Kòlòrzìyà 2:4 - Mokpwe: Bakwery (New Testament)

⁴ Nà e ohweyà ene eyà aŋga nanù, tɔ mòtò tɔ̀ mɔ̀kɔ a rzi keka o lì e lukɛlɛ na mbùnakɛ̀ ya mòlaŋgà ema e o lùtèyà nanù ema eyà ema mɔ̀ à e ohweyà e hwèlì ndi e jɔ̀kɛ̀.

Kòlòrzìyà 2:4 Mawu Ofanana

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 24:4

Yerzù rzìi a hwà alàhwɛ̀ nanù ema, “È aŋgòwa mòtò a rzì e lukɛlɛ.

Makòrzì 13:22

Rzayì-rzayì ja hwatò hwa ò ja, tɔ̀ ima mɔ̀ à ò kɔ hweyà nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi. Rzìi hwà-òhwèlì hwa hwèlìŋgɛ̀ hwa mèlàŋgà wɔ̀ hvɛ hwa ò wurza. Hwa ò gbeyà hweyà hwe mànyaka na lì uŋmɛ̀lɛ̀ hwèèmbànèlì hwe nyàyì na nyàyì. Hwa ò gbeyà nanù ò lì arza nanù ema hwa lùkɛlɛ hwaŋga ema Lohwɛ̀ à mà lòme lì hvɔ̀rzɔ̀, hwa lù tɛ hvèyò yà lì hwa lùkɛ̀lɛ.

Hwègbèèlì 20:30

O ò jà hvònda ema hwatò hwa ò uwɛ̀lɛ̀lɛ̀yi ò ìtììtènì ja anyu, ema hwa ò rzɛŋgɛnɛ hweyà hwe lì kɔ, aŋga nanù hwatò ema hwa lòkɛ̀ Yerzù hwa ò hwa òŋgama.

1 Kɔ̀rintìyà 2:4

Nà oma nà mà hwɛ lì e okolɛ̀, na lì ohweyà Ŋmɛ̀ndì mò Gbamù, ŋmɛ̀ndì nà mà hwɛ lì e ohweyà, mo rzi ohve tɔ̀ mbɔrzi ya lìhwiyè lì ndɛnɛ. Ndi na oma nà mà hwɛ lì e ohweyà Ŋmɛ̀ndì mò Gbamù, hweyà ema nà mà hwɛ lì ohwa, hwe uŋmɛ̀lɛ̀ ema e ŋginyà ya Èlìŋgɛ̀ yà Wòtani ema hwɛ na imba.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

Ɛ̀hvìrzìyà 4:17

O lìinà la ama Rzàŋgo, na e kòkòwɛ̀lɛ̀ kɔ̀yi-kɔ̀yi nanù ema e rzi lìya lòŋgɛ nàa hwatò ema hwa rza hwiyɛ̀ɛ Lohwɛ̀. Hweya ema hwa lùtèyà hwe hwèlì ndi hweyà ema hwe rza hwɛnɛ wòlìto ndeŋgànɛ̀lɛ̀ hwene hweyà hwe rza tànɛyi lì hwa oŋgowàna.

Ɛ̀hvìrzìyà 5:6

Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

Kòlòrzìyà 2:18

È rzi keka o lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì arzìirzɛ. Ndeŋgànɛ̀lɛ̀ e rzi keka lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì kànɛ i aŋgèlì nàa oma mɔ̀ à ji kànɛ. Inyɔ e gbèyi tɛ nanù e wɔ̀lɛnɛ jàhwèyà ema Lohwɛ̀ a ohwi nanù ema a e ŋgba. Tɔ̀ njɛnɛ ema a okòlɛ nanù, a ohwa ndi nanù ema a ɛni jɛ̀nɛ̀ni. Èŋge tumba mòtò e ohvi ndi kumba ya ŋgundu na hweyà hwe wòhwe ema hwe wurza o ŋmèma mo eni, a rza ohvi tɔ̀ lìtiŋga o lì uŋmɛ̀lɛ̀.

Kòlòrzìyà 2:8

È rzi emeyà nanù ema tɔ̀ mòtò a e wowe nàa hwàkòmì o lì oŋgama hwèyòkòlèlì hwe ŋgundu hwe mòlaŋgà ema hwa e okolɛ. Hwèokòlèlì ema hwa e okolɛ hwe hwèlì ndi hwèyòkòlèlì ema hwà mà wowane imbamba ja awu, ndèŋgànɛ̀lɛ̀ hweŋge hwèyòkòlèlì hwe oŋgama ndi imbenda ja hwèèmà hwe e rze ya mɔ̀nyɛ̀. Hweŋge hwèyòkòlèlì hwe uwɛ̀lɛ̀lɛ̀yi ndi o hwatò hwa hwènàmà hwa hvɔ̀rzɔ̀ rzeketɛ o ma Krirztò.

2 Tìmotì 2:16

O rzɔnjɛ̀lɛ̀ imbɔrzi ja arzɛ ja èèti na mbɔrzi ema i rza ohvɛ wòlìto, èhwanja hwatò hwa ohwa tɛ iŋgi tumba ja mbɔrzi eŋge e hwa gbeyà ndi o lì gbeyà hweyà ema Lohwɛ̀ a rza arza nanù ema hwa gbeye.

2 Tìmotì 3:13

Ndi hwatò hwa wòhwe na hwatò hwa menito, hwa o ɛndɛ ndi o worzo ò lì gbeyà hweyà hwe wòhwe, o lì lukɛlɛ hwatò, ndèŋgàna hwahvɛhvɛ hwa o hwa lukɛlɛ.

1 Yòwanìrzɛ̀ 2:18

Inyɔ ema è hwèlì nàa hwàànà hwa ami, è hvonda yà lìrzùkù è mà kombɛnɛ. Ndèŋgàna, nà oma inyɔ è mà hwèyɛ nanù ema è Mɔ̀kɔ̀yèlì wà ama Krirztò à ò jà, tɔ̀ ò naŋgɛ, rzayi-rzayi jà hwàkɔ̀ɔ̀yèlì hwa ama Krirztò hwa mà màà lì jà. Ò eŋgànɛ̀lɛ̀, è hwiyè nanù ema è hvonda lìrzùkù è mà kombɛ̀nɛ̀.

1 Yòwanìrzɛ̀ 2:26

Imba nà è tìleya ndi hwene hweyà ò lì hvomɛ̀nɛ̀ hwaŋga hwatò ema hwa arza lì è lùkɛ̀lɛ̀.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.

Hwèwulùwèlì 20:3

È aŋgèlì rzi è mò aŋgba ò tènì yà ehvɔ̀ndi ema è rza ohvɛ lìrzùkù. Rzìi e umba a e jeka o ŋmanyu ya eni o lì mo tɛ̀mìrzɛ̀ nanù ema a rza lukɛlɛ hwatò hwa e rze ya mɔ̀nyɛ̀ hvɛ, natɛ̀ɛ ikolì ja meya jo o kuwa. O mburzà nanù a àŋgàmɛ̀nɛ̀yi lì rzolowahwa o ŋmanà hvoka ya hvonda.

Hwèwulùwèlì 20:8

Mɔ̀ a rzolowahwi tɛ o hwèwòwà, a o ɛndɛ o injuka ja aniyɛ ja e rze ya mɔ̀nyɛ̀, o lì lukɛlɛ hwatò hwa arzɛ ema hwa hwèlì o e rze ya mɔ̀nyɛ̀. Ini njuka ja aniyɛ ja e rze ya mɔ̀nyɛ̀ i hwèlì ndi Gɔ̀gi na Magɔ̀gi. Mòkarzɛ̀ a hwa rzaŋga wɔ̀ hwa arzɛ èki yɔ̀kɔ o njùma. Ndeŋgànɛlɛ hwa o koka ndi nàa e nyàŋga ema e hwèlì o rzàawà ya ŋmànja.