Kòlòrzìyà 4:1 - Mokpwe: Bakwery (New Testament)

¹ Inyɔ hwatò ema e hwɛ̀ni hwàkòmì, e ohve hwàkòmì hwa anyu nà oma Lohwɛ̀ a àrzeyà, ndèŋgànɛlɛ e hwa ohve gbamù. È hwiye nanù ema inyɔ hvɛ e hwɛni mòtò o ŋmanyu yà lohwà ema inyɔ hvɛ e hwèlì o rze ya eni.

Kòlòrzìyà 4:1 Mawu Ofanana

Matiyò 20:4

A ma òhweyà hwaŋga hwatò ama, ‘Inyɔ hvɛ e ɛ̀ndɛ e gbèèye èwòlò ò hvaya ya ami. Imba na e rzaweya mòrzahwelì mò gbamù.’

Lukàrzɛ̀ 19:15

“Ndi òŋgò mòtò wà èluhwe à mà lìirzɛhwɛ kiŋgɛ̀. À mà tìmbè ò ndawò yà èni, rzìi à òmeyà hwaŋga hwàgbèèlì hwa eni ŋmɛ̀ndì ema, hwa jè hwa mò òhweyà mamɛ tɔ̀ ima mɔ̀ à mà yàlɛ̀ ò ŋmanyu yà kahvà yà enì.

Jèmìrzì 2:13

Èhwànja Lohwɛ̀ a rza o uŋmɛ̀lɛ̀ ììlì ja eni e hwèlì tɛ nanù ema mɔ̀ à o kàyìrzɛ e mòtò ema mɔ̀ à rza uŋmɛ̀lɛ̀ ohvɛhvɛ ììlì. Ndi e mòtò ema a hwɛnelì hwahvɛhvɛ hwatò ììlì, mɔ̀ à rza o òka wɔ̀ŋgɔ̀ o wùnyà ema Lohwɛ̀ a o mo kàyìrzɛ.

Jèmìrzì 5:4

Ɔŋgɔ tɛ, e rzi rzàhwèlì hwatò ò èwòlò ema hwa e gbèelì o wàŋga ya anyu. E hwèlì ndi o lì hwa lukɛlɛ, ene eyà e ma gbeyà hwaŋga hwatò ema e rzi rzàhwèlì luuwa la awu lì hweyàhwì na Tatɛ̀ Lòohwà là Ngiŋya.

Hwèwulùwèlì 17:14

Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 19:16

O mòŋgòmbè mo eni na o e rzorzo ya eni lìni lìnà lì tìlahwi aŋga nanù ema, “Kiŋgɛ wa ikiŋgɛ ja arzɛ na e Rzàŋgo ya irzaŋgo ja arzɛ.”