Kòlòrzìyà 3:2 - Mokpwe: Bakwery (New Testament)

² È ika mèèmà mè anyu ò hwèmà ema hwe hwèlì ò ŋmanyu yà lohwà, è rzi ika mèèmà mè anyu ò hwèmà hwe rze yà mɔ̀nyɛ̀.

Kòlòrzìyà 3:2 Mawu Ofanana

Matiyò 16:23

Yerzù à mà ayèŋgòwɛ̀ rzìi a òhwàna Pètrò nànù ema, “O nò anjiya ò wòrzò wa ami Mòkarzɛ̀! Mamɛ ndeŋgatɛ ònò keka ò lì gbeyà hweyà ema Lohwɛ̀ a lùteyà e? O òhwa ndi nanù na màlùtèyà ma mòtò wa hwènàmà rzeketɛ màlùtèyà ma ama Lohwɛ̀.”

Matiyò 6:19

“È rzi keka lì awutɛlɛ mònàmɛ̀ anù rze yà mɔ̀nyɛ̀, èki ema lìrziyɛyi nà màaŋgàaŋgò mà hvaŋga hwèèmà, ema hwayihwɛ hwa ò gbɛɛ è ndawò ò lì kpèeyà lì ihwa.

Lukàrzɛ̀ 12:15

Yerzù rzìi a hwa òhweyà hwa àrzɛ̀ nanù ema, “È aŋgòwè! È rzì ika mèèmà me anyu ò èrzàŋgò jɔ̀ɔjɔ̀ɔ èhwanja rzèkɛtɛ èrzàŋgò ya rzayì-rzayì ema mòtò a hwɛnì ndi e mò ŋgbà lòŋgɛ.”

Lukàrzɛ̀ 16:11

Ò wà ò rza tanɛ̀yi tɛ ò lì ɔ̀ŋgeyà mònàmɛ̀ mò ène rze gbamù, njɛnɛ rzɔ naŋgɛ à ò ŋgbà mònàmɛ̀ mò jɔ̀kɛ̀ e?

Hvìlipìyà 1:23

Hwene hweyà hweahwakɛ hwe no tɛmelì o worzo, ndèŋgànɛ̀lɛ̀ e no ambani o lì hwiya e yɔ ema na hvɔ̀rzɔ̀. Nà lìŋgàni lì o hwɛmɛ lìni lòŋgɛ rzìi na hwɛ na Krirztò, ehwànja eŋge eyà e lɔ̀wu lì aka lì hwɛ anu rze.

Kòlòrzìyà 3:1

È hwèlì ndi nàŋgɛ nàa, Lohwɛ̀ à hvùmùlɛ̀ Krirztò, à mà è hvùmùlɛ̀ inyɔ hvɛ. Ò eŋgànɛlɛ rzɔ, è hwɛnɛ è nyɔ̀ŋgi yà hwèèmà hwe è ŋmanyu yà lohwà, èki ema Krirztò à hwèlì à kànèyà ò lìya là momɛ̀ yà ama Lohwɛ̀.

Kòlòrzìyà 3:5

O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.