Kòlòrzìyà 4:10 - Mokpwe: Bakwery (New Testament)

¹⁰ Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

Kòlòrzìyà 4:10 Mawu Ofanana

Hwègbèèlì 12:12

Nà òma Pètrò à mà àyɛ̀mbɛ̀ mamɛ ema e ma mò gbèyɛ̀nɛ, rzìi a ɛ̀ndɛ ò màandà mà ama Màlìyɛ̀, e nyàŋgò ya ama Yòwanìrzɛ̀ ema à mà hwɛ̀lɛ̀hwɛ̀ hvɛ Màkòrzì. Anù ndi rzayì-rzayì ja hwatò hwà mà arzàŋgànɛ ò màkanɛ̀.

Hwègbèèlì 12:25

Nà òma Bànàbàrzì na Rzàwòlò hwà mà kulɛ èwòlò ya awu ò Jèrurzalɛ̀mù, wɔ̀ hwà mà tìmba. Hwà mà tìmbana hvɛ Yòwanìrzɛ̀ ema lìnɛyi lìnà la eni hvɛ lì hwèlì ndi Màkòrzì.

Hwègbèèlì 13:13

Pàwolò na imbunda ja eni hwà mà kpèeyà ò wɔ̀lɔ̀ ò Pàhvɔ̀rzì hwa lùuka natɛ̀ɛ hwa uka e mbòwa ya Pɛ̀ga, ò erzòòkà ya Pàmhvilìyà. Ndi Yòwanìrzɛ̀ Màkòrzì à mà hwa lìya aŋga a tìmba e ye eni ò Jèrurzalɛ̀mù.

Hwègbèèlì 13:5

Nà òma hwà mà ùke ò mbòwa ya Rzàlàmìrzì, hwà mà òhwa eyà ya Lohwà ò mandawò ma màkanɛ̀ ma wònyà Yudà. Hwà mà lɛmbɛ Yòwanìrzɛ̀ Màkòrzì ò lì hwa òŋgòwànà.

Hwègbèèlì 19:29

Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.

Hwègbèèlì 20:4

Hwatò ema hwa mà mò òŋgama hwà mà hwɛ ndi Rzòpatà e ŋmanà hwa ama Hvìrzùrzì ema à mà uwɛ̀lɛ̀lɛ̀yi ò mbòwà ndɛ̀ɛndɛ̀ ya Bèrìyà, Arìrztàkùrzì na Rzèkùndùrzì ema hwà mà uwɛ̀lɛ̀lɛ̀yi ò e mbòwà ndɛnɛ ya Tɛ̀rzàlònìkà. Gàyiyùrzì ema à mà uwɛ̀lɛ̀lɛ̀yi ò mbòwà ndɛnɛ ya Dɛ̀bì, Tìmòtì, na Tàyìchìkùrzì na Tlòhvìmùrzì ema hwà mà uwɛ̀lɛ̀lɛ̀yi ò erzòòkà ya Èrzìyà.

Hwègbèèlì 27:2

Irzɔ i ma kpèeyà ò tenì ya melì me ŋmànja ò mbòwa ya Adramitiyumi. Meŋge melì me ŋmànja me ma wòŋgirzɛnɛ ò lì ɛndɛ lì uka ò e rzàawà ya ŋmànja mò erzòòkà ya Èrzìyà. Rzìi i wòteyà lì ɛndɛ yɔ̀ndɔ ya ŋmànja. Ndèŋgana irzɔ je anjiya aŋga, i ma wòwa Arìrztàkùrzì. Arìrztàkùrzì à mà hwɛ ndi mòtò wa erzòòkà ya Màrzèdonìyà, ema à mà uwɛ̀lɛ̀lɛ̀yi ò mbòwa ndɛnɛ ya Tɛ̀rzàlònìkà.

Hwègbèèlì 4:36

Nànù ndi Jòrzɛ̀hvù mòtò wa lìtumba la ama Lɛ̀hvì, ema à mà uwɛ̀lɛ̀lɛ̀yi ò èkòmè ya Rzàyìprɔ̀rzì à mà gbeye. I àpɔ̀rzìtòlò i ma mò hwɛlɛ ndi Bànàbàrzì (jànda ja lìni lìna lì hwèlì ndi “Mòtò ema, a Kɔ̀mɛlɛ”).

Ròmànì 16:2

È mò karzɛ ò lìna la ama e Rzàŋgò, na òma hwatò hwa ama Lohwɛ̀ hwa àŋgàmɛ̀nɛ̀yi lì gbeyà. Ndeŋgànɛ̀lɛ̀ e mò ŋgbe tɔ̀ ima lòŋgòwanɛ ema mɔ̀ à tànɛyi lì e arzana. È hwiye nanù ema mɔ̀ ŋmìti hvɛ à mà lòma lì òŋgòwàna lòŋgò la hwatò ndèŋgànɛ̀lɛ̀ mò à mà nò òŋgòwànà tɔ̀ imba mbiti.

Ròmànì 16:7

È kɔmè hvɛ Andrɔ̀nìkùrzì na Jùnìyà wònyànyàŋgò hwa ami hwa wònyà Yudà, ema i ma aŋgɛhwɛnɛ ò hwèwòwà. Hwa hwiyahwi kɔ̀yi-kɔ̀yi ò ìtììtènì ja àpɔ̀rzìtòlò. Ndeŋgànɛ̀lɛ̀ wɔ̀ hwà mà lòma lì hwɛ hwàlòkèlì hwa ama Krirztò ndèŋgàna imba na e lòkɛ̀.

2 Tìmotì 4:11

Lukàrzɛ̀ mɛnɛ ndi à hwèlì na imba. O jà tɛ o jàne Màkòrzì, èhwanja à ò nò oŋgòwànà o èwòlò ema na hwɛni.

Hvìlɛ̀mɔ̀nì 1:23

Èpàhvràrzì, ema à hwèlì nà imba ò hwèwòwà ò lìnà là ama Yerzù Krirztò, mɔ̀hvɛ à è òmèlì ikɔ̀mi.

Hvìlɛ̀mɔ̀nì 1:24

Nànù mɛnɛ hvɛ nà Màkòrzì, Arìrztàkùrzì, Dèmàrzì nà Lukàrzì, hwàgbèèlì ema irzɔ nà wɔ̀ ì gbèeyà èwòlò wɔ̀hvɛ hwa è òmèlì ikɔ̀mi.

1 Pètrò 5:13

Ŋmèmba mò mììtèlì ema mò hwèlì ò èkòmè ya Babìlɔ̀nì, ema Lohwɛ̀ à hvɔ̀rzì ema mè hwɛ è mà eni nà oma inyɔ hvɛ è hwèlì, mè omèlì ììkɔ̀mì, nanù mɛnɛ hvɛ nà Màkòrzì ema à gbèyi ndi nàa è ŋmanà wà ami ema nà wombi ò lìlòkɛ̀.