Kòlòrzìyà 3:25 - Mokpwe: Bakwery (New Testament)

²⁵ Lohwɛ̀ à ò kɔ̀kìrzɛ̀ tɔ̀ ima mòtò ema à gbèyi wòhwe ò wòhwe ema oŋgo mòtò à gbèyi. Lohwɛ̀ à kàyìrzɛ tɔ̀ ima mòtò nyayi hvɔ̀kɔ, à rza ò tìmbanà tɔ̀ mòtò mburzà.

Kòlòrzìyà 3:25 Mawu Ofanana

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Lukàrzɛ̀ 20:21

Hwàŋga hwàrzɔ̀yèlì rzìi hwa òhweyà Yerzù nanù ema, “Ìi mòòkòlèlì ì hwi nanù ema màmɛ ya àrzɛ ema ò òhwa nà lì òkòlɛ̀ e hvòmɛ̀nɛ̀yi. Ndèŋgànɛ̀lɛ̀ ò wà ò rza uŋmɛ̀lɛ̀ ndandò. Ò wà ò òkòlɛ̀ hwatò hweyà hwe Lohwɛ̀ ema hwe hvòmɛ̀nɛ̀.

Hwègbèèlì 10:34

Pètrò rzìi a wòteyà lì òhwa nanù ema, “Nà ma ayembɛ na e jɔ̀kɛ̀ naŋgɛ nanù ema, Lohwɛ̀ a rza uŋmɛ̀lɛ̀ ndandò.

Ròmànì 2:11

È hwi nanù ema Lohwɛ̀ a rza gbeyà ndandò.

2 Kɔ̀rintìyà 5:10

O èŋgànɛ̀lɛ̀ rzɔ, tɔ̀ ima mɔ̀kɔ hwa arzu na ɔ̀nɛyi a o tɛ̀mɛ̀ o hwèkàyìrzèlèlì o worzo wo ama Yerzù Krirztò o wùnyà ema a o kàyìrzɛ̀ hwatò hwa arzɛ o lì hvomɛ̀nɛ̀ hweyà ema tɔ̀ ima mòtò à mà gbèyi e hvonda ema à mà hwɛ o rze ya mɔ̀nyɛ̀. Tɔ̀ ima mòtò a o luwa etaŋgi lì hvomɛ̀nɛ̀ mamɛ ya arzɛ ema à mà gbeye o rze.

Ɛ̀hvìrzìyà 6:8

È hwiye nanù ema è Rzàŋgo è jò rzàweyà ndi ò tɔ̀ ima èwòlò yà gbamù ema i mà gbèèyɛ̀. I hwɛ hwàkòmì tɔ̀ wònja.

Ɛ̀hvìrzìyà 6:9

Inyɔ hwatò ema è ohvi hwàkòmì è ɔŋgeya hwàkòmì hwa anyu gbamù. È rzìi hwa kàkɛ̀nɛ̀ nanù ema hwa ò taka. È hwiye nanù ema inyɔ nà wɔ̀ hwa arzɛ è hwèlì ndi ò rze yà è mbenda. È mɔ̀ ema mɔ̀ mɛnɛ ndi à hwèlì ò ŋmanyu yà Lohwà, ndèŋgàna mɔ̀ à rza tìmbana tɔ̀ mòtò mburzà.

Kòlòrzìyà 4:1

Inyɔ hwatò ema e hwɛ̀ni hwàkòmì, e ohve hwàkòmì hwa anyu nà oma Lohwɛ̀ a àrzeyà, ndèŋgànɛlɛ e hwa ohve gbamù. È hwiye nanù ema inyɔ hvɛ e hwɛni mòtò o ŋmanyu yà lohwà ema inyɔ hvɛ e hwèlì o rze ya eni.

1 Tɛ̀rzàlonìyà 4:6

O ene eyà rzɔ, tɔ̀ mòtò a rza àŋgàmɛ̀nɛ̀ o lì tònana ŋmanyàŋgò wa eni tɔ̀ o lì mo wowàna yòoma ya eni. I ma loma lì e ohweyà hwene hweyà, ndèŋgànɛ̀lɛ̀ i ma e kòkòwɛ̀lɛ̀ towotowo nanù ema Lohwɛ̀ a kɔ̀kìrzɛ̀ hwatò ema hwa gbeyà nanù.

2 Tɛ̀rzàlonìyà 1:6

Lohwɛ̀ à gbeyà hweyà nyayi ema e hvomɛ̀nɛ̀. Hwàto ema hwe e gbeyà ema è akeyà ò tenì yà mètàkà, Lohwɛ̀ à hwa jàneyà wɔ̀ hvɛ mètàkà.

Hvìlɛ̀mɔ̀nì 1:18

À mà ò gbeyà tɛ wòhwe tɔ̀ wɔ̀kɔ, tɔ̀ à ò òhvana ndi lìyɛ̀mɛ̀, imba nà ò rzàhweyà.

Hibrù 2:2

Hweyà ema Lohwɛ̀ à mà ohweyà i aŋgèlì nanù ema hwa ohweyà imbamba ja arzu hwe ma hwɛnɛ màyìmbi. Hwàto hwa arzɛ ema hwa rzi oŋgamɛ hweŋge hweyà, ndèŋgànɛ̀lɛ̀ ema hwa rzi gbeyɛ na oma hweŋge hweyà hwe ma ohwahwɛlɛ, hwa o luwa e kɔ̀kìrzɛ̀ ema hwa àŋgàmɛ̀nɛ̀yi lì luwa.

1 Pètrò 1:17

Lohwɛ̀ a kàyìrzɛ̀ hwatò hwa arzɛ nyayi hvɔ̀kɔ, mo a rza timbana tɔ mòtò mburza. Ndèŋgànɛ̀lɛ̀, inyɔ e mo kànɛ tɛ, e a mo hwɛlɛ nanù ema Tatɛ̀. O èŋgànɛ̀lɛ̀ rzɔ e ohve wɔ̀ɔ̀ŋgɔ̀ wa ama Lohwɛ̀ o tenì ya mòŋgɛ ma anyu ma arzɛ o tenì ya ene rze, ema inyɔ e hwèlì ndi hwàyɛ̀nì.

Judɛ 1:16

Hwanù hwatò hwa lìyelì ndi ò lì arzàrzòwɛ ndeŋgànɛlɛ hwa hwɛlɛ hwahvɛhvɛ hwatò. Hwa oŋgama è nyɔ̀ŋgì yà awu yà wòhwe, hwa à èkìrzɛ̀, nà lì ohwàna jɛ̀ɛ̀mɛ̀ ema ì tɛ̀ɛ̀ aŋga nanù hwa luwànà hwatò hwèèmà.