Lukàrzɛ̀ 1:2 - Mokpwe: Bakwery (New Testament)

² Wɔ̀ hwa mà tìla ndi ŋgàna hvɔ̀kɔ, nà òmà irzɔ imà hweyàne hwaŋga hwatò, ema hwà mà ɛnɛ hwenè hweyà nà mìirzɔ̀ ma awu ò hwèwòtelì ndèŋgàna wɔ̀ hwa mà hwɛ ndi lì òhwà Eyà ya Lohwà.

Lukàrzɛ̀ 1:2 Mawu Ofanana

Makòrzì 1:1

Hwewòtelì hwe Ŋmɛ̀ndì mò Gbamù lì hvòmɛ̀nɛ̀ Yerzù Krirztò, è Ŋmanà wà ama Lohwɛ̀.

Makòrzì 16:20

Hwà-òkòwèlì rzìi hwa wùrza, hwa ɛ̀ndɛ lì òhwa Ŋmɛ̀ndì mò Gbamù ò èki ya arzɛ. È Rzàŋgò è mà hwɛ nà wɔ̀ rzìi à hwa ŋgba è ŋginyà ò lì gbeyà hweyà hwe mànyakà ò lì uŋmɛ̀lɛ̀ nanù ema màmɛ ema hwa òhwa e hwèlì ndì e jɔ̀kɛ̀. [

Makòrzì 4:14

È mùŋgùlèlì wà mbòtà mɔ̀ ndi à mùŋgùlɛ̀ɛ è mbɔrzi yà ama Lohwɛ̀.

Lukàrzɛ̀ 24:48

È hwèlì ndi mbòŋgi ò hwenè hweyà hwe àrzɛ.

Yòwanìrzɛ̀ 15:27

Rzìi inyɔ hvɛ e ò òhwa hweyà lì nò hvòmɛ̀nɛ̀, èhwanja e ma hwɛ na imba natɛ̀ɛ na ò hwewòtelì.

Yòwanìrzɛ̀ 16:4

Nà e òhwèlì ndi ene eyà, aŋga nanù, e hvònda e jelì tɛ ema hwene hweyà hwe ò gbèyɛ̀nɛ òma ema ɔ̀ŋgɛ̀lɛ̀ ema nà mà e kòkòwɛlɛ. “Nà rzi lòme lì e òhweyà hwenè hweyà ò hwewòtelì, èhwanja, nà mà hwɛ na inyɔ.

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 14:25

È hvònda ema hwà mà kulɛ ò lì òhwa e eyà ya Lohwà ò mbòwa ndɛnɛ ya Pɛ̀ga, rzìi hwa ɔ̀ndɔ̀ ò mbòwa ndɛnɛ ya Atalìya.

Hwègbèèlì 16:6

Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

Hwègbèèlì 26:16

Ndi ò naŋgɛ tɛ̀mɛ̀nɛ̀ ò ŋmanyu, ehwànja imba nà ò wurzelì ndi ò lì ò hvɔ̀rzɔ̀ nàa è mògbèèlì wà ami ndèŋgànà nàa mbòŋgi ò hwahvɛhvɛ hwatò, ò lì hvòmɛ̀nɛ̀ hweyà ema ò mà ɛnɛ yawònò, nà hweŋge ema o ò ɛnɛ ò hvònda ema è ò jɛ̀ɛ̀.

Hwègbèèlì 4:20

Irzɔ i rza tànɛyi lì hwɛmɛ ò lì òhwa lì hvòmɛ̀nɛ̀ mamɛ irzɔ hwiti je ɛni na mìirzɔ̀ ma arzu na lì hwèyàna hvɛ màatò ma arzu.”

Hwègbèèlì 8:4

Hwàŋga hwàlòkèlì ema hwa mà wuhweyà hwa mà òhwa Ŋmɛ̀ndì mò Gbamù ò hwèki hwe arzɛ ema hwa mà ɛ̀ndɛ̀.

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

1 Kɔ̀rintìyà 4:1

È aŋgàmɛ̀nɛ̀yi lì jo lùtèyà nàa hwàgbèèlì hwa ama Krirztò, ema Mɔ̀ a ikayi o lì telɛlɛ hwatò e wùndɛ̀ ya ama Lohwɛ̀ ya jɔ̀kɛ̀ ema e utami.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

2 Pètrò 1:16

Rzeketɛ màyìtò ema hwatò hwà mà wòndɛ̀yi ndi i ma hwɛ lì e ohweyà, e hvonda ema i ma hwɛ lì ohwa nanù ema e Rzàŋgo ya arzu Yerzù Krirztò e jà hvɛ na ŋginyà. Irzɔ hwitɛ-hwitɛ je ɛnɛ ŋmàye mo eni na mìirzɔ ma arzu.