Kòlòrzìyà 4:5 - Mokpwe: Bakwery (New Testament)

⁵ È hwɛni lì aŋgowa nà oma inyɔ è gbèeyà nà hwaŋga hwatò ema hwa rza enje hwàlokelì hwa ama Krirztò. È gbeyàne ihveyo ja arzɛ ema e lùu o lì gbeyà gbamù.

Kòlòrzìyà 4:5 Mawu Ofanana

Matiyò 10:16

Yerzù à mà timba hvɛ lì òhwa nanù ema, “È ɔ̀ŋgɔ tɛ, na e òma ndi nàa mɛ̀lɛ̀ŋgù ò ìtììtènì ja i njùhwɛ̀. O èŋgànɛ̀lɛ̀ rzɔ e aŋgòwe ndi nàa mààhwà, ndèŋgànà e hwɛ ŋmɛ̀ɛ̀ nàa imbeŋga.

Makòrzì 4:11

À mà hwa òhweyà nanù ema, “Lohwɛ̀ à è ŋgbèlì è wònjà ò lì hwiyà è wùndɛ̀ yà Lìkànèyà la ama Lohwɛ̀. Ndi ò hwanɛ̀yi hwatò Lohwɛ̀ à hwa gbèyi ò lì hwiyà hwenè hweyà ò meyànà mɛ̀nɛ̀.

Ròmànì 16:19

Tɔ̀ ima mòtò à mà hweyà lì hvòmɛ̀nɛ̀ lì hweyàna la anyu la ŋmɛ̀ndì mò gbamù, ò lìni lìtìŋga, ò eŋgànɛ̀lɛ̀ na e òkani mɔ̀nyɛ̀ŋgì. Ndi imba na arza nanù ema inyɔ e gbèèye hweyà hwe gbamù, ndi e rzi keka lì ika mèèmà ò lì rzɔ̀ŋgìtɛ̀nɛ̀ mamɛ ema e hwèlì wòhwè.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

1 Tɛ̀rzàlonìyà 4:12

Irzɔ i ma e kòkòwɛ̀lɛ̀ o lì gbeyà hwene hweyà hwe arzɛ aŋga nanù, e luwa èluhwe ya hwahvɛhvɛ hwatò ema hwa rza lòkɛ̀ɛ Lohwɛ̀, ndèŋgànɛ̀lɛ̀ tɔ̀ ima mɔ̀kɔ wa anyu a hwiya lì àwòhvɛ̀ la eni.

1 Tìmotì 3:7

O lì hwatɛ hvɛ, oŋgo mòtò a hwɛni ndi lì hwɛ mòtò hvɛ ema tɔ̀ hwaŋga hwatò ema hwa rza enje o ŋmèmba hwa mo ŋgba èluhwe. Ène e gbeyà a rza luwa ìrzɔnì ndeŋgànɛ̀lɛ̀ a rza unda o e ŋgùndèli ya ama mòkarzɛ̀.

Jèmìrzì 1:5

Ndi tɔ̀ ima mɔ̀ wa anyu ema a rza hwɛnɛ lìhwiyè, a kànɛ Lohwɛ̀, a mo ŋgbàà e lɔ̀. Lohwɛ̀ ndi à gbeyàna ŋmèma mo eni mo awɔ̀kɛ o lì ŋgba tɔ̀ ima mòtò lìhwiyè. Mɔ̀ Lohwɛ̀ a rza timbana tɔ̀ mòtò mburzà ndèŋgànɛ̀lɛ̀ a mo ŋgba e lɔ.

Jèmìrzì 3:13

O hwèlì tɔ̀ mɔ̀kɔ wa anyu anu ema a ohvi lìhwiyè na lì rzɔ̀ŋgìtɛ̀nɛ̀ e? Mɔ̀ a àŋgàmɛ̀nɛ̀yi ndi lì àwuŋmɛ̀lɛ̀ na lòŋgɛ la eni la gbamù ema mɔ̀ à hwɛni o hweyà hwe arzɛ ema mɔ̀ à gbeyà. Inyɛ̀ mɔ̀ à gbeye nanù o lì arzìirzɛ la eni là arzɛ na o lìhwiyè la eni.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

1 Pètrò 3:1

Molàndàko mɔ̀kɔ hvɛ mɛnɛ, inyɔ ijòjìyɛ̀, ya aŋgàmɛ̀nɛ̀yi o lì arzihwirzɛ inyɔ hwiti o rze ya mèjòmɛ̀ me anyu, aŋga nanù loŋgo la awu ema hwa rza lòkɛ̀yi eyà ya Lohwà, hwɛ̀ɛ̀mɛ̀ hwe anyu hwe gbamù hwe hwa gbeyà wɔ̀ hvɛ hwa timbeya Lohwɛ̀ na lì mo lòkɛ̀. Tɔ̀ e hwɛ nanù ema e rza hwa ohwèlì tɔ̀ eyà,