Kòlòrzìyà 3:3 - Mokpwe: Bakwery (New Testament)

³ Inyɔ è hwiye nanù ema nà oma Krirztò à ŋwelì è gbèyi ndi nàa inyɔ hvɛ è mà ŋwa.

Kòlòrzìyà 3:3 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Yòwanìrzɛ̀ 14:19

O rza wòwa hvònda hvɛ, e rze e rza ò nò ɛnɛ hvɛ. Ndi inyɔ e nò ɛnɛ. Èhwanja na hwèlì lòŋgɛ, inyɔ hvɛ e ò hwɛ lòŋgɛ.

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Yòwanìrzɛ̀ 4:14

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yòwanìrzɛ̀ 5:21

Nà òma Tatɛ̀ a hvùmùlɛ̀ e wɔ̀ ema hwa ŋwelì lì hwa ŋgba lòŋgɛ, nanù mɛnɛ hvɛ ndi è Ŋmanà wà eni a gba lòŋgɛ ò hwatò ema mɔ̀ à lìŋgàni.

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 5:40

Tɔ nɛ e rza arza lì nò jèeya ò lì lùwa lòŋgɛ là gbìndèyà.

Ròmànì 5:10

È hvònda ema i ma hwɛ hwàkɔ̀ɔ̀yèlì hwa ama Lohwɛ̀, e kpelì ema e ŋmanà wa eni à mà ŋwe è mà gbeyà nanù ema jò òhvɛnɛ màrzèèlì na Lohwɛ̀. Nà òma i ma ukɛ màrzèèlì na Lohwɛ̀ na òma e ŋmanà wa eni a hwèlì ò lòŋgɛ, ò lìrzùkù a ò jò rzùŋgà.

Ròmànì 5:21

O eŋgànɛ̀lɛ̀ rzɔ, na òma wòhwe wò hwɛni e ŋginyà ò lì jànà e kpelì, nanù mɛnɛ ndi e ndèli ya ama Lohwɛ̀ yɔ hvɛ e hwɛni ŋginyà aŋga nanù hwatò hwa ò emeyàlɛhwɛ ò wòrzò wò ama Lohwɛ̀, na lì luwa lòŋgɛ la gbìndèyà, lì akeyà na Yerzù Krirztò, Rzàŋgò wà arzu.

Ròmànì 6:11

Ŋgàna hvɔ̀kɔ hvɛ mɛnɛ inyɔ e hwɛni ndi lì a ɛnɛ inyɔ hwiti hvɛ nàa hwàtò ema hwà mà ŋwɛɛ, aŋga nanù wòhwe wò rza hwɛni lì e kànèyà hvɛ. Ndèŋgana e àŋgàmɛ̀nɛ̀ ndi ò lì a ɛnɛ inyɔ hwiti hvɛ na hwàtò ema hwa hwèlì ò lòŋgɛ na Lohwɛ̀ ò lì akeyà na Yerzù Krirztò.

Ròmànì 6:2

Jàyɛ̀ rzeketɛ nanù. Ì ma màa lì ŋwa ò èŋgànɛ̀lɛ̀ rzɔ i rza hwɛni hvɛ tɔ̀ eyà ò lì gbeyàna wòhwe hvɛ. Mamɛ ndeŋgatɛ je eleyà ò lì gbeyà wòhwe e?

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

1 Kɔ̀rintìyà 15:45

È tìlahwì o kààtì ya Lohwà nanù ema, “È mòtò wa worzò, Adàmu, Lohwɛ̀ à mà mo weka rzi a mo ŋgbaà lòŋgɛ.” Ndi e Adàmu ya lìrzukù e hwèlì ndi èlìŋgɛ̀ ema e ŋgba lòŋgɛ.

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.

2 Kɔ̀rintìyà 5:14

È ndìŋgɛ ya ama Krirztò yɔ ndi e ma wowɛ mèèmà me arzu o lì gbeyà hweyà ema i gbeyà, èhwanja i lòkɛ̀yi nanù ema Krirztò à mà ŋwèeyà hwatò hwa arzɛ. Ène ŋgàna e gbèyi ndi nàa tɔ̀ ima mòtò à mà ŋwa.

2 Kɔ̀rintìyà 5:7

Irzɔ i hwèlì o lòŋgɛ na nyo ja arzu èhwanja i mo lòkɛ̀ ndi rzeketɛ ema i mo ɛnɛ.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Ɛ̀hvìrzìyà 3:9

Lohwɛ̀ à mà nò gbèeyà ò lì tɛ̀lɛ̀lɛ̀ hwatò hwa arzɛ nɛ̀ mɔ̀ à tɛ̀yirzɛlɛlɛyi hweyà hwe eni natɛ̀ɛ nà ò lìrzùkù, ema nàtɛ̀ɛ nà tɔ̀ nàŋgɛ tɔ̀ mòtò à rza hwe rzɔ̀ŋgìtɛ̀nɛ̀. Lohwɛ̀ ema à wèki hweyà hwe arzɛ à rzi uŋmɛ̀lɛ̀ tɔ̀ mòtò hwene hwètɛ̀yirzèlèlì ò hvonda ema è mà aka.

Hvìlipìyà 4:7

È gbèyi tɛ nanù, Lohwɛ̀ a gbeyà e hwɛnɛ ɛ̀yɔ̀lɛ̀. Ène ɛ̀yɔ̀lɛ̀ e olo lì aka mamɛ hwatò hwa tanɛyi lì rzɔ̀ŋgìtɛ̀nɛ̀. Ène ɛ̀yɔ̀lɛ̀ ye e oŋgòhwànà aŋga nanù e rza oka wɔ̀ŋgɔ̀ na lì ohva màlùtèyà ema mà e tàkirzɛ, ehwànja e hwèlì ndi mòtò mɔ̀kɔ na Yerzù Krirztò.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

Kòlòrzìyà 2:20

È hwèlì ndi nàŋgɛ nanù, na oma Krirztò a ŋwelì inyɔ hvɛ e ŋwelì na mɔ̀. O eŋgànɛ̀lɛ̀ rzɔ, inyɔ e rza enje o rze ya e mbenda ya e rze ya mɔ̀nyɛ̀ hvɛ. Mamɛ rzɔ ndeŋgàtɛ inyɔ e hwèlì e oŋgama ndi iŋgi mbenda hvɛ o a ɛnɛ o ma e rze e hwèlì ye e kànèyà nanù mɛnɛ e?

Kòlòrzìyà 2:3

Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

1 Pètrò 3:4

Ndi hwe e hwiye ndi o mòlòŋgà ema mo uwɛ̀lɛ̀lɛ̀yi ndi o tenì ya anyu moŋgo mòlòŋgà mo rza àyèŋgòwɛ̀ ehwànja mo uwɛ̀lɛ̀lɛ̀yi ndi o èlìŋgɛ̀ ema e arzihwirzɛ na lì hwɛ hviyayi. Moŋgo mòlòŋgà mɔ̀ ndi Lohwɛ̀ a ɛnɛ nanù ema mo hwèlì wòlìto.

1 Pètrò 4:2

O ene ŋgànà rzɔ, lì wòteyà naŋgɛ lòŋgɛ la anyu la ene rze lì hwɛni ndi lì hwɛ na oma Lohwɛ̀ àrzeyà rzeketɛ ema hweyà hwe rze hwe a e kànèyà.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”