Kòlòrzìyà 2:7 - Mokpwe: Bakwery (New Testament)

⁷ Nà oma o lòkɛ̀ hweyà ema hwanu hwà-òkòlèlì hwa e okòlɛ, hwene hweyà hwe hwèlì ndi e jɔ̀kɛ̀. Ndeŋgànɛ̀lɛ̀ e a ŋgbàà Lohwɛ̀ jeka o hweyà hwe arzɛ o ihvonda ja arzɛ.

Kòlòrzìyà 2:7 Mawu Ofanana

Lukàrzɛ̀ 6:48

À hwèlì ndi nàa mòtò ema a òŋgà wòòŋgì. Èma a rzɔ̀ŋgɛ̀lɛ̀yi mawòndì ò mɔ̀nyɛ̀, ema mɔnɔ̀ŋgɔ̀ mò eni mò tɛmi ò ŋmanyu yà èwòmà ya lìŋyàyi. È hvònda ema è mbuwà e mà yɔ, è tɔ̀ndɛ̀ ema ɔ̀ndɔ̀, e lìhwa èŋge ndawò nà ŋginyà ndi è rzi tànɛyi lì wùulɛ èŋge ndawò, èhwanja è mà òŋgàhwa gbamù.

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

2 Kɔ̀rintìyà 1:21

Lohwɛ̀ mɔ̀ ndi à gbèyi irzɔ na inyɔ i lòkɛ̀ Krirztò. Lohwɛ̀ a ɔ̀kirzɛ̀ irzɔ hwa arzɛ o lì hwɛ na Krirztò.

Ɛ̀hvìrzìyà 3:17

Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.

Ɛ̀hvìrzìyà 4:21

Nà hwi nanù ema e ma hweya hweyà hwe jɔ̀kɛ̀ lì hvomɛ̀nɛ̀ Krirztò. Nà oma e ma hwɛ mòtò mɔ̀kɔ na mɔ̀, hwà mà e ohweyà hweyà o lì mo hvomɛ̀nɛ̀.

Ɛ̀hvìrzìyà 5:20

È eke Lohwɛ̀ Tatɛ̀ yà arzu ò ihvonda ja arzɛ ò tɔ̀ mamɛ ema è hwɛni lì gbèyɛ̀nɛ. È mò eke ò lìinà là ama Rzàŋgo yà àrzu Yerzù Krirztò.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.

1 Tɛ̀rzàlonìyà 5:18

O tɔ̀ ima eyà ema ye e gbeeyɛnɛ, e ŋgbe Lohwɛ̀ jekà, ehwànja lì emeyà la ama Lohwɛ̀ lìini o inyɔ ema e hwèlì mɔ̀kɔ na Yerzù Krirztò.

2 Tɛ̀rzàlonìyà 2:17

Inyɛ̀ à yè etìrzɛ mèèmà mè anyu, ndèŋgànɛlɛ inyɛ à yè ètìrzɛ̀ ò ihvonda jà arzɛ ò lì gbeyà nà lì ohwa hweyà hwe gbamù.

Hibrù 13:15

Inyɛ̀ ì kanɛ̀ Lohwɛ̀ nanù mɛnɛ, lì akeyà nà Yerzù. Inyɛ̀ lì kanɛ̀ la arzu lì hwɛ nàa jàhwèyà ema i ŋgbà Lohwɛ̀. Inyɛ̀ je ɛndɛ rzìi ja a ohwa nanù ema mɔ̀ ndi à hwèlì e Rzàŋgo.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.

Judɛ 1:12

Hwàŋga hwatò hwa rza ohvi irzɔ̀ni, ò eŋgànɛlɛ rzɔ̀, inyɔ nà wɔ̀ è arzàŋgànɛ tɛ ò lì laa mòlelì, ò lì uŋmɛ̀lɛ̀ è ndìŋgɛ yà ama è Rzàŋgo, wɔ̀ hwa hwɛ ndi nàa mbindo ò ìtììtènì jà anyu. Hwa àlùtàneyà ndi wɔ̀ hwiti. Hwa gbeì ndi nàa lìmbàki ema è mbɛ̀hvɛni è uŋgɛ̀lɛ ò lì uŋmɛ̀lɛ̀ nanù ema o ò yɔ̀ɔ̀ mbuwà ema è rza ò yɔ̀ɔ̀. Hwa gbèyi ndi nàa mayi ema mà rza ŋya hwehvùma tɔ̀ ò è hvonda ema màyi mà ŋya hwehvùma. Hwà mà màa ndi lì ŋwa nàa mayi ema mà wuŋguwahwi nà meyàŋga.

Judɛ 1:20

Ndi imbùnda jà ami kòkò, inyɛ lìlòkɛ̀ là wòtani ema è hwɛni lì hwɛ ndi ò lì ɔŋgɔ ò tenì yà anyu lì ɛndɛ ò worzo. È kànɛ nanù ema è ŋginyà yà Èlìŋgɛ̀ yà Wòtani yè è timbe.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.