Lukàrzɛ̀ 1:41 - Mokpwe: Bakwery (New Testament)

⁴¹ Nà òmà Èlìrzabɛ̀tì a mà hweye ìikɔ̀mi ja ama Màlìyɛ̀, ŋmɛ̀ɛŋgɛ mò ŋmanà ema mò mà hwɛ ò èwònì ya lùùŋgà la ama Èlìrzabɛ̀tì mò mà anyìŋgìrzɛ̀nɛ̀. Èlìrzabɛ̀tì à mà ònda nà Èlìŋgɛ̀ yà Wòtani.

Lukàrzɛ̀ 1:41 Mawu Ofanana

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Lukàrzɛ̀ 1:40

A mà ùke aŋga, rzìi a kpèeyà ò ndawò yà ma Rzàkàriyà, a kɔ̀mɔ̀ Èlìrzabɛ̀tì.

Lukàrzɛ̀ 1:42

Èlìrzabɛ̀tì rzìi a òhweyà Màlìyɛ̀ nà lìlò lì karzami nanù ema, “Ò nàmìrzɛ̀hwɛ̀yi ò ìtììtènì yà wònyà hwalanà hwa arzɛ, mònàmɛ̀ hvɛ nà è ŋmanà ema o ò ŋya.

Lukàrzɛ̀ 1:44

Nà òmà iikɔ̀mi ja aŋgɔ̀ ì nò kpèelì ò màtò, ŋmɛ̀ɛŋgɛ mò anyìŋgìrzɛ̀nɛ̀ ò èwònì ya amì nà mɔ̀nyɛ̀ŋgì.

Lukàrzɛ̀ 1:67

Rzìi Yòwanìrzɛ̀, rzàŋgò wà èni, Rzàkàriyà à mà ònda nà Èlìŋgɛ̀ yà Wòtani, rzìi a wòteya lì òhwà hweyà nanù ema,

Lukàrzɛ̀ 4:1

Yerzù à mà uhwɛlɛlɛ ò mòrzò mò Jɔdànì, à mà ònda nà Èlìŋgɛ̀ yà Wòtani, rzìi e mò lìyɛlɛ ò lì ɛ̀ndɛ ò mòrzanjɛ̀.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 4:8

Pètrò rzɔ, ema ama ònda na Èlìŋgɛ̀ yà Wòtani à mà hwa alàhwɛ̀ nanù ema, “Hwàkànèlì na hwàmbaki hwa arzu hwa e mbòwa,

Hwègbèèlì 6:3

O èŋgànɛ̀lɛ̀ rzɔ wònyàmòwe kòkò, e hvɔ̀rzè lìrzamba la wunyanà ò ìtììtènì ja anyu ema hwa hwɛnì lì lòkɛ̀ hwa òndi hvɛ na Èlìŋgɛ̀ yà Wòtani, ndèŋgànà hwa òhvi hvɛ lìhwiyè. Wɔ̀ ndi irzɔ i ŋgbàà ene èwòlò.

Hwègbèèlì 7:55

Ndi kanatɛ Rzìtehvànɛ à mà ònde nà Èlìŋgɛ̀ yà Wòtani, à mà ɔŋgɔ̀ ò ŋmanyu yà lohwà, rzi à ɛnɛ ŋmàye mò òma Lohwɛ̀, nà Yerzù ema à tɛ̀mì ò ehvàrzu yà lìya là mòmɛ̀ là ama Lohwɛ̀.

Hwègbèèlì 9:17

O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”

Ɛ̀hvìrzìyà 5:18

È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.

Hwèwulùwèlì 1:10

Èlìŋgɛ̀ yà Wòtani è mà nò rziweya o Wùnyà wo ama e Rzàŋgo. Nà ma hweyà lìlo lì ndɛnɛ ema lì ma lì uwɛlɛlɛyi o mburza ya ami lì ma gbeyà ndi nàa mɔ̀tɔ̀wu mo lìyɔ̀mi.