ 1:53 - Mokpwe: Bakwery (New Testament)

⁵³ À ujìrzɛ̀yi è wɔ̀ hwa njàwò nà hwema hwe gbamù. Ndi à tìmbìrzɛ̀ hvɛ hwatò ema hwa òhvi rzayì-rzayì nà màà ma ŋgundu.

Lukàrzɛ̀ 1:53 Mawu Ofanana

Matiyò 5:6

Mònàmɛ̀ nà hwatò ema hwa òhvi è njàwò nà è nyìrzɛ̀ ò lì gbèya hwèyà ema Lohwà arza nanù ema hwa gbèèye èhwanja Lohwɛ̀ à ò hwa ujirzɛ̀.

Lukàrzɛ̀ 1:54

À òndìrzɛ̀yi lìkàkɛ̀nɛ̀ la eni ema a mà ŋgbe irzàŋgo ja arzu ja kòhwa. Rzìi à òŋgòwani hvɛ hwàkutu hwa eni, hwatò hwa Irzàyɛ̀lì.

Lukàrzɛ̀ 6:21

Mònàmɛ̀ nà inyɔ ema è hweyà njàwò nàŋgɛ èhwanja Lohwɛ̀ à è ujìrzɛ̀. Mònàmɛ̀ nà inyɔ ema è hwèlì ò lùwa nàŋgɛ èhwanja è hwɛnì lì yɔ̀ɔ.

Lukàrzɛ̀ 6:24

Mòjèmà nà inyɔ hwèwàŋgì hwe hwatò ema e ma màà lì lùwa hvɛ mòrzawèlì mò anyu.

Yòwanìrzɛ̀ 6:35

Yerzù rzìi à hwa alàhwɛ̀ nanù ema, “Imba ndi nà hwèlì èhvòòtò ema è ŋgba lòŋgɛ là gbìndèyà.” Tɔ̀ njɛnɛ ema à nò jɛ̀lɛ̀lɛ̀yi à rza ò hwèya njàwò hvɛ. Tɔ̀ njɛnɛ ema à nò lòkɛ̀yì à rza òhva nyìrzɛ̀ hvɛ.

1 Kɔ̀rintìyà 1:26

Ìi wònyàmowe kòkò, è rzì hvoŋga inyayi jà hwatò ema ì mà hwɛ lìrzako ema Lohwɛ̀ à mè hwɛlɛ. Hwatò hwa ene rze hwa mà è ɛnɛ lòŋgo là anyu nàa hwatò ema hwa ohvi lìhwiyè. Lòŋgò là anyu ema hwɛ ndi hwàkànèlì, lòŋgo là anyu hvɛ, è mà uwɛ̀lɛ̀lɛ̀yi ndi ò mòtendè mò hwàkànèlì.

1 Kɔ̀rintìyà 4:8

Inyɔ e ɔ̀ŋgɛ̀lɛ̀yi nanù ema e ma màa lì lùwa mamɛ ya arzɛ ema e ɔ̀ŋgɛ̀lɛ̀ ema e arza e? È ɔ̀ŋgɛ̀lɛ̀yi nanù ema e ma màa lì nàmà e? È ma tìmba ndi i kiŋgɛ̀, tɔ̀ nɛ irzɔ i rza enje kiŋgɛ̀ e? Nà àhvìtɛ̀ ema e hwèlì ndi kiŋgɛ̀, aŋga naŋgɛ, oma irzɔ hvɛ ima hwɛ ndi kiŋgɛ̀ na inyɔ.