Kòlòrzìyà 2:2 - Mokpwe: Bakwery (New Testament)

² Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

Kòlòrzìyà 2:2 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Lukàrzɛ̀ 1:1

Ìi Tìyòhvilɔ̀rzì: Mòtò wà èluhwe, rzayì-rzayì ja hwatò hwa mà lìya ò lì tìla mɔ̀nɔ̀ŋgèlì mò hweyà ema hwe ma gbeyɛ̀nɛ ò ìtììtènì ja àrzu.

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 10:38

Ndi imba na e gbèyi tɛ, e hwɛni lì lòkɛ̀ èwòlò ya eni tɔ̀ e hwɛ ndi nanù ema e rza nò lòkɛ̀. Aŋga nanù inyɔ e hwɛni lì lòkɛ̀ na lì hwiya na lì rzɔ̀ŋgìtɛ̀nɛ̀ ŋgelì hvɔ̀kɔ ò i ŋgelì ja arzɛ nanù ema Tatɛ̀ a hwèlì ò tenì ya ami ndèŋgàna imbahvɛ na hwèlì ò tenì ya eni ò ŋgelì ja arzɛ.”

Yòwanìrzɛ̀ 16:15

Tɔ̀ mamɛ ya arzɛ ema Tatɛ̀ wa ami a òhvi, e hwèlì ndi e ya ami. Ɔ̀ndeŋgàtɛ̀ na e òhweyàyi ema Èlìŋgɛ̀ e ò wòwa mamɛ ema na òhwi rzi a e òhweyà.”

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 5:17

Yerzù rzìi a hwa alàhwɛ̀ nanù ema, “Tatɛ̀ wa ami a gbeyà èwòlò hvònda tɛ, imbahvɛ na àŋgàmɛ̀nɛ̀yi lì gbeyà èwòlò.”

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Yòwanìrzɛ̀ 6:69

Irzɔ i lòkɛ̀yì ndèŋgàna i hwi nanù ema ò wa ndi ò hwèlì e Mɔ̀ wa Wòtani ema a uwɛ̀lɛ̀lɛ̀yi ò ma Lohwɛ̀.”

Hwègbèèlì 4:32

Hwàlòkèlì hwa arzɛ hwà mà òhva ŋmèma nà màlùtèyà mɔ̀kɔ. Tɔ̀ mɔ̀kɔ wa awu a rza òhwe nanù ema lìrzaŋgò la ami lì hwèlì ndi e la ami, ndi wɔ̀ hwà mà akahwanɛ mamɛ ema hwà mà òhve.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

Ròmànì 2:4

Ŋgà na òma Lohwɛ̀ a hwɛnì ŋmèma mò gbamù rzayi-rzayi rzi a e ŋgbelì hvɛ mɔ̀ɔ̀lì ema mò wawi rzayi-rzayi, rzi a e àjùlɛ̀nɛ̀, inyɔ e rze e wò nàa tɔ̀ eyà. È hwɛni lì hwiya nanù ema ŋmèma mò gbamu ema Lohwɛ̀ à è hwɛnelì mò hwèlì ndi nanù ema a e ŋgbee hvònda ema e tikòhwè hwɛ̀ɛ̀mɛ̀ hwe anyu hwe wòhwe ndɛnɛ wò ama Lohwɛ̀.

1 Kɔ̀rintìyà 14:31

O ène ŋgàna, hwatò hwa arzɛ ema hwa ohwà ŋmɛ̀ndì mo ama Lohwà, wɔ̀ hwa àrzɛ, hwa hwɛnɛ̀ hvondà o lì ohwà, mɔ̀kɛ-mɔ̀kɛ. Aŋga nanù hwatò hwa àrzɛ hwa okowà na lì kɔmɛ̀lɛ̀hwɛ̀.

1 Kɔ̀rintìyà 2:12

I rzà ohvì ndi èlìŋgɛ̀ ya ene rze, i ohvi ndi èlìŋgɛ̀ yà wòtani ema Lohwɛ̀ a jo ŋgbèli, oma i ma rzɔ̀ŋgìtɛ̀nɛ̀ hweyà hwe arzɛ ema hwe jo ŋgbààhwì nà Mɔ̀, ò ŋgùndù.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

Ɛ̀hvìrzìyà 1:7

Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Ɛ̀hvìrzìyà 3:16

Nà oma à è utelì mònàmɛ̀ mò hvèyi nà kànɛ̀ nanù ema èlìŋgɛ̀ yà eni yè è ŋgbè ŋginyà aŋga nanù mèèmà mè anyu mè eta ò kòkò.

Ɛ̀hvìrzìyà 3:3

Lohwɛ̀ à mà nò ŋgba lì rzɔ̀ŋgìtɛ̀nɛ̀ là hweyà hwe wùndɛ̀, ema hwe mà nò gbeyà ò lì hwiya hweyà ema natɛ̀ɛ nà naŋgɛ tɔ̀ mòtò tɔ̀ mɔ̀kɔ à rza tànɛyi lì rzɔ̀ŋgìtɛ̀nɛ̀. Nà mà màa lì è tìleyà ŋgurzu jà hweyà lì hvomɛ̀nɛ̀ ene.

Ɛ̀hvìrzìyà 6:22

Nà è òmeyà è mɔ̀ àŋga nanù mɔ̀ à è ohweyà hweyà ema hwe jò gbèyɛ̀nɛ. Nà ò lì è ètìrzɛ̀ mèèmà mè anyu.

Hvìlipìyà 2:1

Nà oma e hwèlì mɔ̀kɔ na Krirztò e kɔ̀mɛlɛhwɛyi, ndèŋgànɛ̀lɛ̀ e ndìŋgɛ ya eni è e ŋgba etembe, inyɔ e alàtanɛ na Èlìŋgɛ̀ yà Wòtani. È awuŋmɛ̀lɛ̀nɛ mèèmà me gbamù na lì a okànɛ̀lɛ̀ mɔ̀kɔ na ɔnɛyi ììlì.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

Kòlòrzìyà 1:26

Ò mòlòmɛ̀ ŋmɛ̀ndì mò eni mò mà hwɛ ndi eyà ema hwatò hwa rzi rzɔ̀ŋgìtɛ̀nɛ̀, ndi ò nàŋgɛ mɔ̀ à mà gbeyà hwatò wà eni ò lì mò hwiya.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

Kòlòrzìyà 1:9

Ò lìni lìtiŋgà rzɔ, irzɔ i hwèlì jè è kànɛ̀lɛ̀lɛ̀ tɔ̀ ima hvonda. Ì kanɛ̀ nanù ema inyɛ Lohwɛ̀ à gbèye inyɔ è rzɔ̀ŋgìtɛ̀nɛ̀ kɔ̀yi-kɔ̀yi eyà ema mɔ̀ à arza nanù ema è gbèyè. Ì kanɛ̀ nanù ema Lohwɛ̀ à è ŋgbe lìhwiyè nà lì rzɔ̀ŋgìtɛ̀nɛ̀ aŋga nanù è rzɔ̀ŋgìtɛ̀nɛ̀ gbamù eyà yà Èlìŋgɛ̀.

Kòlòrzìyà 2:19

Èŋge tumba mòtò a rzɔ̀njɛlɛ lì lòkɛ̀ Krirztò ema mɔ̀ ndi à hwèlì e mòtìmbèlì wa hwàlòkèlì. Nà oma mòòhvò mo kànèyà e nyàmà nyo ya arzɛ, ŋgànà hvɔ̀kɔ hvɛ ndi Krirztò a mɔ̀ hvɛ a kànèyà hwatò hwa arzɛ ema hwa mo lòkɛ̀ aŋga nanù hwa hwɛ ndi mòtò mɔ̀kɔ. Nà oma mèrzìrza me arzàŋgànɛ o lì lata matìŋgà mà e nyo ya mòtò o lì hwɛ mòtò mɔ̀kɔ, nanù hvɛ ndi Krirztò a rzàŋga hwatò ema hwa mo lòkɛ̀ o lì hwɛ mòtò mɔ̀kɔ o rze ya eni. Ndeŋgana eŋge ŋgindi e oŋga ndi nà oma Lohwɛ̀ a arza.

Kòlòrzìyà 3:14

Ndeŋgànɛ̀lɛ̀ ò ŋmanyu yà hwene hweyà hwe arzɛ, è alìŋgànɛ mɔ̀kɔ nà ɔ̀nɛyi. È ndìŋgɛ ndi è rzàŋga hweyà hwe arzɛ.

Kòlòrzìyà 4:3

È a jo kànɛlɛlɛ irzɔ hvɛ, aŋga nanù Lohwɛ̀ a jo lìhvoweya e njiya o lì ohwa ŋmɛ̀ndì lì hvomɛ̀nɛ̀ Krirztò, ema hwatò hwa rzi rzɔ̀ŋgìtɛ̀nɛ̀ o mòlòmɛ. Moŋgo ŋmɛ̀ndì ema imba na ohwa mɔ̀ ndi mo gbèyi ɔndèŋgàtɛ̀ imba na hwèlì o hwèwòwà.

Kòlòrzìyà 4:8

Imba nà è òmeyà è mɔ̀, ò lì è ohweyà nɛ irzɔ i hwèlì nà ò lì ètìrzɛ̀ mèèmà mè anyu.

1 Tɛ̀rzàlonìyà 1:5

I hwi nanù ehwànja è hvonda ema ì mà è jèeyà rzi jè è ohweyà Ŋmɛ̀ndì mò Gbamù, rzeketɛ mbɔrzi mɛnɛ ndi ì mà è jàneyà. Ndi è ŋginyà yà èlìŋgɛ̀ yà wòtani yɔ̀ ndi è mà gbeyà ɔ̀ndeŋgàtɛ̀ i mà ohwa mòŋgo ŋmɛ̀ndì mò gbamù nà ŋginyà, ndèŋgànɛ̀lɛ̀ i mà hwɛ lì lòkɛ̀ nanù ema tɔ̀ mamɛ ema i mà hwɛ lì ohwa è mà hwɛ ndi è jɔ̀kɛ̀. Inyɔ è hwi nà oma ɛ̀ɛ̀mɛ̀ yà arzu è mà hwɛ è hvonda ema ì mà hwɛ nà inyɔ. Mamɛ è mà gbeyà eŋge ɛ̀ɛ̀mɛ̀ ò lì hwɛ nanù, è mà hwɛ ndi ò lì è oŋgowàna.

1 Tɛ̀rzàlonìyà 3:2

I ma e omeya ŋmanyàŋgò wa arzu Tìmòtì. Irzɔ na mɔ̀ i gbèeyà èwòlò ya ama Lohwɛ̀ ema e hwèlì o lì ohwa ŋmɛ̀ndì mò gbamù mo ama Krirztò. I ma e omeya e mɔ̀, aŋga nanù a e embɛ na lì e kɔ̀mɛlɛ o lìlòkɛ̀ la anyu.

1 Tɛ̀rzàlonìyà 5:14

Ìi wònyàmòwe kòkò, nà je e ohweyà hvɛ nanù ema e kòkòwɛ̀lɛ̀ hwatò ema hwa hwèlì rzìŋgà nanù ema hwa àŋgàmɛ̀nɛ̀yi lì gbeyà èwòlò, e embɛ̀ hwaŋga ema hwa oka wɔ̀ŋgɔ̀, e oŋgowane hwaŋga ema hwa rza ohvɛɛ ŋginyà, e a àjùlɛ̀nɛ̀ mɔ̀kɔ na ɔ̀nɛyi.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 6:11

Irzɔ ja arza ndi nanù ema inyɔ e ɛ̀ndɛ̀nɛ̀ èwòlò e anyu o worzo na kumba, natɛ̀ɛ na o lìrzukù, aŋga nanù e luwa hweyà ema inyɔ e ambɛ̀lɛlɛyi na màhvìta.

2 Pètrò 1:10

O eŋgànɛ̀lɛ̀ rzɔ wònyànyàŋgo hwa ami kòkò, e keke o lì uŋmɛ̀lɛ̀ nanù ema Lohwɛ̀ ndi à e hwɛlɛ ndeŋgànɛlɛ mɔ̀ ndi à e hvɔ̀rzì o lì hwɛ hwatò hwa eni. Nà ohwa ndi nanù ehwànja e gbèyi tɛ nanù, e rza unda o tenì ya wòhwe.

2 Pètrò 1:3

È ŋginyà yà ama Lohwɛ̀ yà ŋmanyu è mà jò ŋgbàà hwèèmà hwe arzɛ ema jà arza ò lòŋgɛ, ndèŋgànɛ̀lɛ̀ è mà jò timba ò lì gbeyà nà oma Lohwɛ̀ à arza. Ène eyà è gbèyɛ̀nɛ̀ ndi nanù ehwànja i mò hwi, à mà gbeyàna è ŋginyà nà ŋmèma mò gbamù, ò lì jò hvɔ̀rzɔ̀ ò lì hwɛ hwatò hwa eni.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

1 Yòwanìrzɛ̀ 3:19

Ja awùŋmɛ̀lɛ̀nɛ̀yi tɛ e ndìŋgɛ mɔ̀kɔ nà ɔ̀nɛyi, aŋga ndi irzɔ i hwiya nanù ema i hwèlì ndi hwatò hwa jɔ̀kɛ̀, ndèŋgànɛ̀lɛ̀ i hwi nanù ema mèèmà me arzu me eta o worzo wo ama Lohwɛ̀.

1 Yòwanìrzɛ̀ 5:7

Ò hwèlì ŋgànà iyàwò ò lì hwiya e jɔ̀kɛ̀ ya ama Yerzù.