Lukàrzɛ̀ 1:17 - Mokpwe: Bakwery (New Testament)

¹⁷ A ò hvùŋgàna ò wòrzò ndèŋgàna è Rzàŋgò e ò jà. A ò hwɛnɛ hvɛ e ŋginyà nà èlìŋgɛ̀ ŋgàna hvɔ̀kɔ nàa Èlàyijà è mòòhwèlì wà èlìŋgɛ̀ wà kòhwaa a mà hwɛnɛ. A ò rzèeya mèèmà me irzàŋgo nà hwàna hwa awu. Hwatò ema hwa hwɛnì maniya nà Lohwɛ̀, wɔ̀ hvɛ à hwa tikòwà ò lì jà ò lìhwiyè nà hwàtanèlì ò wòrzò wò ama Lohwɛ̀. A ò rzèkeya hwatò ò hwèjèelì hwe ama Rzàŋgò.”

Lukàrzɛ̀ 1:17 Mawu Ofanana

Matiyò 11:14

O èŋgànɛ̀lɛ̀ e wòŋgirzɛnɛ tɛ ò lì lòkɛ̀ e mbɔrzi ya awu, Yòwanìrzɛ̀ ndi à hwèlì e mɔ̀ ema hwa ma hwɛ lì òhwa e hvònda ema hwa ma òhwe nanù ema Èlàyijà a hwèlì a jà.

Matiyò 14:4

Hɛ̀rɔ̀dì à mà aŋgɛ Yòwanìrzɛ̀ e Mòlùwìrzèlì ò hwèwòwà èhwanja mɔ̀ à mà mò òhweyà nanù ema, “È rza hvòmɛ̀nɛ̀ nanù ema ò hwaa Hɛ̀ròdìyàrzì e jòjìyɛ̀ ya ama ŋmanyàŋgò wa aŋgɔ̀.”

Matiyò 3:3

Yòwanìrzɛ̀ ndi à hwèlì è mòtò ema è mòòhwèlì wà èlìŋgɛ̀ Àyìrzayà à mà hwɛ lì òhwa è hvònda ema à mà òhwe nanù ema, “Njàmbɛ̀ è mà uhwɛ̀lɛ̀lɛ ò mòrzanjɛ̀ ema è mà hwɛ lì òhwa nanù ema, ‘È tɛ̀nɛ̀nɛ̀ ìnjìya jà hwèyàkèlì hwe eni.’”

Matiyò 3:4

Liwɔ̀ti là ama Yòwanìrzɛ̀ lì mà gbèya hwàna ndi nà màjùmbù mà nyàmà ema è hwɛ̀lɛ̀hwɛ̀ Kàmɛ̀lì. È ŋgòlì yà eni hvɛ ema gbèya hwàna nà mèyòwò mè è nyàmà yà waŋga. Mòlèlì mò eni mò mà hwɛ ndi mègbambèmbè nà wòò.

Lukàrzɛ̀ 1:16

A ò tìmbirzɛ mèèmà me rzayì-rzayì ja wònyà Irzàyɛ̀lì ò ma Rzàŋgò, ema a hwèlì Lòohwà la awu.

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Yòwanìrzɛ̀ 1:13

Wɔ̀ hwa rza enje ndi hwàànà hwa ama Lohwɛ̀ nàa hwatò hwa hwènàmà hwa ŋyàa hwànà. Hwa rzi hwɛ ndi hwàànà hwa ama Lohwɛ̀ nàa ò à ɛnɛ ema mòtò wà hwènàmà ndi à hwa ŋyàayi. Lohwɛ̀ mɔ̀ ŋmìti ndi à hwèlì è Tatɛ̀ yà awu.

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

Yòwanìrzɛ̀ 3:28

Inyɔ hwiti e tànɛyi e tɛ̀mɛ̀ mbòŋgi e ma na òhwi ema rzeketɛ imba ndi na hwèlì è Mɔ̀ ema à Ɔ̀kirzɛ̀hwɛ̀yi. Nà òmàhwi ndi na Lohwɛ̀ ò wòrzò lì jà lì mò rzɛ̀ŋgɛ̀neyà e njiya.

Hwègbèèlì 10:33

Ɔ̀ndeŋgàtɛ̀ nà mà ò yòhwɛ ŋgelì hvɔ̀kɔ, ndeŋgànɛ̀lɛ̀ ò gbèyi gbamù ò lì jà. O naŋgɛ nanù, irzɔ hwa arzɛ i hwèlì anu ndèŋgànà Lohwɛ̀ a hwèlì na irzɔ. I hwèlì ò lì ambɛ̀lɛ̀ lì hweyà tɔ̀ mamɛ ema Rzàŋgò Lohwɛ̀ a ò òhwèlì nanù ema ò jò òhweyà.”

Ròmànì 9:23

Ndeŋgàna Lohwɛ̀ à mà arza hvɛ ò lì wuluhwa èluhwe ya eni ndɛnɛ, ò hwatò ema mɔ̀ à mà uŋmɛ̀lɛ̀ ŋmèma mò eni mò gbamù. A ma màa lì wòŋgirzɛnɛ hwaŋga hwatò ò lì luwa èluhwe ya eni.

Kòlòrzìyà 1:12

Inyɔ è ò eka, Tatɛ̀ ò hweyà hwe arzɛ. Mɔ̀ ndi à gbèyi nanù ema inyɔ è tànɛ lì hwɛ hwatò ema hwa tànɛyi lì lùwa lòŋgo là erzàŋgo ema mɔ̀ à ùtelì hwatò wà eni ò èki ema ŋmàye mò hwèlì.

2 Tìmotì 2:21

Tɔ ima mòtò ema a rzɔnjɛ̀lɛ̀ lì gbeyà la hweyà hwe mbindo, à ò hwɛ ndi nàa màlùkù mà mèyɔnjɔ ema me gbeyànɛhwɛ o ndèma yà towotowo. Oŋgo mòtò a ondi wòrzaŋgi ndèŋgàna e Rzàŋgo ya eni e mo gbeyàna. Ndèŋgana oŋgo mòtò a woŋgirzɛnɛyi o lì gbeyà eyà yà gbamù o tɔ̀ ima hvonda.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

Hwèwulùwèlì 20:4

Rzìi na ɛnɛ ikonda ja màkànèyà ema hwatò ema hwà mà ji lìya wɔ̀ ndi Lohwɛ̀ à mà ŋgbe e wònja o lì kànèyà hwatò. Rzìi na ɛnɛ e mòtò wa tenì wa hwatò ema hwà mà ŋwɛɛ. Hwà mà hwa oŋwa ehwànja hwà mà hwɛ lì ohwa e jɔ̀kɛ̀ ema Yerzù à mà jàne ehwànja hwà mà hwɛ lì ohwa ŋmɛ̀ndì ema mo uwɛ̀lɛ̀lɛ̀yi o ma Lohwɛ̀. Wɔ̀ hwà mà hwa oŋwa ehwànja wɔ̀ hwa rzi kanɛ̀ eŋge nyàmà yà wòhwe tɔ̀ èlìŋgɛ̀ ya eni ehwànja wɔ̀ hwa rzì emeyà lì luwa èèmbanelì ya eni o imbɔ̀mbɔ tɔ̀ o màà mà awu. Wɔ̀ hwà mà tìmba o lòŋgɛ rzìi hwa hwɛ na Krirztò o lìkànèyà o tenì ya ikolì ja meya.