Lukàrzɛ̀ 1:32 - Mokpwe: Bakwery (New Testament)

³² Oŋgò Ŋmanà a ò hwɛ ndi yumɛ̀ ya mùnyanà. A ò hwɛ̀lɛ̀hwɛ̀ ndi è Ŋmanà wà ama Lohwɛ̀ lì Kàrzami. Tatà Lohwɛ̀ à ò mò ŋgbà è kònda yà Lìkànèyà la ama è mbamba yà eni Dàhwitì.

Lukàrzɛ̀ 1:32 Mawu Ofanana

Matiyò 1:1

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.

Matiyò 12:42

O wùnyà wò hwèkàyìrzèlì è mòkànèlì wa mòlanà ema à mà hwɛ lìkànèyà èkòmè ya Rzebà mɔ̀ hvɛ à ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò ò wùnyà wò hwèkàyìrzèlì. À ò tɛ̀mɛ̀ mbòŋgi ema è ò gbèyɛ ema hwa tuwe ŋmàŋgò. Hwa ò tuwa ŋmàŋgò èhwanja a uwɛ̀lɛ̀lɛ̀yi èki hvòòhvò ò lì òkànèyà hweyà hwe lìhwiyè ema Rzòlòmɔ̀nì à mà hwɛ lì òkòlɛ̀. Ndi yàwònò, ò hwèlì mòtò mɔ̀kɔ ema à akàyì Rzòlòmɔ̀nì.”

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Makòrzì 14:61

Ndi Yerzù à mà andama ŋmɛ̀ɛ a rzi ŋgbe tɔ̀ ja alàhwɛ̀. Rzìi èŋge Pìlìrzì è karzami è mò ijòwa hvɛ nanù ema, “O wa ndi ò hwèlì e Mɔ̀ ema à Ɔ̀kirzɛ̀hwɛ̀yi e? È ŋmanà wa Lohwà ema lì ŋgbàahwì èluhwe e?”

Makòrzì 5:7

À mà tɛ nà lìlò lì karzami nanù ema, “O wa Yerzù, è Ŋmanà wà ama Lohwà lì Kàrzami mamɛ ì òhvanɛ e? Nà ò rzòzòmeya ò lìna la ama Lohwɛ̀ ò rza nò kɔ̀kìrzɛ̀.”

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Lukàrzɛ̀ 1:35

È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Lukàrzɛ̀ 3:16

Yòwanìrzɛ̀ rzìi à hwa alàhwɛ̀ hwa arzɛ nanù ema, “Nà è lùhwìrzɛ̀ naŋgɛ nà màlìhwa, ndi òŋgò ema à kàrzàmi lì nò aka à ò jà, ema nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni. Mɔ̀ à è ò lùhwìrzɛ̀ ndi nà Èlìŋgɛ̀ yà Wòtani nà mùnya.

Lukàrzɛ̀ 6:35

Ndi e lìŋgàne hwàkɔ̀yèlì hwa anyu. È hwa gbèeyà gbamù. È hwàlɛ̀ hwatò è rzì hwɛ lì ikà lìhvìtà ema è hwa àrzànà lìyɛmɛ ò lì è tìmbirzɛlɛlɛ. Aŋgà ndi Lohwɛ̀ a e ŋgba jàhwèyà ema ì karzami, ndèŋgànɛ̀lɛ̀ e ò hwɛ̀lɛ̀hwɛ̀ ndi hwàànà hwa eni, hwàànà hwa ama Lohwɛ̀ lì Kàrzami, e hwɛnì hvɛ lì hwiya nanù ema Lohwɛ̀ à òhvi ììlì jà èni ò hwaŋga hwatò ema hwa rza eka Lohwɛ̀ nà hwaŋga hwa ekɔnì.

Yòwanìrzɛ̀ 12:34

È ŋgìndì rzìi e mò alàhwɛ̀ nanù ema, “È mbenda ya arzu e jò òhwèlì nanù ema, ‘È Mɔ̀ ema a Ɔ̀kirzɛ̀hwɛ̀yi à hwɛ natɛ̀ɛ nà ò mòlìkɛ̀.’ Nɛ rzɔ ò wa ò tànɛyi lì òhwa nanù ema, ‘È Ŋmanà wa e Mòtò wa Hwènàmà a àŋgàmɛ̀nɛ̀ lì karzɛhwɛ ò ŋmanyu e?’ Njɛnɛ rzɔ a hwèlì ònò ‘Ŋmanà wà è Mòtò wà Hwènàmà e?’”

Yòwanìrzɛ̀ 6:69

Irzɔ i lòkɛ̀yì ndèŋgàna i hwi nanù ema ò wa ndi ò hwèlì e Mɔ̀ wa Wòtani ema a uwɛ̀lɛ̀lɛ̀yi ò ma Lohwɛ̀.”

Hwègbèèlì 16:17

Oŋgò ŋmanà ŋgɔ̀ndɔ̀ à mà wòteyà lì òŋgama Pàwolò na irzɔ rzi a tɛ ò ŋmanyu nanù ema, “Hwanù wunyanà hwa hwèlì ndi hwàgbèèlì hwa ama Lohwɛ̀ ema lì karzami. Wɔ̀ hwa jèelì ndi ò lì e òhweyà nɛ inyɔ e tànɛyi lì rzùŋgàhwà.”

Hwègbèèlì 2:30

Dàhwitì à mà hwɛ ndi mòòhwèlì wà èlìŋgɛ̀ ndèŋgànà mɔ̀ à mà hwiya yòòma ema Lohwɛ̀ à mà òhwe nanù ema a mò ŋgba. Lohwɛ̀ à mà aàtɛ yòmbò nanù ema, a ò wòwa ŋmanà ò mòtende mò ama Dàhwitì a ò mò lìirzɛ kiŋgɛ nyayi hvɔ̀kɔ na òma Dàhwitì hvɛ à mà hwɛ kiŋgɛ.

Hwègbèèlì 2:36

Petrò rzìi a hwatɛ hvɛ ò lì òhwa nanù ema, “O eŋgànɛlɛ rzɔ inyɔ hwa arzɛ hwatò hwa Irzàyɛ̀lì e hwɛni lì hwiye na e jɔ̀kɛ̀ nanù ema, ò nò Yerzù ema inyɔ e ma wòmeyà ò mbarza mɔ̀ ndi à hwèlì e mɔ̀ ema Lohwɛ̀ à mà gbeyɛ, e Rzàŋgò ndèŋgànɛ̀lɛ̀ mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

Hwègbèèlì 7:48

“Ndi lìŋgi Lohwà lì karzami lì rza lìya mawòŋgi ema mà òŋgahwi na màà mà hwatò hwa hwènàma. È hwèlì ndi nanù ema, na òma mòòhwèlì mɔ̀kɔ wà hwèlìŋgɛ̀ a òhwi nanù ema, Lohwɛ̀ a òhwi nanù ema,

Ròmànì 1:4

O hwehwɛ̀ɛlì hwe èlìŋgɛ̀, Lohwɛ̀ à mà uŋmɛ̀lɛ̀ ò lì akeyà nà màyìmbì ma Èlìŋgɛ̀ yà Wòtani nanù ema mɔ̀ à hwèlì ndi è Ŋmanà wà ama Lohwɛ̀, na òma à mà mò hvùmùlɛ ò kpelì. Oŋgò Ŋmanà a hwèlì ndi Rzàŋgò wa arzu Yerzù Krirztò.

Hwèwulùwèlì 3:7

À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.