Kòlòrzìyà 2:23 - Mokpwe: Bakwery (New Testament)

²³ Iŋgi mbenda je ɛneya ndi nàa o a ɛnɛ oma jo òhvi lìhwiyè rzàyi-rzàyi o tenì ya awu, ehwànja jo òkolɛ hwatò nanù ema wɔ̀ hwiti hwa hwɛni lì hwɛnɛ mèèmà me lì gbeyà hweyà ema hwe ambi, o lì uŋmɛ̀lɛ̀ na e jɔ̀kɛ̀ nanù ema wɔ̀ hwa oŋgama Lohwɛ̀. Iŋgi mbenda jo òkolɛ hwatò nanù ema hwa arzìirzɛ̀ wɔ̀ hwiti, rzìi hwa a ikɛ inyo ja awu o lì atàkìrzɛ̀ la jɔ̀kɛ̀. Ndi tɔ̀ e hwɛ ndi nanù ema hwatò hwa ikayi iŋgi mbenda, iŋgi mbenda i rza tànɛyi lì hwa oŋgowàna ema hwa rza ohva màlùtèyà ma wòhwe.

Kòlòrzìyà 2:23 Mawu Ofanana

Ròmànì 13:14

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

Ɛ̀hvìrzìyà 5:29

O rzà ènje tɔ̀ mɔ̀kɔ hwà àrzu ema à kɔ̀wu è nyo yà èni. Ndi a e lìrzɛ̀ na lì e womba. Molemilemi nà omà Krirztò a gbeyàna la arzàŋganɛ la eni la hwatò hwa Lohwà.

Kòlòrzìyà 2:18

È rzi keka o lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì arzìirzɛ. Ndeŋgànɛ̀lɛ̀ e rzi keka lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì kànɛ i aŋgèlì nàa oma mɔ̀ à ji kànɛ. Inyɔ e gbèyi tɛ nanù e wɔ̀lɛnɛ jàhwèyà ema Lohwɛ̀ a ohwi nanù ema a e ŋgba. Tɔ̀ njɛnɛ ema a okòlɛ nanù, a ohwa ndi nanù ema a ɛni jɛ̀nɛ̀ni. Èŋge tumba mòtò e ohvi ndi kumba ya ŋgundu na hweyà hwe wòhwe ema hwe wurza o ŋmèma mo eni, a rza ohvi tɔ̀ lìtiŋga o lì uŋmɛ̀lɛ̀.

Kòlòrzìyà 2:22

Iŋgi mbenda ja arzɛ ja ɛnɛ hweyà ema hwe rza enje tɔ̀ eyà hvɛ e hwèlì tɛ nanù ema mòtò à mà loma lì hwe gbeyàna. Iŋgi mbenda i hwèlì ndi mbenda na hwèyòkòlèlì ema hwatò hwa hwènàmà hwà mà wondɛ̀ na mahwiye ma awu.

Kòlòrzìyà 2:8

È rzi emeyà nanù ema tɔ̀ mòtò a e wowe nàa hwàkòmì o lì oŋgama hwèyòkòlèlì hwe ŋgundu hwe mòlaŋgà ema hwa e okolɛ. Hwèokòlèlì ema hwa e okolɛ hwe hwèlì ndi hwèyòkòlèlì ema hwà mà wowane imbamba ja awu, ndèŋgànɛ̀lɛ̀ hweŋge hwèyòkòlèlì hwe oŋgama ndi imbenda ja hwèèmà hwe e rze ya mɔ̀nyɛ̀. Hweŋge hwèyòkòlèlì hwe uwɛ̀lɛ̀lɛ̀yi ndi o hwatò hwa hwènàmà hwa hvɔ̀rzɔ̀ rzeketɛ o ma Krirztò.

1 Tìmotì 4:3

Hwanu hwà-òkòlèlì hwa mòlàŋga wɔ̀ hwa okolɛ hwatò nanù ema hwa rzi keka lì hwaa. Ndeŋgànɛ̀lɛ̀ hvɛ ema hwatò hwa rzi laa tumba ja melelì. Lohwɛ̀ à mà weka ndi meŋge melelì nanù ema hwatò hwa me lee. Ndi hwaŋga ema hwa hwi ŋmɛ̀ndì mò gbamù, hwa mo lòkɛ̀yi na lì eka Lohwɛ̀ o meŋge melelì.

1 Tìmotì 4:8

O hwèlì ndi eyà ya gbamù o lì okolɛ e nyàmà ya nyo ya eni o lì eta. Ndi o lɔ̀wu rzayi-rzayi nanù ema mòtò a atàkìrzɛ̀ tɛ o lì gbeyà tɔ̀ ima eyà na oma Lohwɛ̀ a àrzeyà. Inyɛ̀ i gbèyi na oma Lohwɛ̀ a arza èhwanja Lohwɛ̀ à mà ohwa nanù ema a jo ŋgba lòŋgɛ ema lì rza hwɛnɛ lìrzùkù nàŋgɛ na o e hvonda ema e o jɛ̀ɛ̀.