Lukàrzɛ̀ 1:48 - Mokpwe: Bakwery (New Testament)

⁴⁸ Èhwanja mɔ̀ à embi lì arzìhwìrzɛ la è mògbèèlì wà èni. O èŋgànɛ̀lɛ̀ lì wòteya naŋgɛ, inyɔ̀ŋgɔ̀nì ja arzɛ jò òhwa ndi ema nà hwèlì ndi è mòlanà ema Lohwɛ̀ a nàmìrzɛ̀.

Lukàrzɛ̀ 1:48 Mawu Ofanana

Lukàrzɛ̀ 1:28

È aŋgèlì è mà wurzeya Màlìyɛ̀, rzìi e mò òhweyà nanù ema, “Ɛ̀yɔ̀lɛ̀ e hwɛ nà ò wa! Lohwɛ̀ à ò uŋmɛ̀lɛ̀ ììlì ja eni ja tòwòtòwò. Tatà Lohwɛ̀ a hwèlì nà ò wa.”

Lukàrzɛ̀ 1:42

Èlìrzabɛ̀tì rzìi a òhweyà Màlìyɛ̀ nà lìlò lì karzami nanù ema, “Ò nàmìrzɛ̀hwɛ̀yi ò ìtììtènì yà wònyà hwalanà hwa arzɛ, mònàmɛ̀ hvɛ nà è ŋmanà ema o ò ŋya.

Lukàrzɛ̀ 1:45

Lohwɛ̀ a ò nàmìrzɛ̀, èhwanja ò lòkɛ̀yi nanù ema, eyà ema e Rzàŋgò e mà ò òhweyà e ò gbèyɛ̀nɛ.”

Lukàrzɛ̀ 1:49

Lohwà la Màyɛ̀kɛ̀ à nò gbèèlì eyà ndɛnɛ̀. Mɔ̀ à hwèlì wòtani.

Lukàrzɛ̀ 11:27

Èŋge hvònda ema Yerzù a mà kulɛ̀ lì òhwà nanù, mòlanà mɔ̀kɔ ema à mà hwɛ ò ìtììtènì ja hwatò rzìi a òhwa nà lìlò lì karzami nanù ema, “Mònàmɛ̀ mò hwɛ nà lùùŋgà ema lì ò ŋya, nà mahwɛ hvɛ ema mà ò nyɔ̀ŋgìrzɛ.”