Kòlòrzìyà 3:1 - Mokpwe: Bakwery (New Testament)

¹ È hwèlì ndi nàŋgɛ nàa, Lohwɛ̀ à hvùmùlɛ̀ Krirztò, à mà è hvùmùlɛ̀ inyɔ hvɛ. Ò eŋgànɛlɛ rzɔ, è hwɛnɛ è nyɔ̀ŋgi yà hwèèmà hwe è ŋmanyu yà lohwà, èki ema Krirztò à hwèlì à kànèyà ò lìya là momɛ̀ yà ama Lohwɛ̀.

Kòlòrzìyà 3:1 Mawu Ofanana

Matiyò 22:44

‘Rzàŋgò Lohwà à mà òhweyà Rzàŋgò ya ami ema, Lìya ò lìyà la ami la mòme, natɛ̀ɛ na e hvònda ema na gbeyà ema ò làale hwakɔ̀èlì hwa aŋgɔ̀ na matàŋgà ma aŋgɔ̀.’

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Matiyò 6:20

Ndi è ute mònàmɛ̀ mò anyu ò ŋmanyu yà lohwà. Èki ema lìrzìyɛ̀ nà màaŋgàaŋgò mà rza ò hvaŋgɛ hwèèmà. Ndèŋganɛlɛ hvɛ, hwàyihwɛ̀ hwa rza tànɛ lì gba e ndawò ò lì hwe ihwa.

Matiyò 6:33

Ndi è lòmè lì arza hweyà hwe lìkànèyà là ama Lohwɛ̀ lì aka hweyà hwe arzɛ. Ndèŋgana è gbèèyè hvɛ mamɛ ema Lohwɛ̀ à arza nanù ema è gbèèyè. È gbèyi tɛ nanù, Lohwɛ̀ à è ŋgbà hwenɛyi hwèmà hwe arzɛ.

Makòrzì 12:36

Dàhwitì mɔ̀ ŋmìti, Èlìŋgɛ̀ yà Wòtani e mà mò kpèeyà rzìi a òhwa nanù ema, ‘È Rzàŋgò Lohwɛ̀ à mà òhweyà e Rzàŋgò wa ami ama, Lìyà ò lìya la ami la mòme, natɛ̀ɛ na e hvònda ema na gbeyà ò laala hwakɔ̀èlì hwa aŋgɔ̀ na mataŋgà mà aŋgɔ̀.’

Makòrzì 14:62

Yerzù rzìi à òhwa nanù ema, “Imba ndi nà hwèlì. Ndì o ò ɛnɛ è Ŋmanà wà è Mòtò wà Hwènàmà a lìyayi ò lìya là mòmɛ̀ lì ama Lohwà lì Karzami. O ò mò ɛnɛ à jà ò lìmbàki ema lì uwɛ̀lɛ̀lɛ̀yi ò ŋmanyu yà Lohwà.”

Makòrzì 16:19

Ò mburzà hvònda ema Rzàŋgò Yerzù à mà hwa òhweyà hwenè hweyà, rzìi Lohwɛ̀ à mò gbeyà à kòòhwà ò ŋmanyu yà Lohwà. À mà lìyà ò lìya là mòmɛ̀ là ama Lohwɛ̀.

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 20:42

Rzeke Kiŋgɛ Dàhwitì, ŋmitɛ-ŋmitɛ, à òhwi ò tenì ya e kaàtì yà Mɛ̀rzɔ̀kɔ̀ nanù ema, ‘Rzàŋgò Lohwɛ̀ a òhwèlì Rzàŋgò wa ami nanù ema, Lìya ò èhvàrzù ya ami yà lìya là mòmɛ̀,

Lukàrzɛ̀ 22:69

Ndi è hvònda è mà ukà, ema è Ŋmanà wà è mòtò wà Hwènàma, à lìya ò lìya là mòmɛ̀ là ama Lohwɛ̀ là Ŋginyà.”

Hwègbèèlì 2:34

Irzɔ i hwi nanù ema, Dàhwitì mɔ̀ ŋmìti a rzi agbe ò ŋmanyu yà lohwà ndi tɔ̀ nanù, mɔ̀ à mà òhwa nanù ema, ‘Rzàŋgò Lohwɛ̀ à mà òhweyà e Rzàŋgò ya ami nanù ema, Lììyà ò lìya la ami la mòmɛ̀,

Hwègbèèlì 7:55

Ndi kanatɛ Rzìtehvànɛ à mà ònde nà Èlìŋgɛ̀ yà Wòtani, à mà ɔŋgɔ̀ ò ŋmanyu yà lohwà, rzi à ɛnɛ ŋmàye mò òma Lohwɛ̀, nà Yerzù ema à tɛ̀mì ò ehvàrzu yà lìya là mòmɛ̀ là ama Lohwɛ̀.

Ròmànì 8:34

Njɛnɛ rzɔ à tànɛyi lì òhwa nanù ema ì tùu ŋmaŋgò e? Yerzù Krirztò à mà ŋwa, à hvùmùwà, rzi à lìya ò èhvàrzù yà lìya là mòmɛ̀ là ama Lohwɛ̀, ndèŋgàna aŋga ndi mɔ̀ à hwèlì à jò kanɛ̀lɛ̀lɛ̀.

Ròmànì 8:6

Mòtò a ika tɛ ŋmèma mò eni ò hwema hwe e nyàmà nyò nanù òma a hwɛni lì ŋwa. Ndi mòtò a ika tɛ ŋmèma mò eni ò hweyà hwe Èlìŋgɛ̀ nanù òma Lohwɛ̀ a mò ŋgba lòŋgɛ la gbìndèyà na ɛ̀yɔ̀lɛ̀.

2 Kɔ̀rintìyà 4:18

Ɔ̀ndeŋgàtɛ̀ irzɔ i rza ɛnɛ mene mètàkà ema i luwa nàŋgɛ na tɔ̀ eyà. Ndi i ma ika mèèmà me arzu o hwèèmà ema Lohwɛ̀ à mà jo ùteyà, tɔ̀ nɛ i rzi hwe ɛni na mìirzɔ̀ ma arzu. Hweema ema i ɛnɛ nàŋgɛ, hwe hwèlì ndi o ŋmana hvoka wa hvonda, ndi hweŋge hwèèmà ema i rza tànɛyi o lì ɛnɛ nàŋgɛ, hwe o hwɛ natɛ̀ɛ nà ò gbìndèyà.

Ɛ̀hvìrzìyà 4:10

È mɔ̀ ema à mà jà o e rze, mɔ̀ mɛnɛ hvɛ ndi à mà ɛndɛ o èki ema e kàrzàmi lì aka weki hwe arzɛ. A ma ɛndɛ o ŋmanyu, aŋga nanù hweyà hwe arzɛ hwe ondìrzɛ̀hwɛ.

Ɛ̀hvìrzìyà 5:22

Inyɔ ijòjìyɛ̀, e arzìhwìrzɛ̀lɛ̀lɛ̀ mèjòmɛ̀ me anyu, ŋgànà hvɔ̀kɔ nà omà o hweyànà Rzàŋgo.

Kòlòrzìyà 2:20

È hwèlì ndi nàŋgɛ nanù, na oma Krirztò a ŋwelì inyɔ hvɛ e ŋwelì na mɔ̀. O eŋgànɛ̀lɛ̀ rzɔ, inyɔ e rza enje o rze ya e mbenda ya e rze ya mɔ̀nyɛ̀ hvɛ. Mamɛ rzɔ ndeŋgàtɛ inyɔ e hwèlì e oŋgama ndi iŋgi mbenda hvɛ o a ɛnɛ o ma e rze e hwèlì ye e kànèyà nanù mɛnɛ e?

Kòlòrzìyà 3:2

È ika mèèmà mè anyu ò hwèmà ema hwe hwèlì ò ŋmanyu yà lohwà, è rzi ika mèèmà mè anyu ò hwèmà hwe rze yà mɔ̀nyɛ̀.

Hibrù 1:13

Lohwɛ̀ a rzi ohweyà tɔ̀ aŋgèlì tɔ̀ hvɔ̀kɔ nanù ema, “Liya anù o mɔ̀ɔ mo ami mo mome natɛ̀ɛ na e hvonda ema na gbeyà rzìi o yàaya hwàkɔ̀yèlì hwa aŋgɔ na matàŋgà mà aŋgɔ.”

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 10:12

Ndi Krirztò mɔ̀ ŋmìti à mà ŋgbà màahweyà mɔ̀kɔ ema mà hwɛni e ŋginyà o lì ulɛ wòhwe wo hwatò ŋgèlì hvɔ̀kɔ o i ŋgèlì ja arzɛ. O mburza nanù rzìi a lìya o lìya la mome la ama Lohwɛ̀.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 8:1

jànda jà mamɛ ema jò òhwa i hwèlì ndi nanù ema, jo òhvi ene tumba ya Pìlìrzì e Karzami ema, e lìyayi o èhvarzù ya lìya la mòmɛ̀ la e konda ya Lohwà lì karzami, o ŋmanyu yà lohwà.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.