Lukàrzɛ̀ 1:13 - Mokpwe: Bakwery (New Testament)

¹³ Ndì è aŋgèlì è mà mò òhweyà nanù ema, “Ìi Rzàkàriyà, ò rzì òka wɔ̀ŋgɔ̀, Lohwɛ̀ à mà hwèya lì kanɛ̀ la aŋgɔ̀. Jòjìyɛ̀ wà aŋgɔ̀ Èlìrzabɛ̀tì a ò ŋya ŋmanà. O ò mò kpɛ̀ ndi lìinà Yòwanìrzɛ̀.

Lukàrzɛ̀ 1:13 Mawu Ofanana

Matiyò 1:21

À ò ŋya ŋmanà wà mùnyanà, o ò mò kpɛ̀ ndi lìinà Yerzù, èhwanja à ò òŋgirzɛ hwatò wà eni ò wòhwe wò awu.”

Matiyò 14:27

Yerzù rzìi à hwa òhweyà lìwòkimɛnɛ nanù ema, “È àyètìrzɛ̀ mèèmà! Imba Yerzù e rzi òka wɔ̀ŋgɔ̀.”

Matiyò 28:5

Èŋge aŋgèlì rzìi e òhweyà hwaŋga hwalanà nanù ema, “È rza òka wɔ̀ŋgɔ̀. Nà hwi nanù ema e arza ndi Yerzù ema à mà wòmàwɛlɛ̀hwɛ̀ ò mbarza.

Makòrzì 16:6

Èŋge mbèrza rzìi e hwa òhweyà nanù ema, “È rza òka tɔ̀ wɔ̀ŋgɔ̀. Nà hwi nanù ema e àrza ndi Yerzù e mòtò wa Nàrzàrɛ̀tì, ema hwà mà wòmeya ò mbarza. Mɔ̀ à mà hvùmùwà! À rza enje anù. È ɔ̀ŋgɔ tɛ èki ema hwa mà mò nàŋgɛlɛ.

Lukàrzɛ̀ 1:14

A ò jàneyà mɔ̀nyɛ̀ŋgì. Rzayì-rzayì ja hwatò hvɛ, hwa òkà mɔ̀nyɛ̀ŋgì ò hwèŋyàyèlì hwe eni.

Lukàrzɛ̀ 1:30

È aŋgèlì rzìi e mò òhweyà nanù ema, “Ìi Màlìyɛ̀ ò rzì òka wɔ̀ŋgɔ̀ Lohwɛ̀ à ò uŋmɛ̀lɛ̀ ììlì ja eni.

Lukàrzɛ̀ 2:21

Hwèyu wàmbì hwe ma ùke ema hwa mà hwɛnɛ lì endà è ŋmanà, hwa mà mò kpɛ̀ɛ ndi lìinà Yerzù. Linì lìnà lɔ̀ ndi è aŋgèlì e mà mò kpɛɛ ndèŋgàna nyàŋgɛ à e mò lìta.

Hwègbèèlì 10:31

òŋgò mòtò rzìi à òhwa nanù ema, ‘Kɔ̀nɛlìyùrzì, Lohwɛ̀ à mà hweyà lì kanɛ̀ là aŋgɔ̀. Ndeŋgànɛ̀lɛ̀ à mà ɔ̀ŋgɛ̀lɛ̀ hwèwòlò hwe aŋgɔ̀ hwe lì òŋgòwàna la mèlìrza me hwatò.