Lukàrzɛ̀ 1:15 - Mokpwe: Bakwery (New Testament)

¹⁵ È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Lukàrzɛ̀ 1:15 Mawu Ofanana

Lukàrzɛ̀ 1:14

A ò jàneyà mɔ̀nyɛ̀ŋgì. Rzayì-rzayì ja hwatò hvɛ, hwa òkà mɔ̀nyɛ̀ŋgì ò hwèŋyàyèlì hwe eni.

Lukàrzɛ̀ 7:28

Ò jɔ̀kɛ̀ ò rza ènje tɔ̀ mòtò tɔ̀ mɔ̀kɔ à ŋyààhwì lùùŋgà la mòlanà anù rze, ema à akayi Yòwanìrzɛ̀. Ndi tɔ̀ nanù, e mòtò ema mɔ̀ ndi à hwèlì e wa lìrzùkù ò ìtììtènì ja lìkànèyà la ama Lohwɛ̀, mɔ̀ à akayi Yòwanìrzɛ̀.”

Lukàrzɛ̀ 7:33

Yòwanìrzɛ̀ è Mòlùhwìrzèlì a mà jèe, a rzi hwɛ lì làa mòlelì ì hvònda ja arzɛ, nà lì nyɔ hvɛ tɔ̀ mimba. Hwa mà wòteya lì òhwa nanù ema, ‘À òhvì èlìŋgɛ̀ ya wòhwe!’

Yòwanìrzɛ̀ 5:35

Yòwanìrzɛ̀ à mà hwɛ ndi nàa etùlù ema e ma hvàalɛ̀hwɛ̀ ò lì ŋgba èki ŋmàye. Inyɔ e ma lìŋgàna ò lì nɔŋgɔ mòŋgò ŋmàye ò ŋmana hvòka wa hvònda.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Gàletìyà 1:15

Ndi tɔ̀ nɛ è mà hwɛ nanù, Lohwɛ̀ à mà lòma lì nò hvɔ̀rzɔ̀ ndèŋgàna nà è ŋyàahwà. À mà nò hwɛlɛ nà è ndèli yà eni ò lì mò gbèeyà.

Ɛ̀hvìrzìyà 5:18

È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.