Kòlòrzìyà 3:4 - Mokpwe: Bakwery (New Testament)

⁴ Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

Kòlòrzìyà 3:4 Mawu Ofanana

Matiyò 13:43

Rzìi hwatò ema hwa tɛmi ehve-ehve na Lohwɛ̀, hwa ò hvànya ndi nàa igbe ò lìkànèyà la ama Tatɛ̀ wa awu. È òkànèyà, tɔ̀ njɛnɛ ema a òhvi matò inyɛ a hweye.”

Lukàrzɛ̀ 17:30

Nànù mɛnɛ ndi e ò hwɛ̀ɛ ò wòŋgò wùnyà ema è Ŋmanà wà è Mòtò wà Hwènàmà a ò ɛnɛ̀hwɛ.

Yòwanìrzɛ̀ 11:25

Yerzù rzìi a mò òhweyà nanù ema, “Imba ndi na hwèlì hwèhvùmùwèlì nà lòŋgɛ, tɔ̀ ima mɔ̀ ema à nò lòkɛ̀ tɔ̀ nɛ à ŋwa, à ò tɛ̀mɛ̀ hvɛ ò lòŋgɛ.

Yòwanìrzɛ̀ 14:3

Ndèŋgana na ɛndi tɛ ò lì e rzèkeya èki ya anyu, na ò tìmba hvɛ ò mburzà ò lì e wòwa ema e hwɛ na imba. Àŋga nanù inyɔ hvɛ e hwɛ ò èki ema na hwèlì.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Hwègbèèlì 3:15

O eŋgànɛ̀lɛ̀ rzɔ inyɔ e ma gbeyà e mòtò ema a jànà hwatò lòŋgɛ la jɔ̀kɛ̀ à mà òŋwahwa ndi Lohwɛ̀ à mà mò hvùmùlɛ̀ ò kpelì. Irzɔ hwiti i ma ɛnɛnɛ hweŋge hweyà na mìirzɔ̀ ma arzu.

Ròmànì 8:18

Imba na ɛni nanù ema mètàkà ema jò ò luwa nàŋgɛ me rza enje tɔ̀ eyà nàa èluhwe ema hwa ò jò uŋmɛ̀lɛ̀hwɛ ò e hvònda ema e ò jɛ̀ɛ̀.

Ròmànì 8:19

Hweema hwe arzɛ ema Lohwɛ̀ a wèki ò rze ya mɔ̀nyɛ̀ hwe hwèlì lì ambɛ̀lɛ̀ na nyɔ̀ŋgi ndɛnɛ ò lì ɛnɛ na òma Lohwɛ̀ a ò uŋmɛ̀lɛ̀ hwàna hwa eni, a ò gbeyà eŋge na èluhwe ya eni ya arzɛ.

1 Kɔ̀rintìyà 1:7

Ène ŋgàna ò eŋgànɛ̀lɛ̀, è rzi hvondi lì lùwa tɔ̀ mònàmɛ̀ tɔ̀ mɔ̀kɔ nà omà è ambɛ̀lɛ̀lɛ̀ nanù ema, Rzàŋgo wà arzu Yerzù Krirztò à awùlùhwɛ mɔ̀ ŋmìti.

1 Kɔ̀rintìyà 15:43

È nyo ema hwi imelì, e rza ohvi mòlòŋgà ndèŋgàna e rza imbami. Lohwɛ̀ a e hvùmùlɛ̀ tɛ e ɛneya mòlòŋgà mo rzayì-rzayì ndèŋgàna e imbama.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.

1 Tɛ̀rzàlonìyà 4:17

O mburza nanù, irzɔ ema i hwèlì lòŋgɛ o rze yà mɔ̀nyɛ̀, jo ò hwa làta, ndèŋgànɛ̀lɛ̀ jo ò agba o ŋmanyu o tenì ya lìmbàki o lì uŋmànɛlɛ Krirztò o yulùlì. Ndèŋgànɛ̀lɛ̀ nanù ndi jo ò hwɛ na Rzàŋgo natɛ̀ɛ nà ò gbìndèyà.

1 Tìmotì 6:14

gbeyà mamɛ ya arzɛ ema Lohwɛ̀ à mà o òhweyà nanù ema o gbeye, natɛ̀ɛ na e hvonda ema Rzàŋgo wa arzu Yerzù Krirztò e jà.

2 Tìmotì 1:1

Imba Pàwolò ema na hwèlì e àpɔ̀rzìtòlò ya ama Yerzù Krirztò ndi na tilì ini itita. Lohwɛ̀ a arzi nanù ema imba na ohwe ŋmɛ̀ndì mò gbamù lì hvomɛ̀nɛ̀ lìŋgi lòŋgɛ ema a ohwi nanù ema i luwa na oma i hwèlì mòtò mɔ̀kɔ na Yerzù Krirztò.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

1 Yòwanìrzɛ̀ 5:12

Tɔ̀ ima mòtò ema ahvìyànɛ̀lɛ̀yi na è Ŋmanà wà ama Lohwɛ̀, à mà luwa lìŋgi lòŋgɛ, ndèŋgànɛ̀lɛ̀ tɔ̀ njɛnɛ hvɛ ema a rza enje o lì ahvìyànɛ̀ na è Ŋmanà wà ama Lohwɛ̀, a rza o luwa lìŋgi lòŋgɛ.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 22:1

È aŋgèlì rzìi e no uŋmɛ̀lɛ̀ morzo mo malìhwa ema mo gbeyà mòtò a hwɛ lòŋgɛ natɛ̀ɛ na o gbìndèyà, ndèŋgànɛ̀lɛ̀ mo uŋmɛ̀lɛ̀ ndi ŋgɛyi-ŋgɛyi nàa lìyɛni. Maŋga malìhwà ma mà uwɛ̀lɛ̀lɛ̀yi ndi o e konda ya lìkànèyà la ama Lohwɛ̀ na e Ŋgumà ya Mɔ̀lɛ̀ŋgù,

Hwèwulùwèlì 22:14

Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.